कृतिका परुळकर या २२ वर्षीय तरुणीने चितारलेल्या चित्रांचे प्रदर्शन आजपासून (दि. १७) आयोजित करण्यात आले आहे. प्रसिद्ध चित्रकार बुवा शेटे यांच्या हस्ते सायंकाळी ५ वाजता या प्रदर्शनाचे उद्‌‌घाटन होणार आहे. पुण्याच्या अभिनव कला महाविद्यालयातून जीडी आर्टची पदवी तिने घेतली आहे. जलरंगातील निसर्गचित्रे, नाइफ पेंटिंग आणि वास्तववादी चित्रे ही तिच्या चित्रांची खासियत आहे. सध्या कोथरूडमधील हॅपी कॉलनीतील पु. ना. गाडगीळ अँड सन्स ज्वेलर्सच्या कलादालनात सुरू असलेल्या प्रदर्शनात कोकण, बनारस आणि राजस्थानातील निसर्गाचे देखणे चित्रण तिने साकारले आहे. २२ जुलैपर्यंत सकाळी ११ ते रात्री ८ या वेळेत हे प्रदर्शन रसिकांना पाहता येणार आहे.
पु. ना. गाडगीळ अँड सन्स ज्वेलर्स, कोथरूड : स. ११ ते रा. ८