म. टा. प्रतिनिधी, पुणे गणेशोत्सवाचे वेध लागल्यामुळे बाजारात लगबग सुरू झाली आहे. यंदा तुम्हाला घरच्या घरी गणपतीची मूर्ती तयार करण्याचा आनंद घ्यायचा असेल, तर तुमच्यासाठी 'महाराष्ट्र टाइम्स'च्या कल्चर क्लबने पर्यावरणस्नेही (इको फ्रेंडली) गणेश मूर्ती तयार करण्याची कार्यशाळा आयोजित केली आहे. येत्या शनिवारी (२४ ऑगस्ट) दुपारी ३ ते ५ या वेळेत भांडारकर रस्त्यावरील १५ व्या गल्लीत नर्मदा बंगल्यामध्ये ही कार्यशाळा होणार आहे. कार्यशाळेत ४ ते ६ इंच उंचीची गणपतीची मूर्ती तयार करण्याचे प्रशिक्षण देण्यात येणार आहे. चेतन केतकर उपस्थितांना प्रशिक्षण देणार आहेत. उत्सवातील प्लॅस्टर ऑफ पॅरिसच्या मूर्तींमुळे जलप्रदूषण होत असल्याचे अलीकडे अभ्यासक सांगत आहेत. त्यामुळे उत्सव पर्यावरणस्नेही करण्यासाठी गणेश मूर्तीही शाडूच्या मातीपासून तयार करावी आणि सजावट साहित्यातही प्लॉस्टिकचा वापर टाळावा, असे आवाहन पर्यावरणप्रेमी संस्थांनी करत आहेत. कार्यशाळेमध्ये उपस्थितांना त्यांच्या हाताने मूर्ती घडविण्याचा अनुभव मिळणार आहे. ही कार्यशाळा सशुल्क असून, सर्वांसाठी खुली आहे. मटा कल्चर क्लबच्या सभासदांना विशेष सवलत मिळणार आहे. यात सहभागी होण्यासाठी इच्छुकांनी ९६५७०३२६०९ या क्रमांकावर संपर्क साधावा अथवा https://mtcultureclub.com/pune या वेबसाइटवर नोंदणी करावी.
पर्यावरणस्नेही मूर्तीघडविण्याची कार्यशाळा
म टा प्रतिनिधी, पुणे गणेशोत्सवाचे वेध लागल्यामुळे बाजारात लगबग सुरू झाली आहे...
महाराष्ट्र टाइम्स.कॉम 23 Aug 2019, 4:00 am