पिंपरी
पिंपरी-चिंचवड महापालिकेच्या २०१८-१९ या आर्थिक वर्षाच्या अंदाजपत्रकावर चर्चा करण्यासाठी आज, सोमवारी (२६ फेब्रुवारी) विशेष महासभेचे आयोजन करण्यात आले आहे. दुपारी दोन वाजता ही सभा होणार आहे.
महापालिका आयुक्त श्रावण हर्डीकर यांनी महापालिकेचा सन २०१८-१९ या आर्थिक वर्षाचा मूळ ३५०० कोटी तर 'जेएनएनयूआरएम'सह ५२३५ कोटी रुपयांचा अर्थसंकल्प गुरुवारी (१५ फेब्रुवारी) स्थायी समितीला सादर केला. त्यानंतर स्थायी समिती सदस्यांनी अर्थसंकल्पावर चर्चा केली. त्यामध्ये उपसूचनांद्वारे २७ कोटी रुपयांची वाढ केली. त्यामुळे पालिकेचा अर्थसंकल्प पाच हजार २६२ कोटींवर पोहोचला आहे. त्यानंतर स्थायी समितीने अर्थसंकल्पाला गुरुवारीच मंजुरी दिली आहे. सोमवारी दुपारी दोन वाजता अंदाजपत्रकावरील चर्चेसाठी विशेष सभेचे आयोजन करण्यात आले असून, अंदाजपत्रक मंजुरीसाठी मांडण्यात आले आहे. महापालिकेत भाजप प्रथमच सत्तेत आले असून, हे भाजपचा पहिलेच अंदाजपत्रक आहे.
----------
पिंपरी-चिंचवड महापालिकेच्या २०१८-१९ या आर्थिक वर्षाच्या अंदाजपत्रकावर चर्चा करण्यासाठी आज, सोमवारी (२६ फेब्रुवारी) विशेष महासभेचे आयोजन करण्यात आले आहे. दुपारी दोन वाजता ही सभा होणार आहे.
महापालिका आयुक्त श्रावण हर्डीकर यांनी महापालिकेचा सन २०१८-१९ या आर्थिक वर्षाचा मूळ ३५०० कोटी तर 'जेएनएनयूआरएम'सह ५२३५ कोटी रुपयांचा अर्थसंकल्प गुरुवारी (१५ फेब्रुवारी) स्थायी समितीला सादर केला. त्यानंतर स्थायी समिती सदस्यांनी अर्थसंकल्पावर चर्चा केली. त्यामध्ये उपसूचनांद्वारे २७ कोटी रुपयांची वाढ केली. त्यामुळे पालिकेचा अर्थसंकल्प पाच हजार २६२ कोटींवर पोहोचला आहे. त्यानंतर स्थायी समितीने अर्थसंकल्पाला गुरुवारीच मंजुरी दिली आहे. सोमवारी दुपारी दोन वाजता अंदाजपत्रकावरील चर्चेसाठी विशेष सभेचे आयोजन करण्यात आले असून, अंदाजपत्रक मंजुरीसाठी मांडण्यात आले आहे. महापालिकेत भाजप प्रथमच सत्तेत आले असून, हे भाजपचा पहिलेच अंदाजपत्रक आहे.
----------