म. टा. प्रतिनिधी, पुणे
हॉटेलमध्ये शेफ म्हणून काम करणाऱ्या तरुणीशी फेसबुकवरून मैत्री करून गिफ्ट पाठविण्याच्या बहाण्याने फसवणूक करणाऱ्या नायजेरियन नागरिकाला सायबर सेलने अटक केली आहे. त्याने आणखी काही जणांना अशा पद्धतीने फसविल्याचे समोर आले आहे.
अत्से सर्ज (वय ३०, रा. दिल्ली) असे अटक केलेल्याचे नाव आहे. त्याच्याकडून १७ मोबाइल हँडसेट, सिमकार्ड, सहा डेबिट कार्ड, चार पासबुक, एक चेकबुक जप्त करण्यात आले आहे. वानवडी परिसरातील हॉटेलमध्ये शेफ म्हणून काम करणाऱ्या २६ वर्षांच्या तरुणीला एका व्यक्तीने फेसबुकवर फ्रेंड रिक्वेस्ट पाठविली होती. तक्रारदार यांनी ती त्यांनी स्वीकारल्यानंतर त्यांच्यात बोलणे सुरू झाले. मैत्री झाल्यानंतर आरोपीने वाढदिवसाला महागडे गिफ्ट पाठविल्याचे सांगितले. त्यानंतर गिफ्ट कस्टमने पकडल्याचे सांगून एक लाख वीस हजार रुपये तक्रारदार महिलेकडून उकळले होते. त्यानंतर फसवणूक झाल्याचे लक्षात आल्यानंतर महिलेने सायबर सेलकडे तक्रार दिली होती. या प्रकरणी वानवडी पोलिस ठाण्यात गुन्हा दाखल करण्यात आला होता.
या गुन्ह्याचा सायबर सेलकडून समांतर तपास सुरू होता. त्या वेळी मोबाइल कंपनी आणि बँकेशी पत्रव्यवहार करून मिळालेल्या माहितीवरून पोलिसांनी तांत्रिक अभ्यास केला. त्या वेळी आरोपी हा दिल्लीचा असल्याचे निष्पन्न झाले. त्यानंतर अत्से सर्ज याला दिल्लीच्या उत्तमनगर परिसरातून सायबर सेलच्या पोलिसांनी ताब्यात घेतले. त्याला वानवडी पोलिसांच्या ताब्यात देण्यात आले आहे. या आरोपीच्या बँक खात्याचा अभ्यास केल्यानंतर त्याने अशाच पद्धतीने अनेकांना फसविल्याचे समोर आले आहे.
आर्थिक व्यवहार खात्री करूनच करा
फेसबुकवरून मैत्री करणाऱ्या अथवा फोन करणाऱ्या अनोळखी व्यक्तीपासून सावध राहा. त्या व्यक्तीची ओळख पटल्याशिवाय, तसेच प्रत्यक्ष भेटल्याशिवाय त्यांच्याशी आर्थिक व्यवहार करू नका. तसेच, त्यांची खात्री झाल्याशिवाय वैयक्तिक माहिती देखील देऊ नका. फसवणुकीचा प्रकार असल्याचे लक्षात आल्यानंतर तत्काळ स्थानिक व सायबर सेलकडे तक्रार करा, असे आवाहन पोलिसांकडून करण्यात आले आहे.
फंड ट्रान्सफरच्या बहाण्याने फसवणूक
पॉलिसी अथवा फंड ट्रान्सफर करून देण्याच्या बहाण्याने गंडा घालणाऱ्या व्यक्तीला देखील सायबर सेलच्या पोलिसांनी दिल्ली येथून अटक केली आहे. रमनकुमार झा (रा. सरिता विहार दिल्ली) असे अटक केलेल्याचे नाव आहे. त्याने सांगवी परिसरातील एका व्यक्तीला दिल्लीच्या फंड ट्राझेक्शन डिपार्टमेंट येथून बोलत असल्याचे सांगितले. तुमचा फंड जमा झाला असून तो बँकेच्या खात्यावर जमा करतो म्हणून माहिती घेऊन ३९ लाख ३६ हजार रुपयांची फसवणूक केली होती. या प्रकरणी सायबर सेलच्या पथकाने मोबाइल व तांत्रिक गोष्टीचा अभ्यास करून आरोपीला अटक केली आहे.
हॉटेलमध्ये शेफ म्हणून काम करणाऱ्या तरुणीशी फेसबुकवरून मैत्री करून गिफ्ट पाठविण्याच्या बहाण्याने फसवणूक करणाऱ्या नायजेरियन नागरिकाला सायबर सेलने अटक केली आहे. त्याने आणखी काही जणांना अशा पद्धतीने फसविल्याचे समोर आले आहे.
अत्से सर्ज (वय ३०, रा. दिल्ली) असे अटक केलेल्याचे नाव आहे. त्याच्याकडून १७ मोबाइल हँडसेट, सिमकार्ड, सहा डेबिट कार्ड, चार पासबुक, एक चेकबुक जप्त करण्यात आले आहे. वानवडी परिसरातील हॉटेलमध्ये शेफ म्हणून काम करणाऱ्या २६ वर्षांच्या तरुणीला एका व्यक्तीने फेसबुकवर फ्रेंड रिक्वेस्ट पाठविली होती. तक्रारदार यांनी ती त्यांनी स्वीकारल्यानंतर त्यांच्यात बोलणे सुरू झाले. मैत्री झाल्यानंतर आरोपीने वाढदिवसाला महागडे गिफ्ट पाठविल्याचे सांगितले. त्यानंतर गिफ्ट कस्टमने पकडल्याचे सांगून एक लाख वीस हजार रुपये तक्रारदार महिलेकडून उकळले होते. त्यानंतर फसवणूक झाल्याचे लक्षात आल्यानंतर महिलेने सायबर सेलकडे तक्रार दिली होती. या प्रकरणी वानवडी पोलिस ठाण्यात गुन्हा दाखल करण्यात आला होता.
या गुन्ह्याचा सायबर सेलकडून समांतर तपास सुरू होता. त्या वेळी मोबाइल कंपनी आणि बँकेशी पत्रव्यवहार करून मिळालेल्या माहितीवरून पोलिसांनी तांत्रिक अभ्यास केला. त्या वेळी आरोपी हा दिल्लीचा असल्याचे निष्पन्न झाले. त्यानंतर अत्से सर्ज याला दिल्लीच्या उत्तमनगर परिसरातून सायबर सेलच्या पोलिसांनी ताब्यात घेतले. त्याला वानवडी पोलिसांच्या ताब्यात देण्यात आले आहे. या आरोपीच्या बँक खात्याचा अभ्यास केल्यानंतर त्याने अशाच पद्धतीने अनेकांना फसविल्याचे समोर आले आहे.
आर्थिक व्यवहार खात्री करूनच करा
फेसबुकवरून मैत्री करणाऱ्या अथवा फोन करणाऱ्या अनोळखी व्यक्तीपासून सावध राहा. त्या व्यक्तीची ओळख पटल्याशिवाय, तसेच प्रत्यक्ष भेटल्याशिवाय त्यांच्याशी आर्थिक व्यवहार करू नका. तसेच, त्यांची खात्री झाल्याशिवाय वैयक्तिक माहिती देखील देऊ नका. फसवणुकीचा प्रकार असल्याचे लक्षात आल्यानंतर तत्काळ स्थानिक व सायबर सेलकडे तक्रार करा, असे आवाहन पोलिसांकडून करण्यात आले आहे.
फंड ट्रान्सफरच्या बहाण्याने फसवणूक
पॉलिसी अथवा फंड ट्रान्सफर करून देण्याच्या बहाण्याने गंडा घालणाऱ्या व्यक्तीला देखील सायबर सेलच्या पोलिसांनी दिल्ली येथून अटक केली आहे. रमनकुमार झा (रा. सरिता विहार दिल्ली) असे अटक केलेल्याचे नाव आहे. त्याने सांगवी परिसरातील एका व्यक्तीला दिल्लीच्या फंड ट्राझेक्शन डिपार्टमेंट येथून बोलत असल्याचे सांगितले. तुमचा फंड जमा झाला असून तो बँकेच्या खात्यावर जमा करतो म्हणून माहिती घेऊन ३९ लाख ३६ हजार रुपयांची फसवणूक केली होती. या प्रकरणी सायबर सेलच्या पथकाने मोबाइल व तांत्रिक गोष्टीचा अभ्यास करून आरोपीला अटक केली आहे.