म. टा. प्रतिनिधी, पिंपरी
दिवाळीच्या काळात पिंपरी-चिंचवड शहरात २७ ठिकाणी आगीच्या घटना घडल्या. यामध्ये काही कोटी रुपयांचे नुकसान झाले असून, अग्निशमन विभागाच्या तत्परतेमुळे कोणतीही जीवितहानी झाली नाही. चिखलीतील लाकडी मालाचा साठा असलेल्या गोदामाला आणि पिंपरीतील गिफ्ट शॉपीला लागलेली आग सर्वांत मोठी होती. यातील बहुतांश आगीच्या घटना फटाक्याची ठिणगी उडाल्यामुळे लागल्या होत्या.
चिखली भंगाराच्या दुकानात तळीरामांनी दारुच्या नशेत फटाका पेटवल्यामुळे ठिणगी उडून येथील लाकडी मालाचा साठा असलेल्या गोदामाला आग लागली. ऐन दिवाळीत लक्ष्मीपूजनाच्या दिवशी सायंकाळी सहाच्या सुमारास ही घटना घडली. दिनेश शहा यांच्या मालकीचे हे गोदाम जळून खाक झाले. यात सुमारे सव्वाकोटींचे नुकसान झाले. रविवारी सायंकाळी लागलेली आग सोमवारी सायंकाळी आठ वाजेपर्यंत धुमसत होती. अग्निशमन दलाच्या जवानांना अथक प्रयत्न करावे लागले.
अग्निशमन दलाच्या ३० गाड्या, ५ जेसीबी, १० टँकर आणि २० हून अधिक कर्मचारी सलग दोन दिवस आग विझवण्यासाठी झटत होते. २४ तासांच्या अथक प्रयत्नानंतर अग्निशमन दलाच्या जवानांनी आग आटोक्यात आणली. पिंपरी येथील बालाजी गिफ्ट शॉपीला शॉर्ट सर्किटमुळे आग लागली. यामध्ये दुकान आगीच्या भक्ष्यस्थानी सापडले असून १० ते १५ लाख रुपयांचे नुकसान झाल्याचे अग्निशमन दलाच्या अधिकाऱ्यांनी सांगितले.
त्याचबरोबर दापोडी, पिंपरी, चिंचवड, निगडी, यमुनानगर, भोसरी, बोपखेल, वाकड, नवी सांगवी, पिंपळे सौदागर, मोरवाडी, रहाटणी अशा विविध ठिकाणी फटाक्यांमुळे २७ ठिकाणी आगी लागल्याच्या घटना घडल्याचे अग्निशमन विभागाचे मुख्य अधिकारी किरण गावडे यांनी सांगितले.
दिवाळीच्या काळात पिंपरी-चिंचवड शहरात २७ ठिकाणी आगीच्या घटना घडल्या. यामध्ये काही कोटी रुपयांचे नुकसान झाले असून, अग्निशमन विभागाच्या तत्परतेमुळे कोणतीही जीवितहानी झाली नाही. चिखलीतील लाकडी मालाचा साठा असलेल्या गोदामाला आणि पिंपरीतील गिफ्ट शॉपीला लागलेली आग सर्वांत मोठी होती. यातील बहुतांश आगीच्या घटना फटाक्याची ठिणगी उडाल्यामुळे लागल्या होत्या.
चिखली भंगाराच्या दुकानात तळीरामांनी दारुच्या नशेत फटाका पेटवल्यामुळे ठिणगी उडून येथील लाकडी मालाचा साठा असलेल्या गोदामाला आग लागली. ऐन दिवाळीत लक्ष्मीपूजनाच्या दिवशी सायंकाळी सहाच्या सुमारास ही घटना घडली. दिनेश शहा यांच्या मालकीचे हे गोदाम जळून खाक झाले. यात सुमारे सव्वाकोटींचे नुकसान झाले. रविवारी सायंकाळी लागलेली आग सोमवारी सायंकाळी आठ वाजेपर्यंत धुमसत होती. अग्निशमन दलाच्या जवानांना अथक प्रयत्न करावे लागले.
अग्निशमन दलाच्या ३० गाड्या, ५ जेसीबी, १० टँकर आणि २० हून अधिक कर्मचारी सलग दोन दिवस आग विझवण्यासाठी झटत होते. २४ तासांच्या अथक प्रयत्नानंतर अग्निशमन दलाच्या जवानांनी आग आटोक्यात आणली. पिंपरी येथील बालाजी गिफ्ट शॉपीला शॉर्ट सर्किटमुळे आग लागली. यामध्ये दुकान आगीच्या भक्ष्यस्थानी सापडले असून १० ते १५ लाख रुपयांचे नुकसान झाल्याचे अग्निशमन दलाच्या अधिकाऱ्यांनी सांगितले.
त्याचबरोबर दापोडी, पिंपरी, चिंचवड, निगडी, यमुनानगर, भोसरी, बोपखेल, वाकड, नवी सांगवी, पिंपळे सौदागर, मोरवाडी, रहाटणी अशा विविध ठिकाणी फटाक्यांमुळे २७ ठिकाणी आगी लागल्याच्या घटना घडल्याचे अग्निशमन विभागाचे मुख्य अधिकारी किरण गावडे यांनी सांगितले.