खासदार शिरोळे यांची मागणी; जमीन हस्तांतरण करण्याचीही सूचना
म. टा. प्रतिनिधी, पुणे
हिंजवडीत जाण्यासाठी सध्या उपलब्ध असलेल्या एकमेव रस्त्यावर सातत्याने वाहतूक कोंडी होत असल्याने बाणेर-म्हाळुंगे-हिंजवडी या पर्यायी रस्त्याचे काम तातडीने मार्गी लागावे, अशी मागणी खासदार अनिल शिरोळे यांनी गुरुवारी केली. या रस्त्यासाठी आवश्यक असलेले जमीन हस्तांतरणाचे रखडलेले काम पुणे महानगर प्रदेश विकास प्राधिकरणाने (पीएमआरडीए) तातडीने हाती घ्यावे, अशी सूचना त्यांनी केली.
खासदार शिरोळे यांनी गुरुवारी सकाळी ‘पीएमआरडीए’चे आयुक्त महेश झगडे यांची भेट घेऊन या रस्त्याबाबत विस्तृत चर्चा केली. हिंजवडीत सध्या अस्तित्वात असलेल्या रस्त्यावर वाहतुकीचा ताण दिवसेंदिवस वाढतच आहे. त्यामुळे सकाळी आणि सायंकाळच्या वेळेत मोठी कोंडी होत असून, ती फोडण्यासाठी खासदार शिरोळे यांनी बाणेर आणि म्हाळुंगे मार्गे हिंजवडीत जाणारा पर्यायी मार्ग सुचविला होता. या रस्त्याच्या कामाच्या प्रगतीबद्दल त्यांनी काही दिवसांपूर्वी महाराष्ट्र औद्योगिक विकास महामंडळाच्या पुणे विभागाचे अधिकारी संतोष देशमुख यांचीही भेट घेतली होती. रस्त्यासाठी जागा ताब्यात देताना, जमीन मालकांना मिळणारा मोबदला, वाढीव एफएसआय असे मुद्दे उपस्थित झाल्याने रस्ता ताब्यात घेण्याची प्रक्रिया ठप्प झाली होती.
भविष्यात हिंजवडीच्या मुख्य रस्त्यावर वाढणारी वाहतूक लक्षात घेऊन पर्यायी मार्ग अत्यंत गरजेच आहे. त्यामुळे, स्थानिकांच्या समस्या लक्षात घेऊन त्यातून तोडगा काढण्यासाठी आवश्यक उपाययोजना तातडीने काढण्याच्या सूचना शिरोळे यांनी झगडे यांना केल्या. खासदारांनी केलेल्या सूचनेनुसार हा प्रश्न तातडीने सोडविण्यासाठी आवश्यक ती सर्व पावले उचलण्यात येतील, असा विश्वास आयुक्त झगडे यांनी या वेळी व्यक्त केला.
..............
हिंजवडीत जाण्यासाठी सध्या उपलब्ध असलेल्या एकमेव रस्त्यावर सातत्याने वाहतूक कोंडी होत असल्याने बाणेर-म्हाळुंगे-हिंजवडी या पर्यायी रस्त्याचे काम तातडीने मार्गी लागण्यासाठी प्रयत्नशील आहे. त्याचप्रमाणे या रस्त्यासाठी जमीन हस्तांतरणाचे रखडलेले कामही तातडीने हाती घेण्याची सूचना ‘पीएमआरडीए’ला केली आहे.
- अनिल शिरोळे, खासदार
म. टा. प्रतिनिधी, पुणे
हिंजवडीत जाण्यासाठी सध्या उपलब्ध असलेल्या एकमेव रस्त्यावर सातत्याने वाहतूक कोंडी होत असल्याने बाणेर-म्हाळुंगे-हिंजवडी या पर्यायी रस्त्याचे काम तातडीने मार्गी लागावे, अशी मागणी खासदार अनिल शिरोळे यांनी गुरुवारी केली. या रस्त्यासाठी आवश्यक असलेले जमीन हस्तांतरणाचे रखडलेले काम पुणे महानगर प्रदेश विकास प्राधिकरणाने (पीएमआरडीए) तातडीने हाती घ्यावे, अशी सूचना त्यांनी केली.
खासदार शिरोळे यांनी गुरुवारी सकाळी ‘पीएमआरडीए’चे आयुक्त महेश झगडे यांची भेट घेऊन या रस्त्याबाबत विस्तृत चर्चा केली. हिंजवडीत सध्या अस्तित्वात असलेल्या रस्त्यावर वाहतुकीचा ताण दिवसेंदिवस वाढतच आहे. त्यामुळे सकाळी आणि सायंकाळच्या वेळेत मोठी कोंडी होत असून, ती फोडण्यासाठी खासदार शिरोळे यांनी बाणेर आणि म्हाळुंगे मार्गे हिंजवडीत जाणारा पर्यायी मार्ग सुचविला होता. या रस्त्याच्या कामाच्या प्रगतीबद्दल त्यांनी काही दिवसांपूर्वी महाराष्ट्र औद्योगिक विकास महामंडळाच्या पुणे विभागाचे अधिकारी संतोष देशमुख यांचीही भेट घेतली होती. रस्त्यासाठी जागा ताब्यात देताना, जमीन मालकांना मिळणारा मोबदला, वाढीव एफएसआय असे मुद्दे उपस्थित झाल्याने रस्ता ताब्यात घेण्याची प्रक्रिया ठप्प झाली होती.
भविष्यात हिंजवडीच्या मुख्य रस्त्यावर वाढणारी वाहतूक लक्षात घेऊन पर्यायी मार्ग अत्यंत गरजेच आहे. त्यामुळे, स्थानिकांच्या समस्या लक्षात घेऊन त्यातून तोडगा काढण्यासाठी आवश्यक उपाययोजना तातडीने काढण्याच्या सूचना शिरोळे यांनी झगडे यांना केल्या. खासदारांनी केलेल्या सूचनेनुसार हा प्रश्न तातडीने सोडविण्यासाठी आवश्यक ती सर्व पावले उचलण्यात येतील, असा विश्वास आयुक्त झगडे यांनी या वेळी व्यक्त केला.
..............
हिंजवडीत जाण्यासाठी सध्या उपलब्ध असलेल्या एकमेव रस्त्यावर सातत्याने वाहतूक कोंडी होत असल्याने बाणेर-म्हाळुंगे-हिंजवडी या पर्यायी रस्त्याचे काम तातडीने मार्गी लागण्यासाठी प्रयत्नशील आहे. त्याचप्रमाणे या रस्त्यासाठी जमीन हस्तांतरणाचे रखडलेले कामही तातडीने हाती घेण्याची सूचना ‘पीएमआरडीए’ला केली आहे.
- अनिल शिरोळे, खासदार