म. टा. प्रतिनिधी, पुणे
उंड्री आणि नऱ्हे येथे चोरट्यांनी एक बंगला आणि तीन फ्लॅटमध्ये घरफोडी करून सुमारे पाच लाख रुपयांचा ऐवज चोरून नेला. या प्रकरणी सिंहगड रोड आणि कोंढवा पोलिस ठाण्यात गुन्हा दाखल करण्यात आला आहे. दरम्यान, शहरातील घरफोडीचे प्रकार दररोजच घडत असल्याने ते रोखण्याचे मोठे आव्हान पोलिसांपुढे उभे राहिले आहे.
उंड्री येथील बंगल्याचे ग्रील तोडून अज्ञाताने तीन लाख ३२ हजार रुपयांचा ऐवज चोरून नेल्याचा प्रकार बुधवारी (२९ डिसेंबर) सकाळी सहा वाजता उघडकीस आला. या प्रकरणी जयेश सोळंकी (वय ४७, रा. उंड्री) यांनी कोंढवा पोलिस ठाण्यात तक्रार दिली आहे. त्यावरून अज्ञातावर गुन्हा दाखल केला आहे. अज्ञाताने बंगल्यातील १५ हजार रुपयांची रोकड, चांदीचे शिक्के, सोन्याचे दागिने असा तीन लाख ३२ हजार रुपयाचा ऐवज चोरला. पोलिसांनी दिलेल्या माहितीनुसार, तक्रारदाराचे कुटुंब २८ डिसेंबरला मध्यरात्री बंगल्याचे सर्व दरवाजे, खिडक्या बंद करून पहिल्या मजल्यावरील रूममध्ये झोपले होते. त्या वेळी अज्ञाताने तळमजल्यावरील खिडकीचे लोखंडी ग्रील कापून बंगल्यात प्रवेश केला. तेथील टीव्ही शोकेस, बेडरूममधील कपाट आदी ठिकाणाहून त्याने किमती ऐवज चोरला.
दुसरी घटना सिंहगड रोड पोलिस ठाण्याच्या हद्दीत नऱ्हे परिसरात घडली. येथील एक बंद फ्लॅट फोडून चोरट्यांनी एक लाख ६० हजार रुपये किमतीचे सोन्याचे दागिने चोरी करून नेले. संदीप दत्तात्रय जोशी (४५, रा. शिवसाधना अपार्टमेंट, सिंहगड रोड) यांनी दिलेल्या तक्रारीवरून अज्ञाताविरोधात हा गुन्हा दाखल करण्यात आला आहे. हा प्रकार २८ डिसेंबर रोजी दुपारच्या सुमारास घडला. दरम्यान, याच ठिकाणी असलेल्या अन्य एका सोसायटीत देखील चोरट्यांनी दोन फ्लॅटमध्ये चोरी केली आहे.
..................
उंड्री आणि नऱ्हे येथे चोरट्यांनी एक बंगला आणि तीन फ्लॅटमध्ये घरफोडी करून सुमारे पाच लाख रुपयांचा ऐवज चोरून नेला. या प्रकरणी सिंहगड रोड आणि कोंढवा पोलिस ठाण्यात गुन्हा दाखल करण्यात आला आहे. दरम्यान, शहरातील घरफोडीचे प्रकार दररोजच घडत असल्याने ते रोखण्याचे मोठे आव्हान पोलिसांपुढे उभे राहिले आहे.
उंड्री येथील बंगल्याचे ग्रील तोडून अज्ञाताने तीन लाख ३२ हजार रुपयांचा ऐवज चोरून नेल्याचा प्रकार बुधवारी (२९ डिसेंबर) सकाळी सहा वाजता उघडकीस आला. या प्रकरणी जयेश सोळंकी (वय ४७, रा. उंड्री) यांनी कोंढवा पोलिस ठाण्यात तक्रार दिली आहे. त्यावरून अज्ञातावर गुन्हा दाखल केला आहे. अज्ञाताने बंगल्यातील १५ हजार रुपयांची रोकड, चांदीचे शिक्के, सोन्याचे दागिने असा तीन लाख ३२ हजार रुपयाचा ऐवज चोरला. पोलिसांनी दिलेल्या माहितीनुसार, तक्रारदाराचे कुटुंब २८ डिसेंबरला मध्यरात्री बंगल्याचे सर्व दरवाजे, खिडक्या बंद करून पहिल्या मजल्यावरील रूममध्ये झोपले होते. त्या वेळी अज्ञाताने तळमजल्यावरील खिडकीचे लोखंडी ग्रील कापून बंगल्यात प्रवेश केला. तेथील टीव्ही शोकेस, बेडरूममधील कपाट आदी ठिकाणाहून त्याने किमती ऐवज चोरला.
दुसरी घटना सिंहगड रोड पोलिस ठाण्याच्या हद्दीत नऱ्हे परिसरात घडली. येथील एक बंद फ्लॅट फोडून चोरट्यांनी एक लाख ६० हजार रुपये किमतीचे सोन्याचे दागिने चोरी करून नेले. संदीप दत्तात्रय जोशी (४५, रा. शिवसाधना अपार्टमेंट, सिंहगड रोड) यांनी दिलेल्या तक्रारीवरून अज्ञाताविरोधात हा गुन्हा दाखल करण्यात आला आहे. हा प्रकार २८ डिसेंबर रोजी दुपारच्या सुमारास घडला. दरम्यान, याच ठिकाणी असलेल्या अन्य एका सोसायटीत देखील चोरट्यांनी दोन फ्लॅटमध्ये चोरी केली आहे.
..................