कॉलेजांसह दोन शाळांवर दंडात्मक कारवाई
म. टा. प्रतिनिधी, पुणे
शाळा कॉलेजमध्ये विद्यार्थ्यांना स्वच्छतेचे धडे दिले जात असतानाच दुसरीकडे सर परशुरामभाऊ, एमआयटी, डेक्कन कॉलेज, व्हीआयटी, सिंहगड टेक्निकल, के. जे. कॉलेज, शामराव कलमाडी ज्युनिअर कॉलेज यासारख्या शहरातील प्रतिथयश कॉलेजांसह काही शाळांमध्ये डेंगीच्या अळ्या आढळल्याची धक्कादायक माहिती पुढे आली आहे. या शाळा कॉलेजना नोटिसा जारी करून त्यांच्याविरोधात दंडात्मक कारवाई करण्यात आली आहे.
शहरातील वाढत्या डेंगीच्या पार्श्वभूमीवर महापालिकेच्या आरोग्य विभागाने सर्वेक्षण हाती घेतले होते. त्यामध्ये सोसायट्या, सरकारी, खासगी हॉस्पिटल, शाळा, कॉलेज, मल्टिप्लेक्स, थिएटर, मॉल या ठिकाणी देखील सर्वेक्षण करण्यात आले होते. सोसायट्यांमध्ये देखील सर्वाधिक डेंगीच्या अळ्या सापडल्याने नोटिसा देण्यात आल्या होत्या. हॉस्पिटल, मॉल, मल्टिप्लेक्स यांनाही नोटिसा देऊन त्यांच्यावर कारवाई करण्यात आली होती. आता त्या पाठोपाठ सर्वेक्षणात शहरातील प्रतिथयश शाळा, कॉलेजांमध्ये डेंगीच्या अळ्या सापडल्या आहेत.
‘शाळा महाविद्यालयांमध्ये केलेल्या सर्वेक्षणात अनेक कॉलेजांमध्ये डेंगीच्या अळ्या सापडल्या आहेत. शहरातील १४ कॉलेज आणि दोन शाळांचा समावेश आहे. शाळा कॉलेजच्या इमारतींमधील टेरेस, पाण्याच्या सिंटेक्स टाक्या, कुंड्या, भंगार, चेंबर, झाकण, तळघर, बादल्या, तसेच पावसाळी जाळ्यांमध्ये डेंगीच्या अळ्या आढळल्या आहेत. शाळा, कॉलेजना नोटिसा देऊन त्यांच्यावर कारवाई केली आहे. तसेच या शाळांपैकी भवानीपेठेतील के. सी. ठाकरे इंग्लिश मीडियम स्कूलने नोटीस स्वीकारण्यास नकार दिला. तर आंबेगाव बुद्रक येथील इंद्रायणी स्कूलला ही नोटिसा देऊन दीड हजार रुपयांचा दंड ठोठावण्यात आला आहे,’ अशी माहिती आरोग्य विभागाच्या सहायक आरोग्यप्रमुख डॉ. कल्पना बळीवंत यांनी दिली.
इंद्रायणी स्कूलच्या प्राचार्यांच्या कुटुंबामध्ये दोन ते तीन जणांना डेंगीची लागण झाल्याची माहिती आरोग्य विभागाला कळविली. त्यानुसार तपासणी केली असता अळ्या सापडल्या. अळ्या सापडल्याने त्यांच्यावर दंडात्मक कारवाई केल्याचे त्यांनी सांगितले.
डेंगीचे डास आढळलेल्या संस्था
सर परशुराम भाऊ, हिराबाई देसाई कॉलेज, डेक्कन कॉलेज, सावित्रीबाई फुले विद्यालय, रफी अहमद किडवाई ज्युनिअर कॉलेज, राजा धनराज गिरजी ज्युनिअर कॉलेज, गुरुनानक ज्युनिअर कॉलेज, एमआयटी कॉलेज, श्यामराव कलमाडी ज्युनिअर कॉलेज, आरएमडी कॉलेज, व्हीआयटी कॉलेज, विश्वकर्मा कॉलेज, के. जे. कॉलेज, सिंहगड टेक्निकल कॉलेज याशिवाय भवानी पेठेतील दारूवाला पुलाजवळील के. सी. ठाकरे इंग्लिश मीडियम स्कूल, आणि पुणे मुंबई महामार्गावरील आंबेगाव बुद्रुक येथील इंद्रायणी स्कूल या ठिकाणी डेंगीच्या अळ्या आढळून आल्या आहेत.
म. टा. प्रतिनिधी, पुणे
शाळा कॉलेजमध्ये विद्यार्थ्यांना स्वच्छतेचे धडे दिले जात असतानाच दुसरीकडे सर परशुरामभाऊ, एमआयटी, डेक्कन कॉलेज, व्हीआयटी, सिंहगड टेक्निकल, के. जे. कॉलेज, शामराव कलमाडी ज्युनिअर कॉलेज यासारख्या शहरातील प्रतिथयश कॉलेजांसह काही शाळांमध्ये डेंगीच्या अळ्या आढळल्याची धक्कादायक माहिती पुढे आली आहे. या शाळा कॉलेजना नोटिसा जारी करून त्यांच्याविरोधात दंडात्मक कारवाई करण्यात आली आहे.
शहरातील वाढत्या डेंगीच्या पार्श्वभूमीवर महापालिकेच्या आरोग्य विभागाने सर्वेक्षण हाती घेतले होते. त्यामध्ये सोसायट्या, सरकारी, खासगी हॉस्पिटल, शाळा, कॉलेज, मल्टिप्लेक्स, थिएटर, मॉल या ठिकाणी देखील सर्वेक्षण करण्यात आले होते. सोसायट्यांमध्ये देखील सर्वाधिक डेंगीच्या अळ्या सापडल्याने नोटिसा देण्यात आल्या होत्या. हॉस्पिटल, मॉल, मल्टिप्लेक्स यांनाही नोटिसा देऊन त्यांच्यावर कारवाई करण्यात आली होती. आता त्या पाठोपाठ सर्वेक्षणात शहरातील प्रतिथयश शाळा, कॉलेजांमध्ये डेंगीच्या अळ्या सापडल्या आहेत.
‘शाळा महाविद्यालयांमध्ये केलेल्या सर्वेक्षणात अनेक कॉलेजांमध्ये डेंगीच्या अळ्या सापडल्या आहेत. शहरातील १४ कॉलेज आणि दोन शाळांचा समावेश आहे. शाळा कॉलेजच्या इमारतींमधील टेरेस, पाण्याच्या सिंटेक्स टाक्या, कुंड्या, भंगार, चेंबर, झाकण, तळघर, बादल्या, तसेच पावसाळी जाळ्यांमध्ये डेंगीच्या अळ्या आढळल्या आहेत. शाळा, कॉलेजना नोटिसा देऊन त्यांच्यावर कारवाई केली आहे. तसेच या शाळांपैकी भवानीपेठेतील के. सी. ठाकरे इंग्लिश मीडियम स्कूलने नोटीस स्वीकारण्यास नकार दिला. तर आंबेगाव बुद्रक येथील इंद्रायणी स्कूलला ही नोटिसा देऊन दीड हजार रुपयांचा दंड ठोठावण्यात आला आहे,’ अशी माहिती आरोग्य विभागाच्या सहायक आरोग्यप्रमुख डॉ. कल्पना बळीवंत यांनी दिली.
इंद्रायणी स्कूलच्या प्राचार्यांच्या कुटुंबामध्ये दोन ते तीन जणांना डेंगीची लागण झाल्याची माहिती आरोग्य विभागाला कळविली. त्यानुसार तपासणी केली असता अळ्या सापडल्या. अळ्या सापडल्याने त्यांच्यावर दंडात्मक कारवाई केल्याचे त्यांनी सांगितले.
डेंगीचे डास आढळलेल्या संस्था
सर परशुराम भाऊ, हिराबाई देसाई कॉलेज, डेक्कन कॉलेज, सावित्रीबाई फुले विद्यालय, रफी अहमद किडवाई ज्युनिअर कॉलेज, राजा धनराज गिरजी ज्युनिअर कॉलेज, गुरुनानक ज्युनिअर कॉलेज, एमआयटी कॉलेज, श्यामराव कलमाडी ज्युनिअर कॉलेज, आरएमडी कॉलेज, व्हीआयटी कॉलेज, विश्वकर्मा कॉलेज, के. जे. कॉलेज, सिंहगड टेक्निकल कॉलेज याशिवाय भवानी पेठेतील दारूवाला पुलाजवळील के. सी. ठाकरे इंग्लिश मीडियम स्कूल, आणि पुणे मुंबई महामार्गावरील आंबेगाव बुद्रुक येथील इंद्रायणी स्कूल या ठिकाणी डेंगीच्या अळ्या आढळून आल्या आहेत.