पुणे : काँग्रेस कार्यकर्त्याचा गोळ्या घालून खून केल्याची घटना आज पुणे शहरातील भारती विद्यापीठ पोलीस स्टेशनच्या हद्दीतील चंद्रभागा चौक येथे घडली. समीर मनुर असं खून झालेल्या व्यक्तीचे नाव आहे. भरदिवसा घडलेल्या या घटनेनं शहरात मोठी खळबळ उडवून दिली होती. या हत्येनंतर पोलिसांनी तत्परतेने तपासाची चक्रे फिरवली आणि काही तासांतच एका आरोपीला अटक केली आहे. (Pune Murder Case) पैशांच्या व्यवहारातून हा खून झाल्याचं समोर आलं आहे. खून करणाऱ्या आरोपींमध्ये मृत समीर मनुर यांच्या जुन्या मित्राचाही समावेश आहे. मेहबूब बनोरगी असं ताब्यात घेतलेल्या आरोपीचं नाव असून अन्य दोघांचा पोलीस शोध घेत आहेत.
कोण आहे समीर मनुर?
काँग्रेस पक्षाच्या बारामती लोकसभा मतदारसंघाचे अल्पसंख्यांक अध्यक्ष म्हणून समीर मनुर यांची नुकतीच नियुक्ती करण्यात आली होती. त्याचबरोबर आंबेगाव परिसरातील दत्तनगरमध्ये त्यांच्या जनसंपर्क कार्यालयाचं पुरंदर विधानसभा मतदारसंघाचे काँग्रेस आमदार संजय जगताप यांच्या हस्ते उद्घाटन करण्यात आलं होतं.
भरदिवसा हत्येचा थरार!
पोलिसांनी दिलेल्या माहितीनुसार, समीर महा चहा पिण्यासाठी चंद्रभागा चौकात आला असता तिघांनी दुचाकीवरून येत सहा गोळ्या त्याच्या डोक्यात झाडल्या. या गोळीबारात समीरचा जागीच मृत्यू झाला. आर्थिक देवाणघेवाणीच्या वादातूनच समीरच्या जुन्या मित्रानेच त्याचा खून केल्याचं पोलीस तपासात उघड झालं आहे.
कोण आहे समीर मनुर?
काँग्रेस पक्षाच्या बारामती लोकसभा मतदारसंघाचे अल्पसंख्यांक अध्यक्ष म्हणून समीर मनुर यांची नुकतीच नियुक्ती करण्यात आली होती. त्याचबरोबर आंबेगाव परिसरातील दत्तनगरमध्ये त्यांच्या जनसंपर्क कार्यालयाचं पुरंदर विधानसभा मतदारसंघाचे काँग्रेस आमदार संजय जगताप यांच्या हस्ते उद्घाटन करण्यात आलं होतं.
भरदिवसा हत्येचा थरार!
पोलिसांनी दिलेल्या माहितीनुसार, समीर महा चहा पिण्यासाठी चंद्रभागा चौकात आला असता तिघांनी दुचाकीवरून येत सहा गोळ्या त्याच्या डोक्यात झाडल्या. या गोळीबारात समीरचा जागीच मृत्यू झाला. आर्थिक देवाणघेवाणीच्या वादातूनच समीरच्या जुन्या मित्रानेच त्याचा खून केल्याचं पोलीस तपासात उघड झालं आहे.