म. टा. प्रतिनिधी, पुणे
पर्यावरण दिनानिमित्त शहर काँग्रेस कमिटीच्या वतीने सायकल रॅलीचे आयोजन करण्यात आले होते. या वेळी 'झाडे लावा झाडे जगवा' हा संदेश देण्यात आला. काँग्रेसचे प्रदेश सरचिटणीस अभय छाजेड यांनी रॅलीचे नेतृत्व केले. या प्रसंगी शर्वरी गोतारणे, जयकुमार ठोंबरे, टिलेश मोट, विश्वनाथ जाधव, दीपक डोंगरे, महादू गायकवाड, सुरेश उकरंडे, महेश गायकवाड, वकील शेख आदी उपस्थित होते.
पर्यावरण दिन साजरा
काँग्रेस क्रीडा सेलच्या वतीने जागतिक पर्यावरण दिन साजरा करण्यात आला. सेलचे अध्यक्ष सचिन सावंत यांनी वृक्षारोपण केले. या वेळी वृक्ष जोपासनेची शपथ घेण्यात आली. याप्रसंगी अक्षय सोनावणे, डॉ. प्रशांत ठाकरे, नितीन जोशी, रोहित गुरव आदी उपस्थित होते.
हरिजन सेवक संघाची बैठक
अखिल भारतीय हरिजन सेवक संघाच्या राष्ट्रीय कार्यकारिणीची बैठक नुकतीच पार पडली. या वेळी राज्य हरिजन सेवक संघाचे अध्यक्ष मोहन जोशी यांनी संघाचे अध्यक्ष डॉ. शंकर सन्याल यांचा पुणेरी पगडी देऊन स्वागतपर सन्मान केला. या वेळी सन्याल यांनी 'ग्रामस्वराज्य' कार्यक्रमाचे महत्त्व विशद करत महात्मा गांधींच्या विचारांमुळेच देशात एकात्मता साधली जाईल, असे मत वक्त केले. प्रसंगी मोहन जोशी, नरेश यादव, लक्ष्मीदासजी, राजू परमार आदी मान्यवर उपस्थित होते.
तुळशीच्या रोपांचे वाटप
भारतीय जनता विद्यार्थी आघाडीच्या वतीने महाराणा प्रताप उद्यान येथे जागतिक पर्यावरण दिन साजरा करण्यात आला. या वेळी बागेतील अबालवृद्धांना गूळ-सुंठीचे औषधी लाडू, गवती चहा व तुळशीचे रोप यांचे वाटप करण्यात आले. महापौर मुक्ता टिळक, शहर युवा मोर्चा अध्यक्ष दीपक पोटे, नगरसेवक योगेश समेळ, सुनील कांबळे, महेश लडकत यांच्या हस्ते हे वाटप करण्यात आले.