म. टा. प्रतिनिधी, पुणे
फेसबुकवर अनोळखी व्यक्तीशी मैत्री करणे एका शिक्षक महिलेला चांगलेच महागात पडले आहे. फेसबुकवरून मैत्री झालेल्या व्यक्तीने परदेशातून गिफ्ट पाठविल्याचे सांगून ते सोडवून घेण्यासाठी सहा लाख रुपये उकळल्याचा प्रकार उघडसकीस आला आहे. या प्रकरणी सिंहगड रोड पोलिस ठाण्यात गुन्हा दाखल करण्यात आला आहे.
याबाबत वडगाव बुद्रुक भागात राहणाऱ्या ४६ वर्षीय महिलेने तक्रार दिली आहे. त्यानुसार, अज्ञात मोबाइलधारक व बँक खातेधारकाविरोधात गुन्हा दाखल करण्यात आला आहे. पोलिसांनी दिलेल्या माहितीनुसार, तक्रारदार या एका शाळेत शिक्षिका आहेत. त्यांचे फेसबुकवर अकाउंट आहे. काही महिन्यांपुर्वी त्यांची जेम्स स्मिथ नावाच्या व्यक्तीकडून फेसबुकवर फ्रेंड रिकवेस्ट आली होती. त्यांनी ती स्वीकारली. यानंतर त्यांच्यात मैत्री झाली. व्हॉट्सअॅप व फेसबुकद्वारे त्यांच्यात बोलणे सुरू झाले. या दरम्यान, आरोपीने त्यांना वेगवेगळी कारणे सांगून त्यांचा विश्वास संपादन केला.
आरोपीने तक्रारदार यांना एक महागडे गिफ्ट पाठवित असल्याचे सांगितले. तसेच, त्यांना भेटण्यासाठी काही दिवसांनी भारतात येणार असल्याचे सांगितले. तक्रारदार यांना एकेदिवशी कस्टम विभागातून बोलत असल्याचा एका महिलेने फोन केला. त्यांना तुमचे परदेशातून गिफ्ट आले असून, ते सोडवून घेण्यासाठी कस्टम ड्युटी, कुरिअर टॅक्स भरावे लागेल, असे सांगितले.
तक्रारदार यांनी याबाबत आरोपीला विचारणा केली. त्या वेळी त्याने महागडे गिफ्ट पाठविल्याचे सांगितले. त्यामुळे तक्रारदार यांनी महिलेने दिलेल्या खात्यावर पैसे भरले. त्यानंतर पुन्हा वेगवेळी कारणे सांगून त्यांच्याकडून पैसे उकळले. तक्रारदार यांच्याकडून वेळोवेळी सहा लाख पाच हजार रुपये बँकेत भरण्यास भाग पाडले. त्यानंतरही त्यांना गिफ्ट मिळाले नाही. त्यांनी फेसबुक मित्राला फोन केला असता त्याचा फोन बंद लागला. या वेळी त्यांना आपली फसवणूक झाल्याचे लक्षात आले. यानंतर त्यांनी पोलिसांकडे तक्रार दिली. या तक्रारीची प्राथमिक चौकशी करण्यात आली. त्यानंतर या प्रकरणी गुन्हा दाखल करण्यात आला. हा प्रकार फेब्रुवारी ते मार्च २०१९ या कालावधीत घडला. या प्रकरणी सिंहगड रोड पोलिस तपास करीत आहेत.
महिलांनी ही काळजी घ्यावी
- अनोळखी व्यक्तीची फेसबुकवर फ्रेड रिक्वेस्ट स्वीकारू नका.
- सोशल मीडियावर व्यक्तिगत माहिती देऊ नये.
- भेटवस्तू पाठविल्याच्या आमिषाने गंडा घालण्याचे प्रकार वाढत असल्यामुळे काळजी घ्यावी.
- सोशल मीडीयावरून ओळख झालेल्या व्यक्तीला भेटल्याशिवाय आर्थिक व्यवहार करू नका.
- फसवणूक झाल्याचे लक्षात आल्यानंतर तत्काळ पोलिसांकडे तक्रार करा.
फेसबुकवर अनोळखी व्यक्तीशी मैत्री करणे एका शिक्षक महिलेला चांगलेच महागात पडले आहे. फेसबुकवरून मैत्री झालेल्या व्यक्तीने परदेशातून गिफ्ट पाठविल्याचे सांगून ते सोडवून घेण्यासाठी सहा लाख रुपये उकळल्याचा प्रकार उघडसकीस आला आहे. या प्रकरणी सिंहगड रोड पोलिस ठाण्यात गुन्हा दाखल करण्यात आला आहे.
याबाबत वडगाव बुद्रुक भागात राहणाऱ्या ४६ वर्षीय महिलेने तक्रार दिली आहे. त्यानुसार, अज्ञात मोबाइलधारक व बँक खातेधारकाविरोधात गुन्हा दाखल करण्यात आला आहे. पोलिसांनी दिलेल्या माहितीनुसार, तक्रारदार या एका शाळेत शिक्षिका आहेत. त्यांचे फेसबुकवर अकाउंट आहे. काही महिन्यांपुर्वी त्यांची जेम्स स्मिथ नावाच्या व्यक्तीकडून फेसबुकवर फ्रेंड रिकवेस्ट आली होती. त्यांनी ती स्वीकारली. यानंतर त्यांच्यात मैत्री झाली. व्हॉट्सअॅप व फेसबुकद्वारे त्यांच्यात बोलणे सुरू झाले. या दरम्यान, आरोपीने त्यांना वेगवेगळी कारणे सांगून त्यांचा विश्वास संपादन केला.
आरोपीने तक्रारदार यांना एक महागडे गिफ्ट पाठवित असल्याचे सांगितले. तसेच, त्यांना भेटण्यासाठी काही दिवसांनी भारतात येणार असल्याचे सांगितले. तक्रारदार यांना एकेदिवशी कस्टम विभागातून बोलत असल्याचा एका महिलेने फोन केला. त्यांना तुमचे परदेशातून गिफ्ट आले असून, ते सोडवून घेण्यासाठी कस्टम ड्युटी, कुरिअर टॅक्स भरावे लागेल, असे सांगितले.
तक्रारदार यांनी याबाबत आरोपीला विचारणा केली. त्या वेळी त्याने महागडे गिफ्ट पाठविल्याचे सांगितले. त्यामुळे तक्रारदार यांनी महिलेने दिलेल्या खात्यावर पैसे भरले. त्यानंतर पुन्हा वेगवेळी कारणे सांगून त्यांच्याकडून पैसे उकळले. तक्रारदार यांच्याकडून वेळोवेळी सहा लाख पाच हजार रुपये बँकेत भरण्यास भाग पाडले. त्यानंतरही त्यांना गिफ्ट मिळाले नाही. त्यांनी फेसबुक मित्राला फोन केला असता त्याचा फोन बंद लागला. या वेळी त्यांना आपली फसवणूक झाल्याचे लक्षात आले. यानंतर त्यांनी पोलिसांकडे तक्रार दिली. या तक्रारीची प्राथमिक चौकशी करण्यात आली. त्यानंतर या प्रकरणी गुन्हा दाखल करण्यात आला. हा प्रकार फेब्रुवारी ते मार्च २०१९ या कालावधीत घडला. या प्रकरणी सिंहगड रोड पोलिस तपास करीत आहेत.
महिलांनी ही काळजी घ्यावी
- अनोळखी व्यक्तीची फेसबुकवर फ्रेड रिक्वेस्ट स्वीकारू नका.
- सोशल मीडियावर व्यक्तिगत माहिती देऊ नये.
- भेटवस्तू पाठविल्याच्या आमिषाने गंडा घालण्याचे प्रकार वाढत असल्यामुळे काळजी घ्यावी.
- सोशल मीडीयावरून ओळख झालेल्या व्यक्तीला भेटल्याशिवाय आर्थिक व्यवहार करू नका.
- फसवणूक झाल्याचे लक्षात आल्यानंतर तत्काळ पोलिसांकडे तक्रार करा.