म. टा. प्रतिनिधी, पुणे : पुणे आणि पिंपरी-चिंचवड शहराची कोंडलेली प्रवेशद्वारे मुक्त करण्यासाठी राष्ट्रीय महामार्ग प्राधिकरणाकडून सुमारे ३० हजार कोटी रुपये खर्च करून, या शहरांतून जाणाऱ्या महामार्गांवर उन्नत मार्गांची बांधणी करण्याचा निर्णय घेतला आहे. नाशिक फाटा ते खेड, तळेगाव ते चाकण, हडपसर ते दिवे घाट आणि वाघोली ते शिरूर असा हा उन्नत मार्ग असणार असल्याची घोषणा केंद्रीय रस्ते वाहतूक व महामार्ग मंत्री नितीन गडकरी यांनी शनिवारी पुण्यात केली.
गडकरी यांनी आळंदी आणि देहू ते पंढरपूर महत्त्वाच्या धार्मिक स्थळांना जोडणाऱ्या पालखी मार्गाची हवाई पाहणी केली. त्यानंतर त्यांनी पुण्यात पत्रकारांशी संवाद साधला. पालखी महामार्ग महामार्ग प्राधिकरणाकडून पालखी मार्गासह पुणे जिल्ह्याच्या हद्दीत सुरू असलेल्या विविध रस्त्यांच्या कामांचा आढावा त्यांनी घेतला. या महामार्गांवर उन्नत मार्गिका अधिक उपयुक्त ठरू शकतात, या हेतून रस्ते वाहतुकीसाठी चार उन्नत मार्गांना मंजुरी देण्यात आल्याची घोषणा त्यांनी केली.
‘कात्रज-देहुरोड’साठी स्वतंत्र डीपीआर
कात्रज-देहूरोड बायपास बांधताना हा परिसह शहराच्या बाहेर होता. त्या वेळी नागरीकरण कमी प्रमाणात होते. पुणे एवढ्या झपाट्याने वाढेल, असे त्या वेळी वाटले नव्हते. त्यामुळे या रस्त्यावर आता वाहनांची संख्या अधिक झाली आहे. नवले पूल परिसर आणि कात्रड-देहूरोड बायपासवरील वाहतूक कोंडी आणि अपघात या पार्श्वभूमीवर ‘कात्रज-देहूरोड’साठी स्वतंत्र डीपीआर तयार करण्यात येत आहे. यामध्ये नवले पूल परिसरात उन्नत मार्गिका करण्याचा विचार केला जात आहे.
वाहतूक कोंडीची समस्या
- नाशिक फाटा ते खेड यादरम्यान मोशी, चाकण परिसरात मोठ्या प्रमाणात वाहतूक कोंडी होते.
- तळेगाव ते चाकण या मार्गावरून जड वाहनांची वाहतूक मोठ्या संख्येने होते.
- हडपसर ते दिवे घाट या रस्त्यावर प्राणांतिक अपघात मोठ्या संख्येने झाले आहेत.
- वाघोली ते शिरूर या दरम्यान वाघोली, शिक्रापूर, रांजणगाव येथे वाहतूक कोंडीची समस्या भीषण.
उन्नत मार्ग मार्गाची लांबी अपेक्षित खर्च
नाशिक फाटा ते खेड २९ किमी ८ हजार कोटी
तळेगाव ते चाकण ५४ किमी ११ हजार कोटी
हडपसर ते दिवे घाट १३ किमी ८२३ कोटी
पुणे (वाघोली) ते शिरूर ५६ किमी १० हजार कोटी
पुणे-बेंगळुरू एक्स्प्रेस वे आणि पुणे-नगर-औरंगाबाद महामार्ग हे महामार्ग प्रस्तावित आहेत. यामध्ये पुणे-औरंगाबाद महामार्गाची आखणी करण्यात आली आहे. यासह नाशिक फाटा ते खेड, तळेगाव ते चाकण, हडपसर ते दिवे घाट आणि वाघोली ते शिरूर या रस्त्यांवर उन्नत मार्गिका केल्या जाणार आहेत. ही सर्व ५३ हजार कोटी रुपयांची कामे पुण्यात होत आहेत.
- नितीन गडकरी, केंद्रीय रस्ते वाहतूक व महामार्ग मंत्री
गडकरी यांनी आळंदी आणि देहू ते पंढरपूर महत्त्वाच्या धार्मिक स्थळांना जोडणाऱ्या पालखी मार्गाची हवाई पाहणी केली. त्यानंतर त्यांनी पुण्यात पत्रकारांशी संवाद साधला. पालखी महामार्ग महामार्ग प्राधिकरणाकडून पालखी मार्गासह पुणे जिल्ह्याच्या हद्दीत सुरू असलेल्या विविध रस्त्यांच्या कामांचा आढावा त्यांनी घेतला. या महामार्गांवर उन्नत मार्गिका अधिक उपयुक्त ठरू शकतात, या हेतून रस्ते वाहतुकीसाठी चार उन्नत मार्गांना मंजुरी देण्यात आल्याची घोषणा त्यांनी केली.
‘कात्रज-देहुरोड’साठी स्वतंत्र डीपीआर
कात्रज-देहूरोड बायपास बांधताना हा परिसह शहराच्या बाहेर होता. त्या वेळी नागरीकरण कमी प्रमाणात होते. पुणे एवढ्या झपाट्याने वाढेल, असे त्या वेळी वाटले नव्हते. त्यामुळे या रस्त्यावर आता वाहनांची संख्या अधिक झाली आहे. नवले पूल परिसर आणि कात्रड-देहूरोड बायपासवरील वाहतूक कोंडी आणि अपघात या पार्श्वभूमीवर ‘कात्रज-देहूरोड’साठी स्वतंत्र डीपीआर तयार करण्यात येत आहे. यामध्ये नवले पूल परिसरात उन्नत मार्गिका करण्याचा विचार केला जात आहे.
वाहतूक कोंडीची समस्या
- नाशिक फाटा ते खेड यादरम्यान मोशी, चाकण परिसरात मोठ्या प्रमाणात वाहतूक कोंडी होते.
- तळेगाव ते चाकण या मार्गावरून जड वाहनांची वाहतूक मोठ्या संख्येने होते.
- हडपसर ते दिवे घाट या रस्त्यावर प्राणांतिक अपघात मोठ्या संख्येने झाले आहेत.
- वाघोली ते शिरूर या दरम्यान वाघोली, शिक्रापूर, रांजणगाव येथे वाहतूक कोंडीची समस्या भीषण.
उन्नत मार्ग मार्गाची लांबी अपेक्षित खर्च
नाशिक फाटा ते खेड २९ किमी ८ हजार कोटी
तळेगाव ते चाकण ५४ किमी ११ हजार कोटी
हडपसर ते दिवे घाट १३ किमी ८२३ कोटी
पुणे (वाघोली) ते शिरूर ५६ किमी १० हजार कोटी
पुणे-बेंगळुरू एक्स्प्रेस वे आणि पुणे-नगर-औरंगाबाद महामार्ग हे महामार्ग प्रस्तावित आहेत. यामध्ये पुणे-औरंगाबाद महामार्गाची आखणी करण्यात आली आहे. यासह नाशिक फाटा ते खेड, तळेगाव ते चाकण, हडपसर ते दिवे घाट आणि वाघोली ते शिरूर या रस्त्यांवर उन्नत मार्गिका केल्या जाणार आहेत. ही सर्व ५३ हजार कोटी रुपयांची कामे पुण्यात होत आहेत.
- नितीन गडकरी, केंद्रीय रस्ते वाहतूक व महामार्ग मंत्री