म. टा. प्रतिनिधी, पुणे
‘क्रिकेटचा सामना पाहण्यासाठी सहारा स्टेडियमबाहेर रांग लावून लोक थांबतात, मग देशहितासाठी निर्णय घेतला असताना नोटा बदलताना बँकेच्या रांगेत थांबायचा त्रास होतो का,’ असा प्रश्न राज्यसभा खासदार संजय काकडे यांनी पत्रकार परिषदेत विचारला. ‘पंतप्रधान नरेंद्र मोदी यांनी नोटबंदीचा धाडसी निर्णय घेतल्यामुळे देशाला फायदाच होणार आहे,’ असेही काकडे यांनी स्पष्ट केले.
‘देशातील १३५ कोटी जनतेपैकी केवळ ५० लाख लोकांना नोटाबंदीचा त्रास होत आहे. हा देशहिताचा निर्णय आहे. या निर्णयामुळे झालेला फायदा सर्वांना दिसून येईल. तसेच, ३१ डिसेंबरपर्यंत ९० टक्के परिस्थिती पूर्ववत होईल,’ असे काकडे म्हणाले.
‘चलनातील काही नोटा यापूर्वी १९७७ मध्ये रद्द करण्यात आल्या होत्या. त्यानंतर ४० वर्षांनी हा धाडसी निर्णय घेतलेला आहे. हा निर्णय घेणे देशहितासाठी गरजेचे होते. नकली नोटा, दशहतवाद्यांना मिळणारी आर्थिक मदत, भ्रष्टाचार करून कमविलेला पैसा, या निर्णयामुळे हे प्रकार थांबणार आहेत. सरकारने दर १५वर्षांनंतर असा निर्णय घेतला पाहिजे,’ असेही काकडे यांनी सांगितले.
समर्थनासाठी रॅली
येत्या रविवारी नोट बंदी निर्णयाच्या समर्थनार्थ डेक्कन येथील छत्रपती संभाजी पुतळ्यापासून एस. पी. कॉलेजपर्यंत रॅली काढण्यात येणार आहे. त्यानंतर तेथे सभा होणार असून बँकिंग क्षेत्रातील तज्ज्ञ या विषयावर नागरिकांना मार्गदर्शन करणार आहेत. ही रॅली पुणेकरांच्यावतीने काढण्यात येणार आहे, अशी माहिती खासदार संजय काकडे यांनी दिली.
‘क्रिकेटचा सामना पाहण्यासाठी सहारा स्टेडियमबाहेर रांग लावून लोक थांबतात, मग देशहितासाठी निर्णय घेतला असताना नोटा बदलताना बँकेच्या रांगेत थांबायचा त्रास होतो का,’ असा प्रश्न राज्यसभा खासदार संजय काकडे यांनी पत्रकार परिषदेत विचारला. ‘पंतप्रधान नरेंद्र मोदी यांनी नोटबंदीचा धाडसी निर्णय घेतल्यामुळे देशाला फायदाच होणार आहे,’ असेही काकडे यांनी स्पष्ट केले.
‘देशातील १३५ कोटी जनतेपैकी केवळ ५० लाख लोकांना नोटाबंदीचा त्रास होत आहे. हा देशहिताचा निर्णय आहे. या निर्णयामुळे झालेला फायदा सर्वांना दिसून येईल. तसेच, ३१ डिसेंबरपर्यंत ९० टक्के परिस्थिती पूर्ववत होईल,’ असे काकडे म्हणाले.
‘चलनातील काही नोटा यापूर्वी १९७७ मध्ये रद्द करण्यात आल्या होत्या. त्यानंतर ४० वर्षांनी हा धाडसी निर्णय घेतलेला आहे. हा निर्णय घेणे देशहितासाठी गरजेचे होते. नकली नोटा, दशहतवाद्यांना मिळणारी आर्थिक मदत, भ्रष्टाचार करून कमविलेला पैसा, या निर्णयामुळे हे प्रकार थांबणार आहेत. सरकारने दर १५वर्षांनंतर असा निर्णय घेतला पाहिजे,’ असेही काकडे यांनी सांगितले.
समर्थनासाठी रॅली
येत्या रविवारी नोट बंदी निर्णयाच्या समर्थनार्थ डेक्कन येथील छत्रपती संभाजी पुतळ्यापासून एस. पी. कॉलेजपर्यंत रॅली काढण्यात येणार आहे. त्यानंतर तेथे सभा होणार असून बँकिंग क्षेत्रातील तज्ज्ञ या विषयावर नागरिकांना मार्गदर्शन करणार आहेत. ही रॅली पुणेकरांच्यावतीने काढण्यात येणार आहे, अशी माहिती खासदार संजय काकडे यांनी दिली.