येरवड्यातील नेताजी सुभाषचंद्र बोस शाळेच्या नावाने अनेकांकडे दाखले
संदीप भातकर, येरवडा
तिसरी, चौथी किंवा पाचवीपर्यंतचे शिक्षण झाले असले तरीही, थेट नववी, दहावी उत्तीर्ण झाल्याचा शाळेचा बनावट दाखला दीड ते दोन हजार रुपयांत सहज मिळत असल्याचे उघड झाले आहे. पुणे महापालिकेच्या सर्वांत मोठ्या नेताजी सुभाषचंद्र बोस शाळेच्या नावाने शाळा सोडल्याचा बनावट दाखला देण्याचे हे रॅकेट येरवड्यात अनेक वर्षांपासून सुरू असल्याचे उघड आले आहे.
खासगी कंत्राटी नोकरी, ड्रायव्हर पदासाठी, रजिस्टर पद्धतीने विवाहासाठी, ड्रायव्हिंग लायसन्स काढण्यासाठी किंवा निवडणुकीत जातीचा दाखल्याचा पुरावा सादर करण्यासाठी शाळा सोडल्याचा बनावाट दाखला, तसेच दहावी आणि बारावीची बनावट गुणपत्रिका आणि प्रमाणपत्र देखील मिळत असल्याचे समोर आले आहे. येरवड्यात गेल्या अनेक वर्षांपासून शाळा सोडल्याचा बनावट दाखला तयार तरुण देण्याचे रॅकेट सुरू आहे.
पुणे महापालिकेच्या फेब्रुवारी महिन्यात झालेल्या पंचवार्षिक निवडणुकीत भाजपच्या तिकीटावर कळस धानोरी प्रभाग एकमधून विजयी झालेल्या नगरसेविका किरण नीलेश जठार यांनी बनावट जातीचा दाखला सादर केल्याप्रकरणी भूसंपादन विभागाचे उपजिल्हाधिकारी श्रीपती मोरे यांनी गुन्हा दाखल करण्याचे आदेश दिले आहेत.
निवडणुकीचा अर्ज दाखल करण्यापूर्वी जठार यांनी भूसंपादन कार्यालयाकडून जातीचा दाखला मिळविला होता. हा दाखला मिळविण्यासाठी त्यांनी आजोबा लक्ष्मण गंगाराम कसबे यांचा नेताजी सुभाषचंद्र बोस शाळेचा दाखला जोडला होता. त्याविरोधात हुलगेश चलवादी, रेणुका चलवादी आणि दिलीप ओरपे यांनी जिल्हा प्रमाणपत्र पडताळणी समितीकडे तक्रार केली होती. या तक्रारीच्या आधारे दक्षता समितीने नेताजी शाळेत जाऊन शाळा सोडल्याचे रजिस्टर तपासले असता, अशी कुठलीही नोंद आढळून आले नाही. तसे पत्र शाळेच्या मुख्याध्यापकांनी तक्रारदार चलवादी यांनी दिले होते. त्या पार्श्वभूमीवर येरवडा भागात चौकशी केली असता, नेताजी बोस शाळेच्या नावाने शाळा सोडल्याचा बनावट दाखला अनेकांनी काढून घेतल्याचे समोर आले. खासगी, कंत्राटी नोकरीसाठी आणि चारचाकी वाहने, तसेच कॅबवर ड्रायव्हर म्हणून काम करणाऱ्या शेकडो जणांनी हजार दीड हजार रुपयांच्या बदल्यात हव्या त्या इयत्तेचे दाखला काढून घेतल्याचे समोर येत आहे.
खाजगी कंपनीत ड्रायव्हर म्हणून काम करणाऱ्या आणि नेताजी शाळेतून शाळा सोडल्याचा बनावट दाखला काढणाऱ्या एका तरुणाने नाव न छापण्याच्या अटीवर ही माहिती दिली. ‘येरवडा लक्ष्मीनगरमधील गेनबा मोझे शाळेत दुसरीपर्यंतचे शिक्षण झाले. कुटुंबाची जबाबदारी अंगावर पडली. पण शिक्षण नसल्यामुळे कोणी कामावर घेत नव्हते. त्यामुळे ड्रायव्हिंग क्लास लावून गाडी शिकलो. त्यानंतर ओळखीच्या एकाला पाचशे रुपये देऊन नेताजी शाळेचे नववी उत्तीर्ण झाल्याचा शाळा सोडल्याचा दाखला काढला. नोकरी आणि ड्रायव्हिंग लायसन्स काढण्यासाठी बनावट दाखल्याचा उपयोग झाला,’ असे या तरुणाने सांगितले.
शाळेचे नाव वादात
नगरसेविका किरण जठार यांनी आजोबांचा नेताजी सुभाषचंद्र बोस शाळेच्या नावाचा शाळा सोडल्याचा बनावट दाखला काढल्याचे समोर आले. खाजगी कामासाठी अनेकांनी असे दाखले बनवून घेतले आहेत. त्यामुळे महापालिकेच्या नेताजी शाळेचे नाव वादाच्या भोवऱ्यात सापडले आहे. बनावट दाखले रोखण्यासाठी शिक्षण विभाग काय उपाययोजना करणार हा प्रश्न निर्माण झाला आहे.
संदीप भातकर, येरवडा
तिसरी, चौथी किंवा पाचवीपर्यंतचे शिक्षण झाले असले तरीही, थेट नववी, दहावी उत्तीर्ण झाल्याचा शाळेचा बनावट दाखला दीड ते दोन हजार रुपयांत सहज मिळत असल्याचे उघड झाले आहे. पुणे महापालिकेच्या सर्वांत मोठ्या नेताजी सुभाषचंद्र बोस शाळेच्या नावाने शाळा सोडल्याचा बनावट दाखला देण्याचे हे रॅकेट येरवड्यात अनेक वर्षांपासून सुरू असल्याचे उघड आले आहे.
खासगी कंत्राटी नोकरी, ड्रायव्हर पदासाठी, रजिस्टर पद्धतीने विवाहासाठी, ड्रायव्हिंग लायसन्स काढण्यासाठी किंवा निवडणुकीत जातीचा दाखल्याचा पुरावा सादर करण्यासाठी शाळा सोडल्याचा बनावाट दाखला, तसेच दहावी आणि बारावीची बनावट गुणपत्रिका आणि प्रमाणपत्र देखील मिळत असल्याचे समोर आले आहे. येरवड्यात गेल्या अनेक वर्षांपासून शाळा सोडल्याचा बनावट दाखला तयार तरुण देण्याचे रॅकेट सुरू आहे.
पुणे महापालिकेच्या फेब्रुवारी महिन्यात झालेल्या पंचवार्षिक निवडणुकीत भाजपच्या तिकीटावर कळस धानोरी प्रभाग एकमधून विजयी झालेल्या नगरसेविका किरण नीलेश जठार यांनी बनावट जातीचा दाखला सादर केल्याप्रकरणी भूसंपादन विभागाचे उपजिल्हाधिकारी श्रीपती मोरे यांनी गुन्हा दाखल करण्याचे आदेश दिले आहेत.
निवडणुकीचा अर्ज दाखल करण्यापूर्वी जठार यांनी भूसंपादन कार्यालयाकडून जातीचा दाखला मिळविला होता. हा दाखला मिळविण्यासाठी त्यांनी आजोबा लक्ष्मण गंगाराम कसबे यांचा नेताजी सुभाषचंद्र बोस शाळेचा दाखला जोडला होता. त्याविरोधात हुलगेश चलवादी, रेणुका चलवादी आणि दिलीप ओरपे यांनी जिल्हा प्रमाणपत्र पडताळणी समितीकडे तक्रार केली होती. या तक्रारीच्या आधारे दक्षता समितीने नेताजी शाळेत जाऊन शाळा सोडल्याचे रजिस्टर तपासले असता, अशी कुठलीही नोंद आढळून आले नाही. तसे पत्र शाळेच्या मुख्याध्यापकांनी तक्रारदार चलवादी यांनी दिले होते. त्या पार्श्वभूमीवर येरवडा भागात चौकशी केली असता, नेताजी बोस शाळेच्या नावाने शाळा सोडल्याचा बनावट दाखला अनेकांनी काढून घेतल्याचे समोर आले. खासगी, कंत्राटी नोकरीसाठी आणि चारचाकी वाहने, तसेच कॅबवर ड्रायव्हर म्हणून काम करणाऱ्या शेकडो जणांनी हजार दीड हजार रुपयांच्या बदल्यात हव्या त्या इयत्तेचे दाखला काढून घेतल्याचे समोर येत आहे.
खाजगी कंपनीत ड्रायव्हर म्हणून काम करणाऱ्या आणि नेताजी शाळेतून शाळा सोडल्याचा बनावट दाखला काढणाऱ्या एका तरुणाने नाव न छापण्याच्या अटीवर ही माहिती दिली. ‘येरवडा लक्ष्मीनगरमधील गेनबा मोझे शाळेत दुसरीपर्यंतचे शिक्षण झाले. कुटुंबाची जबाबदारी अंगावर पडली. पण शिक्षण नसल्यामुळे कोणी कामावर घेत नव्हते. त्यामुळे ड्रायव्हिंग क्लास लावून गाडी शिकलो. त्यानंतर ओळखीच्या एकाला पाचशे रुपये देऊन नेताजी शाळेचे नववी उत्तीर्ण झाल्याचा शाळा सोडल्याचा दाखला काढला. नोकरी आणि ड्रायव्हिंग लायसन्स काढण्यासाठी बनावट दाखल्याचा उपयोग झाला,’ असे या तरुणाने सांगितले.
शाळेचे नाव वादात
नगरसेविका किरण जठार यांनी आजोबांचा नेताजी सुभाषचंद्र बोस शाळेच्या नावाचा शाळा सोडल्याचा बनावट दाखला काढल्याचे समोर आले. खाजगी कामासाठी अनेकांनी असे दाखले बनवून घेतले आहेत. त्यामुळे महापालिकेच्या नेताजी शाळेचे नाव वादाच्या भोवऱ्यात सापडले आहे. बनावट दाखले रोखण्यासाठी शिक्षण विभाग काय उपाययोजना करणार हा प्रश्न निर्माण झाला आहे.