पुणे:
पुणे महानगर परिवहन महामंडळाच्या (पीएमपी) दैनंदिन तिकीट विक्रीतून प्राप्त होणाऱ्या उत्पन्नातातील दीड ते दोन लाख रुपयांच्या 'चिल्लर'चे करायचे काय, असा प्रश्न पीएमपी प्रशासनास पडला आहे. गेल्या नऊ दिवसांपासून पीएमपीकडून चिल्लर स्वीकारण्यास बँकेने नकार दिला असल्याची माहिती पीएमपी प्रशासनाने दिली.
पीएमपीच्या दैनंदिन सरासरी १३५० बस प्रत्यक्ष मार्गावर धावतात. त्या बस दिवसभरात १७ हजारांहून अधिक फेऱ्या मारतात. साधारण १० लाख प्रवासी एका दिवशी प्रवास करतात, तर पावणेदोन कोटी रुपयांचे उत्पन्न पीएमपीला प्राप्त होते. पीएमपीच्या १३ आगारांतून ही रक्कम जमा होते. त्यामध्ये दीड ते दोन लाख रुपयांची चिल्लर होते. हे पैसे सेंट्रल बँक ऑफ इंडियाच्या लष्कर भागातील शाखेत जमा केले जातात. या बँकेने ती चिल्लर स्वीकारण्यास नकार दिला आहे.
बँकेने चिल्लर स्विकारण्यास नकार दिल्याने पीएमपीच्या आगारांमध्ये ती साठवून ठेवण्याची वेळ आली आहे. त्यानंतर पीएमपी प्रशासनाने बँकेकडे सातत्याने पाठपुरावा केला. मात्र, त्याचा काही एक उपयोग झाला नसल्याचे पीएमपी प्रशासनाने कळविले आहे. त्यामुळे प्रशासनाला गेल्या नऊ दिवसांतील आठ दिवसांत जमा झालेली १२ ते १५ लाख रुपयांची चिल्लर आगारांमध्येच ठेवावी लागली आहे.
पीएमपी समोरील अडचण ?
- लाखो रुपयांची चिल्लर ठेवायची कोठे ?
- एवढ्या मोठ्या प्रमाणावर पैसे बँकेत जमा न झाल्याने पीएमपीच्या खर्चावर मर्यादा.
- रोजच्या हिशेब नोंदीच्या कामकाजावरही परिणाम होऊ लागला आहे.
- कामकाजातील सुसूत्रता कायम राखणे अडचणीचे झाले असल्याचे प्रशासनाकडून सांगण्यात आले.
१३५०
पीएमपीच्या मार्गांवरील सरासरी बस
१७०००
पीएमपी बसच्या दैनंदिन सरासरी फेऱ्या
एक कोटी ७५ लाख
पीएमपीचे सरासरी दैनंदिन उत्पन्न
१.५ ते २ लाख
पीएमपीच्या उत्पन्नातील चिल्लर
तरीही सुट्या पैशांवरून वाद का?
पीएमपी प्रशासनाकडे दिवसाला दीड ते दोन लाख रुपयांची चिल्लर जमा होते आणि आता ती ठेवायची कोठे, असा प्रश्न प्रशासनासमोर निर्माण झाला आहे. मात्र, असे असतानाही पीएमपीच्या प्रवाशांना प्रवासात सुट्या पैशांवरून कंडक्टर-प्रवासी यांच्यात वाद होतो. ही परिस्थिती का उद्भवते, सुटे पैसे असूनही प्रवाशांना ते दिले का जात नाहीत, असा प्रश्न प्रवाशांकडून विचारला जात आहे. दरम्यान, गेल्या एका महिन्यात पीएमपीकडे कंडक्टरविरोधात सुट्या पैशांच्या वादावरून आठ तक्रारी दाखल झाल्या आहेत.
पुणे महानगर परिवहन महामंडळाच्या (पीएमपी) दैनंदिन तिकीट विक्रीतून प्राप्त होणाऱ्या उत्पन्नातातील दीड ते दोन लाख रुपयांच्या 'चिल्लर'चे करायचे काय, असा प्रश्न पीएमपी प्रशासनास पडला आहे. गेल्या नऊ दिवसांपासून पीएमपीकडून चिल्लर स्वीकारण्यास बँकेने नकार दिला असल्याची माहिती पीएमपी प्रशासनाने दिली.
पीएमपीच्या दैनंदिन सरासरी १३५० बस प्रत्यक्ष मार्गावर धावतात. त्या बस दिवसभरात १७ हजारांहून अधिक फेऱ्या मारतात. साधारण १० लाख प्रवासी एका दिवशी प्रवास करतात, तर पावणेदोन कोटी रुपयांचे उत्पन्न पीएमपीला प्राप्त होते. पीएमपीच्या १३ आगारांतून ही रक्कम जमा होते. त्यामध्ये दीड ते दोन लाख रुपयांची चिल्लर होते. हे पैसे सेंट्रल बँक ऑफ इंडियाच्या लष्कर भागातील शाखेत जमा केले जातात. या बँकेने ती चिल्लर स्वीकारण्यास नकार दिला आहे.
बँकेने चिल्लर स्विकारण्यास नकार दिल्याने पीएमपीच्या आगारांमध्ये ती साठवून ठेवण्याची वेळ आली आहे. त्यानंतर पीएमपी प्रशासनाने बँकेकडे सातत्याने पाठपुरावा केला. मात्र, त्याचा काही एक उपयोग झाला नसल्याचे पीएमपी प्रशासनाने कळविले आहे. त्यामुळे प्रशासनाला गेल्या नऊ दिवसांतील आठ दिवसांत जमा झालेली १२ ते १५ लाख रुपयांची चिल्लर आगारांमध्येच ठेवावी लागली आहे.
पीएमपी समोरील अडचण ?
- लाखो रुपयांची चिल्लर ठेवायची कोठे ?
- एवढ्या मोठ्या प्रमाणावर पैसे बँकेत जमा न झाल्याने पीएमपीच्या खर्चावर मर्यादा.
- रोजच्या हिशेब नोंदीच्या कामकाजावरही परिणाम होऊ लागला आहे.
- कामकाजातील सुसूत्रता कायम राखणे अडचणीचे झाले असल्याचे प्रशासनाकडून सांगण्यात आले.
१३५०
पीएमपीच्या मार्गांवरील सरासरी बस
१७०००
पीएमपी बसच्या दैनंदिन सरासरी फेऱ्या
एक कोटी ७५ लाख
पीएमपीचे सरासरी दैनंदिन उत्पन्न
१.५ ते २ लाख
पीएमपीच्या उत्पन्नातील चिल्लर
तरीही सुट्या पैशांवरून वाद का?
पीएमपी प्रशासनाकडे दिवसाला दीड ते दोन लाख रुपयांची चिल्लर जमा होते आणि आता ती ठेवायची कोठे, असा प्रश्न प्रशासनासमोर निर्माण झाला आहे. मात्र, असे असतानाही पीएमपीच्या प्रवाशांना प्रवासात सुट्या पैशांवरून कंडक्टर-प्रवासी यांच्यात वाद होतो. ही परिस्थिती का उद्भवते, सुटे पैसे असूनही प्रवाशांना ते दिले का जात नाहीत, असा प्रश्न प्रवाशांकडून विचारला जात आहे. दरम्यान, गेल्या एका महिन्यात पीएमपीकडे कंडक्टरविरोधात सुट्या पैशांच्या वादावरून आठ तक्रारी दाखल झाल्या आहेत.