पुणे : निवडणुकीच्या अनुषंगाने चार हजार १५१ जणांवर प्रतिबंधात्मक कारवाई करण्यात आली आहे. या शिवाय पाच आचारसंहिताभंगाचे गुन्हे दाखल झाले असून, ४८ लाखांची रोकड जप्त करण्यात आली आहे, अशी माहिती पोलिस आयुक्त डॉ. के. व्यंकटेशम यांनी सोमवारी दिली. निवडणुकीची आचारसंहिता लागल्यापासून ३१ फ्लाइंग स्कॉड चोवीस तास कार्यरत होते. याच कालावधीत ५८४ अग्निशस्त्रे जप्त करण्यात आली असून, बेकायदा बाळगलेली १० अग्निशस्त्रेही जप्त करण्यात आली आहेत. शहरातील सात हजार २७१ आरोपींची यादी पोलिसांनी तयार केली आहे. यादीतील आरोपींची तपासणी गुन्हे शाखेकडून सुरू करण्यात आली आहे. निवडणुकीच्या अनुषंगाने ६५ जणांवर तडीपारीची कारवाई करण्यात आली आहे. गुन्हेगारी पार्श्वभूमी असलेल्या ७१३ जणांकडून चांगल्या वर्तवणुकीचा बाँड लिहून घेण्यात आला आहे.
चार हजार जणांवरकारवाईचा बडगा
निवडणुकीच्या अनुषंगाने चार हजार १५१ जणांवर प्रतिबंधात्मक कारवाई करण्यात आली आहे...
MT 23 Apr 2019, 4:00 am