म. टा. प्रतिनिधी, पिंपरी
बॅटरीच्या शॉर्टसर्किटमुळे नेहरूनगर पिंपरीतील शिवम ज्वेलर्स या सराफ पेढीला शनिवारी (दि. २४) आग लागली. धूर बाहेर जाण्यासाठी दुकानाची काच काढत असताना ती फुटल्याने तीन जण किरकोळ जखमी झाले.
पिंपरी, नेहरूनगर येथे शिवम ज्वेलर्स या नावाने सराफ दुकान आहे. साडेचारच्या सुमारास या दुकानाला बॅटरीच्या शॉर्टसर्किटमुळे आग लागली. घटनेची माहिती मिळताच पिंपरी अग्निशामक दलाचे चार बंब घटनास्थळी त्वरित दाखल झाले. त्यांनी आग आटोक्यात आणली. यादरम्यान दुकानातील धूर बाहेर काढण्यासाठी काच काढत असताना काच फुटली. त्यामध्ये तीन जण किरकोळ जखमी झाले.
---