तळजाई टेकडीवरील प्रकार; टोळी युद्धाचा पोलिसांना संशय
म. टा. प्रतिनिधी, पुणे
तळजाई टेकडीवरील पडक्या वाड्याजवळ सराईत गुन्हेगाराचा धारदार शस्त्रांनी वार करून खून केल्याचा प्रकार रविवारी सकाळी उघडकीस आला. या प्रकरणी सहकारनगर पोलिस ठाण्यात खुनाचा गुन्हा दाखल करण्यात आला आहे. सहकारनगरमधील टोळी युद्धातून हा खून झाल्याचा संशय पोलिसांनी व्यक्त केला आहे.
सनी एकनाथ मोरे (वय २३ रा. तळजाई माता मंदिराजवळ, धनकवडी) असे खून झालेल्याचे नाव आहे. या प्रकरणी सुनील यशवंत नवले (रा. तळजाईमाता मंदिराजवळ, धनकवडी) यांनी सहकारनगर पोलिस ठाण्यात तक्रार दिली आहे. पोलिसांनी दिलेल्या माहितीनुसार, सनी हा तळजाई पठार येथे शनिवारी रात्री गेला होता. त्यानंतर तो रात्री घरी परत आला नाही. रविवारी सकाळी साडेदहाच्या सुमारास तळजाई पठारावर झुडूपामध्ये एकाचा मृतदेह पडल्याची माहिती काही नागरिकांनी पोलिसांना दिली. पोलिसांनी घटनास्थळी जाऊन पहाणी केली असता तो मृतदेह सनी याचा असल्याचे आढळले. त्याच्या डोक्यात दगड घातला होता. तसेच, त्याच्यावर वार करण्यात आल्याचे आढळले. मृतदेहापासून काही अंतरावरच पोलिसांना चाकू मिळाला.
धनकवडी येथे २०१२मध्ये तोरण मिरवणुकीत दत्ता माने आणि वैजू नवघणे यांच्या टोळीमध्ये मारहाण झाली होती. यामध्ये नवघणेचा खून करण्यात आला होता. त्यानंतर काही दिवसांनी मानेच्या भाच्याचाही खून करण्यात आला होता. सनीचा भाऊ स्वप्नील मोरे हा त्याचा मित्र आरिश जैन याच्या दुकानात गप्पा मारत बसला होता. त्यावेळी सनी हा देखील तेथेच होता. त्यावेळी अचानक आलेल्या टोळक्याने जैनच्या दुकानात पेट्रोल बॉम्ब टाकून दुकानाचे शटर ओढून घेतले होते. यामध्ये सुनील आणि आरिश यांचा जळून मृत्यू झाला होता. सनीही गंभीर जखमी झाला होता. या प्रकरणाची काही दिवसांपूर्वीच कोर्टात सुनावणी सुरू झाली होती. सनी हा त्यातील एक महत्त्वाचा साक्षीदार होता. सनीवर दोन चोरीचे गुन्हेही दाखल होते. गेल्या महिन्यात त्याच्यावर विनयभंगाचाही गुन्हा दाखल झाला होता. हा खून टोळी युद्धातून झाला असण्याची शक्यता पोलिसांनी व्यक्त केली आहे.
म. टा. प्रतिनिधी, पुणे
तळजाई टेकडीवरील पडक्या वाड्याजवळ सराईत गुन्हेगाराचा धारदार शस्त्रांनी वार करून खून केल्याचा प्रकार रविवारी सकाळी उघडकीस आला. या प्रकरणी सहकारनगर पोलिस ठाण्यात खुनाचा गुन्हा दाखल करण्यात आला आहे. सहकारनगरमधील टोळी युद्धातून हा खून झाल्याचा संशय पोलिसांनी व्यक्त केला आहे.
सनी एकनाथ मोरे (वय २३ रा. तळजाई माता मंदिराजवळ, धनकवडी) असे खून झालेल्याचे नाव आहे. या प्रकरणी सुनील यशवंत नवले (रा. तळजाईमाता मंदिराजवळ, धनकवडी) यांनी सहकारनगर पोलिस ठाण्यात तक्रार दिली आहे. पोलिसांनी दिलेल्या माहितीनुसार, सनी हा तळजाई पठार येथे शनिवारी रात्री गेला होता. त्यानंतर तो रात्री घरी परत आला नाही. रविवारी सकाळी साडेदहाच्या सुमारास तळजाई पठारावर झुडूपामध्ये एकाचा मृतदेह पडल्याची माहिती काही नागरिकांनी पोलिसांना दिली. पोलिसांनी घटनास्थळी जाऊन पहाणी केली असता तो मृतदेह सनी याचा असल्याचे आढळले. त्याच्या डोक्यात दगड घातला होता. तसेच, त्याच्यावर वार करण्यात आल्याचे आढळले. मृतदेहापासून काही अंतरावरच पोलिसांना चाकू मिळाला.
धनकवडी येथे २०१२मध्ये तोरण मिरवणुकीत दत्ता माने आणि वैजू नवघणे यांच्या टोळीमध्ये मारहाण झाली होती. यामध्ये नवघणेचा खून करण्यात आला होता. त्यानंतर काही दिवसांनी मानेच्या भाच्याचाही खून करण्यात आला होता. सनीचा भाऊ स्वप्नील मोरे हा त्याचा मित्र आरिश जैन याच्या दुकानात गप्पा मारत बसला होता. त्यावेळी सनी हा देखील तेथेच होता. त्यावेळी अचानक आलेल्या टोळक्याने जैनच्या दुकानात पेट्रोल बॉम्ब टाकून दुकानाचे शटर ओढून घेतले होते. यामध्ये सुनील आणि आरिश यांचा जळून मृत्यू झाला होता. सनीही गंभीर जखमी झाला होता. या प्रकरणाची काही दिवसांपूर्वीच कोर्टात सुनावणी सुरू झाली होती. सनी हा त्यातील एक महत्त्वाचा साक्षीदार होता. सनीवर दोन चोरीचे गुन्हेही दाखल होते. गेल्या महिन्यात त्याच्यावर विनयभंगाचाही गुन्हा दाखल झाला होता. हा खून टोळी युद्धातून झाला असण्याची शक्यता पोलिसांनी व्यक्त केली आहे.