म. टा. प्रतिनिधी, पुणे
लसीकरण केंद्रावरून नगरसेवक महापालिकेच्या सहायक आरोग्यप्रमुख महिला अधिकाऱ्यावर धावून गेल्याचा प्रकार बुधवारी घडला. यानंतर आरोग्य अधिकाऱ्यांनी काम थांबवून अतिरिक्त आयुक्त तसेच महापौरांकडे धाव घेतली. अखेर महापौरांनी दोन्ही बाजूंची समजूत घालून प्रकरण मिटवले.
नव्या लसीकरण केंद्राला मान्यता मिळत नसल्याने वानवडी येथील भारतीय जनता पक्षाचे नगरसेवक धनराज घोगरे आरोग्य प्रमुख डॉ. आशिष भारती यांच्या कक्षात गेले होते. घोगरे यांनी मागणी लावून धरल्यानंतर डॉ. भारती यांनी लसीकरणाची जबाबदारी असलेल्या सहायक आरोग्यप्रमुख डॉ. वैशाली जाधव यांना बोलावून घेतले. त्या वेळी 'तुम्ही लोकप्रतिनिधींचा फोन घेत नाही. फाइल पाठवून दोन दिवस झाले, तरी मान्यता मिळाली नाही. तुम्ही काय काम करता, अनधिकृत केंद्राला लस कशी पुरवली,' असे सवाल करून घोगरे डॉ. जाधव यांच्यावर धावून गेले. त्यामुळे डॉ. जाधव यांनाही संताप अनावर झाला. तेथे उपस्थित असणाऱ्या व्यक्तींनी मध्यस्थी करून दोघांना शांत केले.
आरोग्य अधिकाऱ्यांनी 'आम्ही डॉक्टर आहोत. आम्हाला नागरिकांची काळजी आहे. मात्र, ही अरेरावी आम्ही सहन करणार नाही,' अशी भूमिका घेतली आणि आरोग्यप्रमुखांसह सर्व सहायक आरोग्य अधिकाऱ्यांनी अतिरिक्त आयुक्त रुबल अग्रवाल यांच्याकडे धाव घेतली. त्यांच्याकडे कैफियत मांडल्यानंतर अधिकाऱ्यांनी महापौरांकडे दाद मागितली. दरम्यानच्या काळात घोगरेदेखील तेथे आले. यानंतर महापौरांच्या कक्षात महापौर, सभागृह नेते गणेश बिडकर यांच्यासह अन्य पदाधिकारी व अधिकारी यांची समोरासमोर चर्चा झाली. महापौरांनी दोघांचीही समजूत काढून प्रकरण शांत केले.
धनराज घोगरे व डॉ. वैशाली जाधव यांच्यासह आरोग्य अधिकाऱ्यांशी सविस्तर चर्चा झाली. 'लोकप्रतिनिधींनी असे वागू नये,' असे घोगरे यांना सांगण्यात आले आहे. महापालिकेकडे नोंद नसतानाही वानवडीसह अन्य एका ठिकाणी सुरू करण्यात आलेल्या लसीकरण केंद्राबाबतची चौकशी करण्याचे आदेश आरोग्य प्रमुख डॉ. आशिष भारती यांना देण्यात आले आहेत.
मुरलीधर मोहोळ, महापौर
माझ्या प्रभागात लसीकरण केंद्रासाठी मी रीतसर परवानगी मागितली होती. त्याला परवानगी न देता अनधिकृत केंद्र सुरू करण्यात आले. याबाबत जाब विचारला असता संबंधित अधिकारी संतप्त झाल्या. या केंद्राबाबतची वस्तुस्थिती समोर यायला हवी.
- धनराज घोगरे, नगरसेवक
.
महापालिकेचे अधिकारी दिवसरात्र काम करत आहेत. दिवसभरात त्यांनाही शेकडो फोन येत आहेत. आम्ही त्यांच्या पाठीशी आहोत. मात्र, अधिकाऱ्यांनीही निष्पक्षपणे काम केले पाहिजे.
- रुबल अग्रवाल, अतिरिक्त आयुक्त
लसीकरण केंद्रावरून नगरसेवक महापालिकेच्या सहायक आरोग्यप्रमुख महिला अधिकाऱ्यावर धावून गेल्याचा प्रकार बुधवारी घडला. यानंतर आरोग्य अधिकाऱ्यांनी काम थांबवून अतिरिक्त आयुक्त तसेच महापौरांकडे धाव घेतली. अखेर महापौरांनी दोन्ही बाजूंची समजूत घालून प्रकरण मिटवले.
नव्या लसीकरण केंद्राला मान्यता मिळत नसल्याने वानवडी येथील भारतीय जनता पक्षाचे नगरसेवक धनराज घोगरे आरोग्य प्रमुख डॉ. आशिष भारती यांच्या कक्षात गेले होते. घोगरे यांनी मागणी लावून धरल्यानंतर डॉ. भारती यांनी लसीकरणाची जबाबदारी असलेल्या सहायक आरोग्यप्रमुख डॉ. वैशाली जाधव यांना बोलावून घेतले. त्या वेळी 'तुम्ही लोकप्रतिनिधींचा फोन घेत नाही. फाइल पाठवून दोन दिवस झाले, तरी मान्यता मिळाली नाही. तुम्ही काय काम करता, अनधिकृत केंद्राला लस कशी पुरवली,' असे सवाल करून घोगरे डॉ. जाधव यांच्यावर धावून गेले. त्यामुळे डॉ. जाधव यांनाही संताप अनावर झाला. तेथे उपस्थित असणाऱ्या व्यक्तींनी मध्यस्थी करून दोघांना शांत केले.
आरोग्य अधिकाऱ्यांनी 'आम्ही डॉक्टर आहोत. आम्हाला नागरिकांची काळजी आहे. मात्र, ही अरेरावी आम्ही सहन करणार नाही,' अशी भूमिका घेतली आणि आरोग्यप्रमुखांसह सर्व सहायक आरोग्य अधिकाऱ्यांनी अतिरिक्त आयुक्त रुबल अग्रवाल यांच्याकडे धाव घेतली. त्यांच्याकडे कैफियत मांडल्यानंतर अधिकाऱ्यांनी महापौरांकडे दाद मागितली. दरम्यानच्या काळात घोगरेदेखील तेथे आले. यानंतर महापौरांच्या कक्षात महापौर, सभागृह नेते गणेश बिडकर यांच्यासह अन्य पदाधिकारी व अधिकारी यांची समोरासमोर चर्चा झाली. महापौरांनी दोघांचीही समजूत काढून प्रकरण शांत केले.
धनराज घोगरे व डॉ. वैशाली जाधव यांच्यासह आरोग्य अधिकाऱ्यांशी सविस्तर चर्चा झाली. 'लोकप्रतिनिधींनी असे वागू नये,' असे घोगरे यांना सांगण्यात आले आहे. महापालिकेकडे नोंद नसतानाही वानवडीसह अन्य एका ठिकाणी सुरू करण्यात आलेल्या लसीकरण केंद्राबाबतची चौकशी करण्याचे आदेश आरोग्य प्रमुख डॉ. आशिष भारती यांना देण्यात आले आहेत.
मुरलीधर मोहोळ, महापौर
माझ्या प्रभागात लसीकरण केंद्रासाठी मी रीतसर परवानगी मागितली होती. त्याला परवानगी न देता अनधिकृत केंद्र सुरू करण्यात आले. याबाबत जाब विचारला असता संबंधित अधिकारी संतप्त झाल्या. या केंद्राबाबतची वस्तुस्थिती समोर यायला हवी.
- धनराज घोगरे, नगरसेवक
.
महापालिकेचे अधिकारी दिवसरात्र काम करत आहेत. दिवसभरात त्यांनाही शेकडो फोन येत आहेत. आम्ही त्यांच्या पाठीशी आहोत. मात्र, अधिकाऱ्यांनीही निष्पक्षपणे काम केले पाहिजे.
- रुबल अग्रवाल, अतिरिक्त आयुक्त