आपसातील भांडणातून वाहनांची तोडफोड पिंपरी : आपसातील भांडणानंतर टोळक्याने भोसरीत वाहनांची तोडफोड केली. यामध्ये १८ वाहनांचे नुकसान झाले. या प्रकरणी १६ जणांवर गुन्हा दाखल करण्यात आला असून, यामध्ये अल्पवयीन संशयितांचा समावेश आहे. पाच जणांना भोसरी पोलिसांनी ताब्यात घेतले आहे. सोमवारी (१० जून) मध्यरात्री ही घटना घडली. अमोल हनुमंत कदम (३३, रा. जैन शांतिनिवास जवळ, आदिनाथनगर, भोसरी) यांनी या प्रकरणी भोसरी पोलिस ठाण्यात फिर्याद दिली आहे. त्यानुसार, अज्ञात १६ जणांविरोधात गुन्हा दाखल करण्यात आला आहे. पोलिसांनी दिलेल्या माहितीनुसार, कदम यांनी रामनगर हौसिंग सोसायटीजवळ सार्वजनिक रस्त्याच्या बाजूला त्यांची कार रोजच्या प्रमाणे पार्क केली. कार लावून घराच्या दिशेने जात असताना अचानक पाच-सहा दुचाकींवरून १६ जण आले. त्यांनी त्यांच्या हातातील लाकडी दांडके आणि लोखंडी कोयत्याच्या साह्याने कदम यांच्या कारची तोडफोड केली; तसेच परिसरातील अन्य १७ वाहनांची तोडफोड केली.
आपसातील भांडणातून वाहनांची तोडफोड
आपसातील भांडणानंतर टोळक्याने भोसरीत वाहनांची तोडफोड केली यामध्ये १८ वाहनांचे नुकसान झाले...
Maharashtra Times 13 Jun 2018, 1:23 am