सायंकाळनंतर अंमलबजावणी; महत्वाच्या चौकात पहाटेपर्यंत सिग्नल
म. टा. प्रतिनिधी, पुणे
डेक्कन येथील गोखले रस्ता (फर्ग्युसन कॉलेज रस्ता) आणि कॅम्पातील महात्मा गांधी रस्त्यावर नवीन वर्षाच्या पूर्वसंध्येला हजारोंच्या संख्येने पुणेकर गोळा होतात. त्यामुळे यंदाही या दोन्ही रस्त्यावर सायंकाळनंतर पहाटे पाच वाजेपर्यंत वाहनांना ‘नो-एंट्री’ असणार आहे. तसेच, शहरातील १८ महत्त्वाच्या चौकांमधील सिग्नल पहाटेपर्यंत सुरू राहणार आहेत.
शहराच्या विविध भागांत नवीन वर्षाच्या स्वागतासाठी गर्दी होत असते. त्यामुळे यंदा गर्दीची शक्यता लक्षात घेऊन आज, रविवारी रात्री शहरातील विविध रस्त्यांवरील वाहतुकीत विशेषतः हडपसर, येरवडा आणि लष्कर भागातील वाहतुकीमध्ये बदल करण्यात आला आहे.
गोखले रस्त्यावर गोखले चौक (गुडलक) ते फर्ग्युसन महाविद्यालयाच्या मुख्य गेटपर्यंत आणि महात्मा गांधी रस्त्यावर हॉटेल अरोरा टॉवर ते पुलगेट पोलिस चौकीपर्यंत ‘नो-व्हेइकल झोन’ करण्यात आला आहे. या रस्त्यांवर खबरदारी म्हणून सायंकाळी सहापासून दुसऱ्या दिवशी पहाटे पाच वाजेपर्यंत वाहनांना प्रवेश दिला जाणार नाही.
वाहतूक अशी असेल...
लष्कर विभाग
खान्या मारुती चौकाकडून ईस्ट स्ट्रीटमार्गे व्होल्गा चौक-पुढे प्रित मंदिर आणि इंदिरा गांधी चौकातून उजवीकडे लष्कर पोलिस स्टेशन चौकातून डावीकडे तीन तोफ चौक- एसबीआय हाउसमार्गे-कुरेशी मशिदीकडून १५ ऑगस्ट चौक ते सुजाता मस्तानी-बिशप सर्कल येथे मम्मादेवी येथून गुरूद्वारा रस्त्याने एसबीआय हाउस मार्गे इच्छित स्थळी जाता येईल.
हडपसर विभाग (सायंकाळी सात ते रात्री एक)
अमनोरा मॉलमधून बाहेर येणारी वाहने डावीकडे वळून जातील. उजवीकडे किंवा सरळ जाण्यास मनाई असेल. सिझन मॉलमधून थेट खराडीच्या दिशेने मार्गस्थ दोन्ही मॉलमधून बाहेर येणाऱ्या वाहनांना रस्ता ओलांडता येणार नाही. हडपसरकडून खराडीकडे जाणारी मालवाहू वाहने मगरपट्टा सिटीच्या मागील डी. पी. रस्त्याने हडपसर रेल्वे उड्डाणपुलाकडून जातील.
उशिरापर्यंत सुरू राहणारे सिग्नल
केशवराव जेधे चौक (स्वारगेट), मार्केटयार्ड, ढोले-पाटील चौक, वखार चौक, गंगाधाम चौक, नळस्टॉप चौक, सहजीवन चौक, पौडफाटा, हुतात्मा चौक, कोथरूड डेपो या चौकांमध्ये पहाटे पाचपर्यंत सिग्नल सुरू राहणार आहेत. भैरोबानाला, फातिमानगर, सोपानबाग, रामटेकडी, घोरपडी जंक्शन या चौकांमध्ये मध्यरात्रीनंतर अडीचपर्यंत सिग्नल सुरू असतील. संत कबीर चौक व डॉ. बॅनर्जी चौकातील सिग्नल रात्री एक वाजेपर्यंत सुरू राहील.
म. टा. प्रतिनिधी, पुणे
डेक्कन येथील गोखले रस्ता (फर्ग्युसन कॉलेज रस्ता) आणि कॅम्पातील महात्मा गांधी रस्त्यावर नवीन वर्षाच्या पूर्वसंध्येला हजारोंच्या संख्येने पुणेकर गोळा होतात. त्यामुळे यंदाही या दोन्ही रस्त्यावर सायंकाळनंतर पहाटे पाच वाजेपर्यंत वाहनांना ‘नो-एंट्री’ असणार आहे. तसेच, शहरातील १८ महत्त्वाच्या चौकांमधील सिग्नल पहाटेपर्यंत सुरू राहणार आहेत.
शहराच्या विविध भागांत नवीन वर्षाच्या स्वागतासाठी गर्दी होत असते. त्यामुळे यंदा गर्दीची शक्यता लक्षात घेऊन आज, रविवारी रात्री शहरातील विविध रस्त्यांवरील वाहतुकीत विशेषतः हडपसर, येरवडा आणि लष्कर भागातील वाहतुकीमध्ये बदल करण्यात आला आहे.
गोखले रस्त्यावर गोखले चौक (गुडलक) ते फर्ग्युसन महाविद्यालयाच्या मुख्य गेटपर्यंत आणि महात्मा गांधी रस्त्यावर हॉटेल अरोरा टॉवर ते पुलगेट पोलिस चौकीपर्यंत ‘नो-व्हेइकल झोन’ करण्यात आला आहे. या रस्त्यांवर खबरदारी म्हणून सायंकाळी सहापासून दुसऱ्या दिवशी पहाटे पाच वाजेपर्यंत वाहनांना प्रवेश दिला जाणार नाही.
वाहतूक अशी असेल...
लष्कर विभाग
खान्या मारुती चौकाकडून ईस्ट स्ट्रीटमार्गे व्होल्गा चौक-पुढे प्रित मंदिर आणि इंदिरा गांधी चौकातून उजवीकडे लष्कर पोलिस स्टेशन चौकातून डावीकडे तीन तोफ चौक- एसबीआय हाउसमार्गे-कुरेशी मशिदीकडून १५ ऑगस्ट चौक ते सुजाता मस्तानी-बिशप सर्कल येथे मम्मादेवी येथून गुरूद्वारा रस्त्याने एसबीआय हाउस मार्गे इच्छित स्थळी जाता येईल.
हडपसर विभाग (सायंकाळी सात ते रात्री एक)
अमनोरा मॉलमधून बाहेर येणारी वाहने डावीकडे वळून जातील. उजवीकडे किंवा सरळ जाण्यास मनाई असेल. सिझन मॉलमधून थेट खराडीच्या दिशेने मार्गस्थ दोन्ही मॉलमधून बाहेर येणाऱ्या वाहनांना रस्ता ओलांडता येणार नाही. हडपसरकडून खराडीकडे जाणारी मालवाहू वाहने मगरपट्टा सिटीच्या मागील डी. पी. रस्त्याने हडपसर रेल्वे उड्डाणपुलाकडून जातील.
उशिरापर्यंत सुरू राहणारे सिग्नल
केशवराव जेधे चौक (स्वारगेट), मार्केटयार्ड, ढोले-पाटील चौक, वखार चौक, गंगाधाम चौक, नळस्टॉप चौक, सहजीवन चौक, पौडफाटा, हुतात्मा चौक, कोथरूड डेपो या चौकांमध्ये पहाटे पाचपर्यंत सिग्नल सुरू राहणार आहेत. भैरोबानाला, फातिमानगर, सोपानबाग, रामटेकडी, घोरपडी जंक्शन या चौकांमध्ये मध्यरात्रीनंतर अडीचपर्यंत सिग्नल सुरू असतील. संत कबीर चौक व डॉ. बॅनर्जी चौकातील सिग्नल रात्री एक वाजेपर्यंत सुरू राहील.