म. टा. प्रतिनिधी, पुणे
स्वातंत्र्यसैनिक भाई टिळेकर जन्मशताब्दीनिमित्त बलराज साहनी-साहिर लुधियानवी फाउंडेशनतर्फे मातोश्री रमाई भीमराव आंबेडकर पुरस्कार विनाका विजयकुमार पंडित यांना देण्यात आला. या कार्यक्रमानंतर 'दिलीपकुमारची अभिनय कला' हा दृकश्राव्य कार्यक्रम चित्रपट अभ्यासक कृपाशंकर शर्मा यांनी सादर केला. या कार्यक्रमामध्ये दिलीपकुमार यांच्या कारकिर्दीचा आढावा घेण्यात आला. शक्ती, मशाल, मुगल-ए-आझम, नया दौर, पैगाम, दीदार आदी चित्रपटातील प्रसंग व गाण्यांच्या आधारे दिलीपकुमार यांचे गुणविशेष उलगडण्यात आले. दिलीपकुमार यांच्या चाहत्यांनी कार्यक्रमास उत्स्फूर्त प्रतिसाद दिला. रोहिणी शर्मा यांनी कार्यक्रमास साह्य केले.