म. टा. प्रतिनिधी, पुणे
एसटी बसमध्ये प्रवासादरम्यान गुंगीचे औषध असलेले क्रीमचे बिस्कीट खायला देऊन रोख रक्कम व सोन्याचे दागिने असा ४१ हजार ५०० रुपयांचा ऐवेज लुटल्याचा प्रकार समोर आला आहे. या प्रकरणी स्वारगेट पोलिस ठाण्यात गुन्हा दाखल केला आहे.
या बाबत बाळासाहेब शिंदे (वय ६४, रा. घाटाकोपर पुर्व, मुंबई) यांनी तक्रार दिली आहे. या प्रकरणी ४० ते ४५ वर्षांच्या एकाविरुद्ध गुन्हा दाखल केला आहे. पोलिसांनी दिलेल्या माहितीनुसार, बाळासाहेब शिंदे हे तीन जुलै रोजी सासवड येथून पंढरपूर ते परळ-मुंबई या एसटी बसने प्रवास करत होते. दुपारी तीनच्या सुमारास स्वारगेट येथे बस आल्यानंतर एकजण त्यांच्या शेजारी बसला. त्याने गप्पा मारण्यास सुरुवात केली. काही वेळाने त्याने त्याच्या जवळील क्रीमचे बिस्कीट शिंदे यांना खायला दिले. त्यामुळे त्यांना गुंगी आली. त्यांना सायंकाळी सव्वा सातच्या सुमारास चेंबूर येथील मैत्री पार्क येथे जाग आली. त्या वेळी त्यांच्या गळ्यातील सोन्याची साखळी, अंगठी आणि दीड हजार रुपये रोख असा ४१ हजार ५०० रुपयांचा ऐवज चोरीला गेल्याचे लक्षात आले. याबाबत पोलिसांकडे तक्रार केल्यांनतर हा गुन्हा दाखल करण्यात आला.
बसचालकास मारहाण
पीएमपी बस चालकाने जाण्यास बाजू न दिल्यावरून झालेल्या वादात चालकाला दोघांनी मारहाण केली. या प्रकरणी कोंढवा पोलिसांनी त्यांना अटक केली. श्रव भगवान बधे (वय २१, रा. वानवडी), रामदास राजू खोपकर (वपय २१, रा. गणेश मंदिराजवळ, वानवडी) अशी अटक केलेल्यांची नावे आहेत. तर, चेतन केदारी हा अद्याप फरार आहे. या प्रकरणी राजेश शिरसाठ (वय ४७, रा. पुरंदर) यांनी तक्रार दिली आहे. पोलिसांनी दिलेल्या माहितीनुसार, शिरसाठ हे पीएमपीची बस घेऊन जात होते. त्या वेळी दुचाकीला बाजू दिली नाही, या कारणावरून बधेसोबत त्यांची वादावादी झाली. यामध्ये या तिघांनी बसला दुचाकी आडवी लावली. शिवीगाळ करून शिरसाठ यांना मारहाण केली. पुढील तपास उपनिरीक्षक कर्चे करत आहेत.
एसटी बसमध्ये प्रवासादरम्यान गुंगीचे औषध असलेले क्रीमचे बिस्कीट खायला देऊन रोख रक्कम व सोन्याचे दागिने असा ४१ हजार ५०० रुपयांचा ऐवेज लुटल्याचा प्रकार समोर आला आहे. या प्रकरणी स्वारगेट पोलिस ठाण्यात गुन्हा दाखल केला आहे.
या बाबत बाळासाहेब शिंदे (वय ६४, रा. घाटाकोपर पुर्व, मुंबई) यांनी तक्रार दिली आहे. या प्रकरणी ४० ते ४५ वर्षांच्या एकाविरुद्ध गुन्हा दाखल केला आहे. पोलिसांनी दिलेल्या माहितीनुसार, बाळासाहेब शिंदे हे तीन जुलै रोजी सासवड येथून पंढरपूर ते परळ-मुंबई या एसटी बसने प्रवास करत होते. दुपारी तीनच्या सुमारास स्वारगेट येथे बस आल्यानंतर एकजण त्यांच्या शेजारी बसला. त्याने गप्पा मारण्यास सुरुवात केली. काही वेळाने त्याने त्याच्या जवळील क्रीमचे बिस्कीट शिंदे यांना खायला दिले. त्यामुळे त्यांना गुंगी आली. त्यांना सायंकाळी सव्वा सातच्या सुमारास चेंबूर येथील मैत्री पार्क येथे जाग आली. त्या वेळी त्यांच्या गळ्यातील सोन्याची साखळी, अंगठी आणि दीड हजार रुपये रोख असा ४१ हजार ५०० रुपयांचा ऐवज चोरीला गेल्याचे लक्षात आले. याबाबत पोलिसांकडे तक्रार केल्यांनतर हा गुन्हा दाखल करण्यात आला.
बसचालकास मारहाण
पीएमपी बस चालकाने जाण्यास बाजू न दिल्यावरून झालेल्या वादात चालकाला दोघांनी मारहाण केली. या प्रकरणी कोंढवा पोलिसांनी त्यांना अटक केली. श्रव भगवान बधे (वय २१, रा. वानवडी), रामदास राजू खोपकर (वपय २१, रा. गणेश मंदिराजवळ, वानवडी) अशी अटक केलेल्यांची नावे आहेत. तर, चेतन केदारी हा अद्याप फरार आहे. या प्रकरणी राजेश शिरसाठ (वय ४७, रा. पुरंदर) यांनी तक्रार दिली आहे. पोलिसांनी दिलेल्या माहितीनुसार, शिरसाठ हे पीएमपीची बस घेऊन जात होते. त्या वेळी दुचाकीला बाजू दिली नाही, या कारणावरून बधेसोबत त्यांची वादावादी झाली. यामध्ये या तिघांनी बसला दुचाकी आडवी लावली. शिवीगाळ करून शिरसाठ यांना मारहाण केली. पुढील तपास उपनिरीक्षक कर्चे करत आहेत.