पुणे : प्रेमविवाहाच्या कारणातून लोणी काळभोर परिसरात दोन गटांमध्ये तुंबळ हाणामारी झाल्याची घटना समोर आली आहे. या प्रकरणात लोणी काळभोर पोलीस ठाण्यात परस्पर विरोधी गुन्हे दाखल करण्यात आले आहे. ही घटना लोणी काळभोर सोमवार येथे २० फ्रेब्रुवारी रोजी अंबरनाथ मंदिर परिसरात घडली आहे. याबाबत एका ५२ वर्षीय व्यक्तीने फिर्याद दिली आहे. पोलिसांनी दिलेल्या माहितीनुसार, फिर्यादीच्या मुलाने गावातील एका मुलीसोबत प्रेम विवाह केला होता. त्या गोष्टीचा राग मुलीच्या घराच्या लोकांना होता. त्याच कारणातून चौघांनी मिळून फिर्यादीच्या मुलाला पाईपने बेदम मारहाण केली. तसेच त्याच्या इतर साथीदारांना देखील मारहाण केली. त्यांनी पोलीस स्टेशनमध्ये धाव घेत मारहाण करणाऱ्यांविरोधात तक्रार दाखल केली. त्यानुसार चौघांवर गुन्हा दाखल करण्यात आला. त्यातील दोघांना अटकही करण्यात आली आहे.
तसेच समोरच्या व्यक्तींनी देखील फिर्यादी विरोधात पोलीस स्टेशनमध्ये तक्रार दाखल केली. त्यांनी फिर्यादीत म्हंटले आहे की, "बहिणीने एका तरुणासोबत प्रेमविवाह केला आहे. त्याचा त्यांना राग होता. दरम्यान, आरोपींपैकी एका तरुणाने फिर्यादीच्या चुलत्यांना त्याच्याबाबत खोटे सांगितले. त्याचा जाब विचारण्यासाठी तो तेथे गेला होता. त्यावेळी त्याने व त्याच्या इतर तिघा साथीदारांनी फिर्यादीला शिवीगाळ करून हाताने मारहाण केली. तसेच स्टीलच्या पाईपाने देखील मारहाण केली".
हा प्रकार सुरू असताना त्याचे वडील भांडण सोडवण्यासाठी आले असताना, त्यांना देखील धक्काबुक्की करून शिवीगाळ करण्यात आली आहे. याबाबत तरुणाने पोलीस ठाण्यात धाव घेत तक्रार दिली होती. त्यानुसार पोलिसांनी प्रेमविवाह करणार्या चौघांच्या विरुद्ध गुन्हा दाखल केला आहे. पुढील तपास लोणी काळभोर पोलीस करत आहेत.
तसेच समोरच्या व्यक्तींनी देखील फिर्यादी विरोधात पोलीस स्टेशनमध्ये तक्रार दाखल केली. त्यांनी फिर्यादीत म्हंटले आहे की, "बहिणीने एका तरुणासोबत प्रेमविवाह केला आहे. त्याचा त्यांना राग होता. दरम्यान, आरोपींपैकी एका तरुणाने फिर्यादीच्या चुलत्यांना त्याच्याबाबत खोटे सांगितले. त्याचा जाब विचारण्यासाठी तो तेथे गेला होता. त्यावेळी त्याने व त्याच्या इतर तिघा साथीदारांनी फिर्यादीला शिवीगाळ करून हाताने मारहाण केली. तसेच स्टीलच्या पाईपाने देखील मारहाण केली".
हा प्रकार सुरू असताना त्याचे वडील भांडण सोडवण्यासाठी आले असताना, त्यांना देखील धक्काबुक्की करून शिवीगाळ करण्यात आली आहे. याबाबत तरुणाने पोलीस ठाण्यात धाव घेत तक्रार दिली होती. त्यानुसार पोलिसांनी प्रेमविवाह करणार्या चौघांच्या विरुद्ध गुन्हा दाखल केला आहे. पुढील तपास लोणी काळभोर पोलीस करत आहेत.