म. टा. प्रतिनिधी, पुणे
वाहतूक पोलिसांकडून हेल्मेट न वापरणाऱ्यांवर ‘सीसीटीव्ही’द्वारे कारवाई करताना रिक्षाचालकाला दंड ठोठावल्याची घटना घडलेली असताना, आता एका चारचाकी चालविणाऱ्या महिलेलाही हेल्मेट न घातल्याचा दंड आकारण्यात आला आहे. मात्र, त्यांच्या चारचाकीच्या नोंदणी क्रमाकांचीच दुचाकी रस्त्यावर असल्याने दंडाचा हा गोंधळा झाला असण्याची शक्यता व्यक्त केली जात आहे.
सायली गानू-दाबके यांना हा हेल्मेटचा दंड आकारण्यात आला आहे. त्या चारचाकी वाहन चालवितात. त्यांना मंगळवारी ई-चलन प्राप्त झाले. त्यांनी ई-चलनची लिंक ओपन करून पाहिली असता, त्यामध्ये त्यांना हेल्मेटचा दंड आकारल्याचे दिसून आले. त्यांनी त्यातील ‘इमेज’पर्याय निवडून छायाचित्र डाउनलोड केले. ते पाहून त्यांना धक्काच बसला. त्यांच्या चारचाकी वाहनाचा नोंदणी क्रमांक असलेल्याच नोंदणी क्रमांकाची दुचाकी त्यामध्ये दिसून येत होती. हा प्रकार निदर्शनास आल्यानंतर सायली यांनी जवळच्या वाहतूक विभागाशी संपर्क साधला. मात्र, त्या ठिकाणी अधिकारी उपलब्ध नसल्याने त्या प्रश्नावर तोडगा निघाला नाही.
दरम्यान, चारचाकी आणि दुचाकीचा नोंदणी क्रमांक एकच असल्याने, हेल्मेटचा दंड आकारताना वाहतूक पोलिसांकडून चूक झाली, असे म्हणता येणार नाही. वाहतूक पोलिसांकडे उपलब्ध असलेल्या नोंदीनुसार त्या नोंदणी क्रमांकाला सायली यांचा नंबर जोडला असण्याची शक्यता आहे.
एकाच नंबरच्या दोन गाड्या कशा?
प्रादेशिक परिवहन कार्यालयाकडून वाहनांना नोंदणी क्रमांक दिला जातो. ‘आरटीओ’च्या नोंदीनुसार प्रत्येक वाहनाला स्वतंत्र क्रमांक असतो. त्यामुळे एकाच क्रमांकाची दोन वाहने असूच शकत नाही, अशी माहिती उपप्रादेशिक परिवहन अधिकारी विनोद सगरे यांनी दिली.
एकाच नंबरच्या दोन गाड्या आहेत; याचा अर्थ दुचाकीचा नंबर बनावट आहे. चारचाकीच्या मालकाने कागदपत्रांची पूर्तता केल्यास त्यांच्या नंबरवरील दंड रद्द केला जाईल. तसेच, लेखी तक्रार केल्यास दुचाकी चालकाचा शोध घेऊन विषयाचा सोक्षमोक्षदेखील लावू.
- पंकज देशमुख, उपायुक्त, वाहतूक पोलिस शाखा
वाहतूक पोलिसांकडून हेल्मेट न वापरणाऱ्यांवर ‘सीसीटीव्ही’द्वारे कारवाई करताना रिक्षाचालकाला दंड ठोठावल्याची घटना घडलेली असताना, आता एका चारचाकी चालविणाऱ्या महिलेलाही हेल्मेट न घातल्याचा दंड आकारण्यात आला आहे. मात्र, त्यांच्या चारचाकीच्या नोंदणी क्रमाकांचीच दुचाकी रस्त्यावर असल्याने दंडाचा हा गोंधळा झाला असण्याची शक्यता व्यक्त केली जात आहे.
सायली गानू-दाबके यांना हा हेल्मेटचा दंड आकारण्यात आला आहे. त्या चारचाकी वाहन चालवितात. त्यांना मंगळवारी ई-चलन प्राप्त झाले. त्यांनी ई-चलनची लिंक ओपन करून पाहिली असता, त्यामध्ये त्यांना हेल्मेटचा दंड आकारल्याचे दिसून आले. त्यांनी त्यातील ‘इमेज’पर्याय निवडून छायाचित्र डाउनलोड केले. ते पाहून त्यांना धक्काच बसला. त्यांच्या चारचाकी वाहनाचा नोंदणी क्रमांक असलेल्याच नोंदणी क्रमांकाची दुचाकी त्यामध्ये दिसून येत होती. हा प्रकार निदर्शनास आल्यानंतर सायली यांनी जवळच्या वाहतूक विभागाशी संपर्क साधला. मात्र, त्या ठिकाणी अधिकारी उपलब्ध नसल्याने त्या प्रश्नावर तोडगा निघाला नाही.
दरम्यान, चारचाकी आणि दुचाकीचा नोंदणी क्रमांक एकच असल्याने, हेल्मेटचा दंड आकारताना वाहतूक पोलिसांकडून चूक झाली, असे म्हणता येणार नाही. वाहतूक पोलिसांकडे उपलब्ध असलेल्या नोंदीनुसार त्या नोंदणी क्रमांकाला सायली यांचा नंबर जोडला असण्याची शक्यता आहे.
एकाच नंबरच्या दोन गाड्या कशा?
प्रादेशिक परिवहन कार्यालयाकडून वाहनांना नोंदणी क्रमांक दिला जातो. ‘आरटीओ’च्या नोंदीनुसार प्रत्येक वाहनाला स्वतंत्र क्रमांक असतो. त्यामुळे एकाच क्रमांकाची दोन वाहने असूच शकत नाही, अशी माहिती उपप्रादेशिक परिवहन अधिकारी विनोद सगरे यांनी दिली.
एकाच नंबरच्या दोन गाड्या आहेत; याचा अर्थ दुचाकीचा नंबर बनावट आहे. चारचाकीच्या मालकाने कागदपत्रांची पूर्तता केल्यास त्यांच्या नंबरवरील दंड रद्द केला जाईल. तसेच, लेखी तक्रार केल्यास दुचाकी चालकाचा शोध घेऊन विषयाचा सोक्षमोक्षदेखील लावू.
- पंकज देशमुख, उपायुक्त, वाहतूक पोलिस शाखा