म. टा. प्रतिनिधी, पिंपरी
आंतरराष्ट्रीय योग दिनाचे औचित्य साधून पुणे डिस्ट्रीक्ट योगा अॅन्ड फिटनेस इन्स्टिट्यूट यांच्यावतीने आणि स्वर्गीय भास्करराव काळे स्पोर्टस् अॅकडमी, नाशिक, ज्ञानप्रबोधिनी नवनगर विद्यालय, निगडी यांच्या संयुक्त विद्यमाने आयोजित ३७ वी जिल्हास्तरीय योगासन स्पर्धा नुकतीच घेण्यात आली. त्यामध्ये लहान मुलींच्या गटात श्रेया विभांडीक आणि मुलांच्या गटात ध्रुव पाठक यांनी प्रथम क्रमांक मिळविला.
निगडी प्राधिकरणातील मनोहर सभागृहात झालेल्या स्पर्धेत १४ तालुक्यातील ४२ संघांचे स्पर्धक सहभागी झाले. स्पर्धेचे उद्घाटन आणि पारितोषिक वितरण नगरसेवक अमित गावडे, क्रीडाकुल प्रमुख भगवान सोनवणे, राजेंद्र महाजन, भास्कर रिकामे, शेखर ओव्हाळ, चंद्रकांत पांगारे यांच्या हस्ते झाले. सोनल मोरे, नीता गोगावले यांनी सूत्रसंचालन केले. अनिता गायकवाड, विद्या महाले, जतीन सोलंकी, संदीप काळे यांनी संयोजन केले. विजयी खेळाडू येत्या १८ आणि १९ ऑगस्टला नगर येथे होणाऱ्या स्पर्धेत पुणे जिल्ह्याचे प्रतिनिधीत्व करतील. \Bस्पर्धेचा निकाल पुढीलप्रमाणे :\B ८ ते ११ वयोगट मुली - प्रथम - श्रेया विभांडीक, द्वितीय - रुचा पवार, तृतीय - स्वरुपा शिंगारे, मुले - प्रथम - ध्रुव पाठक, द्वितीय - इशान देशमुख, तृतीय - आर्यन खरात, ११ ते १४ वयोगट मुली - प्रथम - गीता शिंदे, द्वितीय - ईश्वरी दांडगे, तृतीय - आर्या गोगावले, मुले - प्रथम - संचित कुलकर्णी, द्वितीय - प्रणव पिटाले, तृतीय - सिद्धांत फलक, १४ ते १७ वयोगट मुली - प्रथम - समीक्षा महाले, द्वितीय - वैष्णवी बोरुडे, तृतीय - किरण गाटबांधे, मुले - प्रथम - हर्षल भुरे. १७ ते २१ वयोगट महिला - प्रथम - श्रेया कंधारे, द्वितीय - वैष्णवी आंद्रे, तृतीय - स्वरदा देशपांडे, पुरुष - प्रथम - सुशांत तरवडे, द्वितीय - अक्षय समासे, तृतीय - रोहित साठे. २१ ते २५ वयोगट पुरुष - प्रथम - देवदत्ता भारदे, द्वितीय - प्रमोद उगले, तृतीय - जनार्दन लाड, २५ ते ३५ वयोगट महिला - प्रथम - रेश्मा शहा, द्वितीय - मृणालिनी शिरसागर, तृतीय - विभा खडसे, २५ ते ३५ वयोगट पुरुष - प्रथम - सुकेत शहा, द्वितीय - विष्णू बनकर, तृतीय - विक्रांत संकपाल, ३५ वयोगटापुढील महिला - प्रथम - अलका जाधव, द्वितीय - रुपाली तरवडे, तृतीय - विश्वरुपा चटर्जी, पुरुष - प्रथम - शिवाजी घोडके, द्वितीय - राजेंद्र ननावरे, तृतीय - किरण घाटबांधे.