प्लॅटफॉर्म पाचऐवजी एकवरून गाडी सोडण्याची मागणी
म. टा. प्रतिनिधी, पुणे
डेक्कन क्वीन गाडी पुणे स्टेशनवरून मुंबईसाठी रवाना करताना पूर्वीप्रमाणे प्लॅटफॉर्म क्रमांक एकवरून सोडण्यात यावी, या मागणीसाठी प्रवाशांनी सोमवारी आंदोलन केले. गाडी सुटण्याच्या वेळेला प्रवाशांनी डब्यातून ‘चेन पुलिंग’ करून गाडी थांबविली. त्यानंतर ट्रॅकवर उतरूनही गाडी पुढे नेण्यास विरोध केला. या प्रकारामुळे गाडी तब्बल एक तास उशिराने सोडण्यात आली. परिणामी, अनेक प्रवाशांची गैरसोयदेखील झाली.
पुणे-जम्मूतावी झेलम एक्स्प्रेस, आझाद-हिंद एक्स्प्रेस, पुणे-पाटलीपुत्र एक्स्प्रेस या गाड्यांना नेहमीच्या २३ डब्यांऐवजी २४ डबे लावण्याचा निर्णय रेल्वे प्रशासनाने घेतला. त्यासाठी १५ फेब्रुवारीपासून दोन जूनपर्यंत डेक्कन क्वीन गाडी प्लॅटफॉर्म एकऐवजी पाच क्रमांकाच्या प्लॅटफॉर्मवरून सोडण्याचा निर्णय रेल्वेने घेतला होता. मात्र, अद्यापही ही गाडी प्लॅटफॉर्म पाचवरून सोडण्यात येत आहे. सकाळी सव्वासात वाजता ही गाडी पुणे स्टेशन येथून सुटते. प्लॅटफॉर्म क्रमांक एकवरून पाचला जाण्यासाठी असलेल्या पुलाची रुंदी तुलनेने कमी आहे. सकाळच्या वेळेला या पुलावर प्रवाशांची गर्दी असते. त्यामुळे गाडी पकडण्यासाठी धावपळ करणाऱ्या प्रवाशांना अनेक अडथळ्यांचा सामना करावा लागतो. रेल्वे प्रशासनाने प्लॅटफॉर्म बदलताना दिलेली मुदत देखील आता संपली आहे. त्यामुळे डेक्कन क्वीन पूर्वीप्रमाणे प्लॅटफॉर्म क्रमांक एकवरून सोडण्याची मागणी प्रवाशांनी केली होती. परंतु, त्यांच्या मागणीची दखल न घेतल्याने अखेर सोमवारी आंदोलन करण्यात आले.
दुसरा शनिवार आणि रविवारची सुटी असल्यामुळे सोमवारी या गाडीला प्रवाशांची गर्दी जास्त होती. प्रवाशांनी गाडी थांबविल्यानंतर रेल्वे स्टेशन व्यवस्थापक ए. के. पाठक यांनी प्रवाशांशी संवाद साधला. या वेळी रेल्वेच्या विभागीय कार्यालयातील अधिकारी देखील उपस्थित होते. त्यांनी आश्वासन दिल्यानंतर गाडी रवाना झाली. सव्वाआठ वाजता निघालेली गाडी छत्रपती शिवाजी महाराज टर्मिनसला दुपारी १२ वाजता पोहोचली.
‘त्या गाड्या दुसरीकडून सोडा’
पुणे-जम्मूतावी झेलम एक्स्प्रेस, आझाद-हिंद एक्स्प्रेस, पुणे-पाटलीपुत्र एक्स्प्रेस या लांब पल्ल्याच्या गाड्या असल्यामुळे या गाड्यांमध्ये पँट्री कार आहेत. पुणे स्टेशनला दाखल झाल्यानंतर त्या गाड्या स्वच्छतेसाठी पाठविल्या जातात. त्यावेळी या पँट्री कारमधील सर्व सामान बाहेर काढून ठेवावे लागते. हे सामान प्लॅटफॉर्म क्रमांक एकवरच ठेवले जाते. पुणे स्टेशनमध्ये प्लॅटफॉर्म क्रमांक एक हा महत्त्वाचा मानला जातो. त्या ठिकाणी अशा पद्धतीने सामान ठेवणे चुकीचे आहे. या सर्व गाड्या या पूर्वी प्लॅटफॉर्म क्रमांक दोन किंवा तीनवरूनही सोडण्यात येत होत्या. त्यामुळे आता देखील त्याच प्लॅटफॉर्मवरून सोडव्यात, अशी मागणी रेल्वे प्रवासी ग्रुपच्या अध्यक्ष हर्षा शहा यांनी केली.
म. टा. प्रतिनिधी, पुणे
डेक्कन क्वीन गाडी पुणे स्टेशनवरून मुंबईसाठी रवाना करताना पूर्वीप्रमाणे प्लॅटफॉर्म क्रमांक एकवरून सोडण्यात यावी, या मागणीसाठी प्रवाशांनी सोमवारी आंदोलन केले. गाडी सुटण्याच्या वेळेला प्रवाशांनी डब्यातून ‘चेन पुलिंग’ करून गाडी थांबविली. त्यानंतर ट्रॅकवर उतरूनही गाडी पुढे नेण्यास विरोध केला. या प्रकारामुळे गाडी तब्बल एक तास उशिराने सोडण्यात आली. परिणामी, अनेक प्रवाशांची गैरसोयदेखील झाली.
पुणे-जम्मूतावी झेलम एक्स्प्रेस, आझाद-हिंद एक्स्प्रेस, पुणे-पाटलीपुत्र एक्स्प्रेस या गाड्यांना नेहमीच्या २३ डब्यांऐवजी २४ डबे लावण्याचा निर्णय रेल्वे प्रशासनाने घेतला. त्यासाठी १५ फेब्रुवारीपासून दोन जूनपर्यंत डेक्कन क्वीन गाडी प्लॅटफॉर्म एकऐवजी पाच क्रमांकाच्या प्लॅटफॉर्मवरून सोडण्याचा निर्णय रेल्वेने घेतला होता. मात्र, अद्यापही ही गाडी प्लॅटफॉर्म पाचवरून सोडण्यात येत आहे. सकाळी सव्वासात वाजता ही गाडी पुणे स्टेशन येथून सुटते. प्लॅटफॉर्म क्रमांक एकवरून पाचला जाण्यासाठी असलेल्या पुलाची रुंदी तुलनेने कमी आहे. सकाळच्या वेळेला या पुलावर प्रवाशांची गर्दी असते. त्यामुळे गाडी पकडण्यासाठी धावपळ करणाऱ्या प्रवाशांना अनेक अडथळ्यांचा सामना करावा लागतो. रेल्वे प्रशासनाने प्लॅटफॉर्म बदलताना दिलेली मुदत देखील आता संपली आहे. त्यामुळे डेक्कन क्वीन पूर्वीप्रमाणे प्लॅटफॉर्म क्रमांक एकवरून सोडण्याची मागणी प्रवाशांनी केली होती. परंतु, त्यांच्या मागणीची दखल न घेतल्याने अखेर सोमवारी आंदोलन करण्यात आले.
दुसरा शनिवार आणि रविवारची सुटी असल्यामुळे सोमवारी या गाडीला प्रवाशांची गर्दी जास्त होती. प्रवाशांनी गाडी थांबविल्यानंतर रेल्वे स्टेशन व्यवस्थापक ए. के. पाठक यांनी प्रवाशांशी संवाद साधला. या वेळी रेल्वेच्या विभागीय कार्यालयातील अधिकारी देखील उपस्थित होते. त्यांनी आश्वासन दिल्यानंतर गाडी रवाना झाली. सव्वाआठ वाजता निघालेली गाडी छत्रपती शिवाजी महाराज टर्मिनसला दुपारी १२ वाजता पोहोचली.
‘त्या गाड्या दुसरीकडून सोडा’
पुणे-जम्मूतावी झेलम एक्स्प्रेस, आझाद-हिंद एक्स्प्रेस, पुणे-पाटलीपुत्र एक्स्प्रेस या लांब पल्ल्याच्या गाड्या असल्यामुळे या गाड्यांमध्ये पँट्री कार आहेत. पुणे स्टेशनला दाखल झाल्यानंतर त्या गाड्या स्वच्छतेसाठी पाठविल्या जातात. त्यावेळी या पँट्री कारमधील सर्व सामान बाहेर काढून ठेवावे लागते. हे सामान प्लॅटफॉर्म क्रमांक एकवरच ठेवले जाते. पुणे स्टेशनमध्ये प्लॅटफॉर्म क्रमांक एक हा महत्त्वाचा मानला जातो. त्या ठिकाणी अशा पद्धतीने सामान ठेवणे चुकीचे आहे. या सर्व गाड्या या पूर्वी प्लॅटफॉर्म क्रमांक दोन किंवा तीनवरूनही सोडण्यात येत होत्या. त्यामुळे आता देखील त्याच प्लॅटफॉर्मवरून सोडव्यात, अशी मागणी रेल्वे प्रवासी ग्रुपच्या अध्यक्ष हर्षा शहा यांनी केली.