म. टा. प्रतिनिधी, पुणे
काँग्रेस भवनाच्या हॉलमधील फ्लेक्सवर माजी मंत्री हर्षवर्धन पाटील यांचा असलेल्या फोटावर 'फुली' मारून त्यावर कागद चिकटवून काँग्रेस कार्यकर्त्यांनी त्यांच्या भाजप प्रवेशावर गुरुवारी आपला निषेध नोंदविला. पाटील यांचा जिल्हा काँग्रेस कार्यालयातील 'फोटो' काढून टाकण्याच्या घटनेनंतर आता शहर काँग्रेस कार्यालयातही अखेर त्यांच्यावर फुली मारण्यात आली.
पाटील काँग्रेसचे ज्येष्ठ नेते होते. शहर आणि जिल्हा काँग्रेसचे नेतृत्वही आपसूक त्यांच्याकडे आले होते. याच दरम्यान त्यांनी भाजपची वाट धरल्याने त्याची तीव्र प्रतिक्रिया काँग्रेस कार्यकर्त्यांमध्ये उमटत आहे. त्यांनी भाजपमध्ये प्रवेश केल्यानंतर जिल्हा काँग्रेस कार्यालयात असलेला त्यांचा फोटो काढून टाकण्यात आला होता. मात्र, काँग्रेस भवनातील हॉलमध्ये असलेल्या फ्लेक्सवर पाटील यांचा फोटो तसाच होता. काँग्रेसने गुरुवारी खासदार भालचंद्र मुगणेकर यांच्या पत्रकार परिषदेचे आयोजन केले होते. ही पत्रकार परिषद त्याच हॉलमध्ये होणार होती. परिषदेस सुरुवात होण्यास अवघा काही अवधी राहिला असताना पाटील यांचा फोटो फ्लेक्सवर असल्याचे कार्यकर्त्यांच्या लक्षात आले.
त्यानंतर कार्यकर्त्यांनी त्या फोटोवर काळ्या रंगाच्या 'मार्कर'ने फुल्या मारल्या. तर काही कार्यकर्त्यांनी त्यावर सफेद रंगाचा कागद चिकटवून निषेधही नोंदविला. पाटील यांच्या फोटोचे 'ऑपरेशन' पार पडल्यानंतर पत्रकार परिषद सुरू करण्यात आली. पाटील यांनी भाजपमध्ये प्रवेश केल्यानंतर त्यांचे फोटो आणि नावाला काँग्रेसभवनातून बाहेरचा रस्ता दाखविण्यात येत आहे. मात्र, तरीही कुठेही काही त्यांच्याबाबत दिसले की कार्यकर्त्यांकडून निषेध नोंदविण्याची संधी सोडण्यात येत नाही.
काँग्रेस भवनाच्या हॉलमधील फ्लेक्सवर माजी मंत्री हर्षवर्धन पाटील यांचा असलेल्या फोटावर 'फुली' मारून त्यावर कागद चिकटवून काँग्रेस कार्यकर्त्यांनी त्यांच्या भाजप प्रवेशावर गुरुवारी आपला निषेध नोंदविला. पाटील यांचा जिल्हा काँग्रेस कार्यालयातील 'फोटो' काढून टाकण्याच्या घटनेनंतर आता शहर काँग्रेस कार्यालयातही अखेर त्यांच्यावर फुली मारण्यात आली.
पाटील काँग्रेसचे ज्येष्ठ नेते होते. शहर आणि जिल्हा काँग्रेसचे नेतृत्वही आपसूक त्यांच्याकडे आले होते. याच दरम्यान त्यांनी भाजपची वाट धरल्याने त्याची तीव्र प्रतिक्रिया काँग्रेस कार्यकर्त्यांमध्ये उमटत आहे. त्यांनी भाजपमध्ये प्रवेश केल्यानंतर जिल्हा काँग्रेस कार्यालयात असलेला त्यांचा फोटो काढून टाकण्यात आला होता. मात्र, काँग्रेस भवनातील हॉलमध्ये असलेल्या फ्लेक्सवर पाटील यांचा फोटो तसाच होता. काँग्रेसने गुरुवारी खासदार भालचंद्र मुगणेकर यांच्या पत्रकार परिषदेचे आयोजन केले होते. ही पत्रकार परिषद त्याच हॉलमध्ये होणार होती. परिषदेस सुरुवात होण्यास अवघा काही अवधी राहिला असताना पाटील यांचा फोटो फ्लेक्सवर असल्याचे कार्यकर्त्यांच्या लक्षात आले.
त्यानंतर कार्यकर्त्यांनी त्या फोटोवर काळ्या रंगाच्या 'मार्कर'ने फुल्या मारल्या. तर काही कार्यकर्त्यांनी त्यावर सफेद रंगाचा कागद चिकटवून निषेधही नोंदविला. पाटील यांच्या फोटोचे 'ऑपरेशन' पार पडल्यानंतर पत्रकार परिषद सुरू करण्यात आली. पाटील यांनी भाजपमध्ये प्रवेश केल्यानंतर त्यांचे फोटो आणि नावाला काँग्रेसभवनातून बाहेरचा रस्ता दाखविण्यात येत आहे. मात्र, तरीही कुठेही काही त्यांच्याबाबत दिसले की कार्यकर्त्यांकडून निषेध नोंदविण्याची संधी सोडण्यात येत नाही.