म. टा. प्रतिनिधी, पुणे
वीर बाजीप्रभू देशपांडे पुण्यतिथीनिमित्त आयोजित एका कार्यक्रमात सीकेपी ज्ञातीतर्फे ज्येष्ठ बालरोगतज्ज्ञ डॉ. सुधीर डोंगरे यांना जीवनगौरव पुरस्कार देऊन नुकतेच गौरविण्यात आले. या वेळी माजी आमदार प्रकाश देवळे, नगसेविका मानसी देशपांडे, इतिहासाचे अभ्यासक मोहन शेट्ये, सुधाकर देशपांडे आदी उपस्थित होते. गेल्या ५० वर्षांहून अधिक काळ डोंगरे बालरोगतज्ज्ञ म्हणून कार्यरत आहेत. या कार्यक्रमात दहावी-बारावीतील यशस्वी विद्यार्थ्यांचा सत्कारही करण्यात आला.
अध्यक्षपदी श्रीकांत जोशी
रोटरी क्लब ऑफ पुणे युवाच्या अध्यक्ष पदावर श्रीकांत जोशी यांची निवड करण्यात आली आहे. माजी अध्यक्ष अजय कुलकर्णी यांनी त्यांना नियुक्तिपत्रक दिले. त्याचप्रमाणे सचिव पदासाठी गोपाळ निर्मल यांची निवड झाली. त्यांनी मनोज धारप यांच्याकडून नियुक्तिपत्रक स्वीकारले. या प्रसंगी रवी धोत्रे, प्रशांत देशमुख आदी उपस्थित होते.