म. टा. प्रतिनिधी,
राइस इन शाइन कंपनीच्या आवारातील बायोटेक लॅब क्रमांक २ मधील पीजीआर ४ ला शुक्रवारी (१४ सप्टेंबर) आग लागली होती. यामध्ये लॅब जळून खाक झाली. आग लागल्याचे समजताच कंपनीच्या रिस्पॉन्स टीमने तत्काळ सर्व कर्मचाऱ्यांना अवघ्या सुरक्षितस्थळी हलविले होते. त्यामुळे सुदैवाने कोणत्याही कर्मचारी-अधिकाऱ्यांना दुखापत झाली नाही. आगीचे कारण स्पष्ट नसून, पोलिस आणि प्रशासन याचा तपास करीत आहेत. त्याच बरोबर कंपनीच्या व्यवस्थापनाकडून याबाबतची अंतर्गत चौकशी सुरू करण्यात आली आहे. आग लागल्यानंतर पुणे ग्रामीण पोलिस, पुणे महापालिकेचे अग्निशमन विभाग आणि प्रामुख्याने थेऊरच्या ग्रामस्थांची मोठी मदत झाल्याचे राइस इन शाइनच्या व्यवस्थापनाने कळविले आहे.