म. टा. प्रतिनिधी, पुणे
पुणे रेल्वे स्टेशनच्या आवारातून अपहरण झालेल्या आठ महिन्यांचा मुलीचा शोध लावण्यात लोहमार्ग पोलिसांना अद्याप यश आलेले नाही. या घटनेला आठ दिवस झाले तरी लोहमार्ग पोलिसांकडे आरोपी महिलेची ठोस अशी माहिती नसल्याचे समोर आले आहे. ही मुलगी सापडत नसल्याने तिचे कुटुंबीय हवालदिल झाले आहेत.
तक्रारदार महिला ही अक्कलकोट येथून कामाच्या शोधात पती व मुलासोबत पुण्यात आली होती. परंतु, काम न मिळाल्याने ते परत अक्कलकोट येथे जाण्यासाठी निघाले होते. चार फेब्रुवारी रोजी सायंकाळी पुणे स्टेशनवर येथील दर्ग्याजवळ तक्रारदार महिला आणि तिचे कुटुंबीय थांबलेले होते. त्यावेळी एका महिलेने त्यांच्याशी ओळख वाढविली. त्यांचा विश्वास संपादन करून 'घेऊन तुम्ही जेवण करून या, तोपर्यंत मी तुमची मुलगी सांभाळते,' अशी बतावणी केली. त्यामुळे तक्रारदार आठ महिन्यांच्या मुलीला त्या महिलेच्या ताब्यात देऊन जेवण करायला गेले. त्यावेळेत ही महिला चिमुरडीला घेऊन गायब झाली. आठ महिन्यांची मुलगी गायब झाल्याने या महिलेने पोलिसांकडे धाव घेतली. पोलिसांनी सीसीटीव्ही फुटेजमध्ये महिला मुलीला घेऊन जात असल्याचे आढळून आले आहे; परंतु या घटनेला आठ दिवस उलटून गेले तरी या महिलेचा आणि मुलीचा ठावठिकाणा लोहमार्ग पोलिसांना लागलेला नाही.
पुणे रेल्वे स्टेशन परिसरात आणि रेल्वेच्या डब्यात चोऱ्या, पाकिटमारी, मोबाइलचोरी, बॅगचोरीच्या अनेक घटना घडत असतात. या भागात अनेक अवैध धंदेही सुरू आहेत. मात्र याकडे दुर्लक्ष होत असल्यामुळे पुणे स्टेशन परिसरात अशा घटना वाढतत आहेत. गेल्याच महिन्यात स्टेशनजवळ मालधक्का चौकातून अडीच वर्षांच्या मुलाचे आईच्या कुशीतून अपहरण झाल्याची घटना घडली होती. पुणे पोलिसांनी आठ दिवसांत या मुलाला शोधून काढून सुखरूप आणले होते. यात एका दाम्पत्यालाही अटक केली होती. मात्र, या प्रकरणी लोहमार्ग पोलिसांना शोध घेता आलेला नाही. पुणे स्टेशनच्या परिसरात अशा घटना घडत असल्याने तेथील सुरक्षेचा प्रश्न ऐरणीवर आला आहे.
याबाबत लोहमार्ग विभागाच्या स्थानिक गुन्हे शाखेचे निरीक्षक अनिल दबडे यांनी सांगितले, की आरोपी महिला ही पुणे स्टेशनच्या परिसरात सीसीटीव्ही फुटेजमध्ये दिसत आहे; मात्र बाहेर पडताना दिसत नाही. ती रिक्षाने गेली असण्याची शक्यता आहे. तिचा शोधण्यासाठी विविध भागांत पथके पाठविण्यात आली आहेत.
पुणे रेल्वे स्टेशनच्या आवारातून अपहरण झालेल्या आठ महिन्यांचा मुलीचा शोध लावण्यात लोहमार्ग पोलिसांना अद्याप यश आलेले नाही. या घटनेला आठ दिवस झाले तरी लोहमार्ग पोलिसांकडे आरोपी महिलेची ठोस अशी माहिती नसल्याचे समोर आले आहे. ही मुलगी सापडत नसल्याने तिचे कुटुंबीय हवालदिल झाले आहेत.
तक्रारदार महिला ही अक्कलकोट येथून कामाच्या शोधात पती व मुलासोबत पुण्यात आली होती. परंतु, काम न मिळाल्याने ते परत अक्कलकोट येथे जाण्यासाठी निघाले होते. चार फेब्रुवारी रोजी सायंकाळी पुणे स्टेशनवर येथील दर्ग्याजवळ तक्रारदार महिला आणि तिचे कुटुंबीय थांबलेले होते. त्यावेळी एका महिलेने त्यांच्याशी ओळख वाढविली. त्यांचा विश्वास संपादन करून 'घेऊन तुम्ही जेवण करून या, तोपर्यंत मी तुमची मुलगी सांभाळते,' अशी बतावणी केली. त्यामुळे तक्रारदार आठ महिन्यांच्या मुलीला त्या महिलेच्या ताब्यात देऊन जेवण करायला गेले. त्यावेळेत ही महिला चिमुरडीला घेऊन गायब झाली. आठ महिन्यांची मुलगी गायब झाल्याने या महिलेने पोलिसांकडे धाव घेतली. पोलिसांनी सीसीटीव्ही फुटेजमध्ये महिला मुलीला घेऊन जात असल्याचे आढळून आले आहे; परंतु या घटनेला आठ दिवस उलटून गेले तरी या महिलेचा आणि मुलीचा ठावठिकाणा लोहमार्ग पोलिसांना लागलेला नाही.
पुणे रेल्वे स्टेशन परिसरात आणि रेल्वेच्या डब्यात चोऱ्या, पाकिटमारी, मोबाइलचोरी, बॅगचोरीच्या अनेक घटना घडत असतात. या भागात अनेक अवैध धंदेही सुरू आहेत. मात्र याकडे दुर्लक्ष होत असल्यामुळे पुणे स्टेशन परिसरात अशा घटना वाढतत आहेत. गेल्याच महिन्यात स्टेशनजवळ मालधक्का चौकातून अडीच वर्षांच्या मुलाचे आईच्या कुशीतून अपहरण झाल्याची घटना घडली होती. पुणे पोलिसांनी आठ दिवसांत या मुलाला शोधून काढून सुखरूप आणले होते. यात एका दाम्पत्यालाही अटक केली होती. मात्र, या प्रकरणी लोहमार्ग पोलिसांना शोध घेता आलेला नाही. पुणे स्टेशनच्या परिसरात अशा घटना घडत असल्याने तेथील सुरक्षेचा प्रश्न ऐरणीवर आला आहे.
याबाबत लोहमार्ग विभागाच्या स्थानिक गुन्हे शाखेचे निरीक्षक अनिल दबडे यांनी सांगितले, की आरोपी महिला ही पुणे स्टेशनच्या परिसरात सीसीटीव्ही फुटेजमध्ये दिसत आहे; मात्र बाहेर पडताना दिसत नाही. ती रिक्षाने गेली असण्याची शक्यता आहे. तिचा शोधण्यासाठी विविध भागांत पथके पाठविण्यात आली आहेत.