म. टा. प्रतिनिधी, पुणे
'गणपती बाप्पा मोरया...पुढच्या वर्षी लवकर या' अशी प्रार्थना करून पुणेकरांनी पाच दिवसांच्या मुक्कामासाठी आलेल्या गणपती बाप्पाला निरोप दिला. नदीकाठावर बांधलेले विसर्जन हौद आणि उपनगरातील हौदांवर संध्याकाळनंतर गणेशभक्तांनी गर्दी केली होती. रात्री उशिरापर्यंत गणेशमूर्तींचे विसर्जन सुरू होते.
अनेक घरांमध्ये महालक्ष्मीबरोबर गणपतीचे विसर्जन करण्याची परंपरा असल्यामुळे सोमवारी मोठ्या प्रमाणात घरगुती गणपतींच्या मूर्तींचे मंगलमय वातावरणात विसर्जन करण्यात आले. उपनगरातील काही लहान मंडळे आणि सोसायट्यांमध्ये बसविण्यात आलेल्या गणेशमूर्तींची विसर्जन मिरवणूक काढण्यात आली होती.
मध्यवर्ती पुण्यातील नदी काठ आणि उपनगरातील काही सार्वजनिक ठिकाणी महापालिकेने विसर्जन हौद ठेवले होते. त्यामुळे बहुतांश नागरिकांनी या हौदांमध्ये मूर्ती विसर्जन करण्यास प्राधान्य दिले. नदी किनारी बांधलेल्या हौदांनाही सलग तिसऱ्या वर्षी उल्लेखनीय प्रतिसाद मिळाला. नदीमध्ये मूर्ती विसर्जन करण्याऐवजी लोक आवर्जून हौदाचा पर्याय निवडत होते. सायंकाळी पाचनंतर या हौदांवर वर्दळ सुरू झाली. सातनंतर विसर्जन हौदांवर घरगुती गणेश मूर्ती, सार्वजनिक गणेश मंडळे आणि सोसायट्यांचे गणपती घेऊन एकाचवेळी लोक आल्यामुळे गर्दी झाली होती. गर्दीच्या नियंत्रणासाठी ठिकठिकाणी महापालिकेचे कर्मचारी, पोलिस तैनात होते. गणपतीबरोबर येणारे निर्माल्य नदीमध्ये फेकले जाऊ नये, यासाठी महापालिकेचे कर्मचारी लोकांना निर्माल्य हौदाजवळ ठेवलेल्या कलशामध्ये ठेवण्याचे आवाहन करीत होते. रात्री दहा वाजेपर्यंत विसर्जन हौदांवर गणेशभक्तांची गर्दी होती.
...
मिरवणुकांमध्ये ढोलच ढोल
गणेश विसर्जन मिरवणुकीमध्ये डीजे, लाउड स्पीकर्सवर बंधने आणल्यामुळे अनेक गणेश मंडळे आणि सोसायट्यांच्या मिरवणुकांनी ढोल ताशाच्या पथकांना सहभागी करून घेतले होते. ढोल पथकांच्या सादरीकरणामुळे उपनगरातील मिरवणुका रेंगाळल्या होत्या. उपनगरांमध्येही लहान मोठ्या गणेश मंडळांसमोर शालेय विद्यार्थी, शहरातील आणि ग्रामीण भागातून आलेली ढोल पथके बघायला मिळाली.
...........
'गणपती बाप्पा मोरया...पुढच्या वर्षी लवकर या' अशी प्रार्थना करून पुणेकरांनी पाच दिवसांच्या मुक्कामासाठी आलेल्या गणपती बाप्पाला निरोप दिला. नदीकाठावर बांधलेले विसर्जन हौद आणि उपनगरातील हौदांवर संध्याकाळनंतर गणेशभक्तांनी गर्दी केली होती. रात्री उशिरापर्यंत गणेशमूर्तींचे विसर्जन सुरू होते.
अनेक घरांमध्ये महालक्ष्मीबरोबर गणपतीचे विसर्जन करण्याची परंपरा असल्यामुळे सोमवारी मोठ्या प्रमाणात घरगुती गणपतींच्या मूर्तींचे मंगलमय वातावरणात विसर्जन करण्यात आले. उपनगरातील काही लहान मंडळे आणि सोसायट्यांमध्ये बसविण्यात आलेल्या गणेशमूर्तींची विसर्जन मिरवणूक काढण्यात आली होती.
मध्यवर्ती पुण्यातील नदी काठ आणि उपनगरातील काही सार्वजनिक ठिकाणी महापालिकेने विसर्जन हौद ठेवले होते. त्यामुळे बहुतांश नागरिकांनी या हौदांमध्ये मूर्ती विसर्जन करण्यास प्राधान्य दिले. नदी किनारी बांधलेल्या हौदांनाही सलग तिसऱ्या वर्षी उल्लेखनीय प्रतिसाद मिळाला. नदीमध्ये मूर्ती विसर्जन करण्याऐवजी लोक आवर्जून हौदाचा पर्याय निवडत होते. सायंकाळी पाचनंतर या हौदांवर वर्दळ सुरू झाली. सातनंतर विसर्जन हौदांवर घरगुती गणेश मूर्ती, सार्वजनिक गणेश मंडळे आणि सोसायट्यांचे गणपती घेऊन एकाचवेळी लोक आल्यामुळे गर्दी झाली होती. गर्दीच्या नियंत्रणासाठी ठिकठिकाणी महापालिकेचे कर्मचारी, पोलिस तैनात होते. गणपतीबरोबर येणारे निर्माल्य नदीमध्ये फेकले जाऊ नये, यासाठी महापालिकेचे कर्मचारी लोकांना निर्माल्य हौदाजवळ ठेवलेल्या कलशामध्ये ठेवण्याचे आवाहन करीत होते. रात्री दहा वाजेपर्यंत विसर्जन हौदांवर गणेशभक्तांची गर्दी होती.
...
मिरवणुकांमध्ये ढोलच ढोल
गणेश विसर्जन मिरवणुकीमध्ये डीजे, लाउड स्पीकर्सवर बंधने आणल्यामुळे अनेक गणेश मंडळे आणि सोसायट्यांच्या मिरवणुकांनी ढोल ताशाच्या पथकांना सहभागी करून घेतले होते. ढोल पथकांच्या सादरीकरणामुळे उपनगरातील मिरवणुका रेंगाळल्या होत्या. उपनगरांमध्येही लहान मोठ्या गणेश मंडळांसमोर शालेय विद्यार्थी, शहरातील आणि ग्रामीण भागातून आलेली ढोल पथके बघायला मिळाली.
...........