‘एफटीआयआय’ राहणार रसिकांसाठी खुली

आमदार विजय काळे यांच्या प्रयत्नांना यश

मटा प्रतिनिधी, पुणे

भारतीय चित्रपट सृष्टी व दूरचित्रवाणीला समृध्द करणारी रत्ने घडविणारी विधी महाविद्यालय रस्त्यावरील ‘फिल्म ऍण्ड टेलिव्हिजन इन्स्टिट्यूट ऑफ इंडिया’ (एफटीआयआय) ही संस्था १७ आणि १८ सप्टेंबरला सकाळी १० ते दुपारी ४ या वेळेत रसिकांना पाहाण्यासाठी विनामूल्य खुली राहणार आहे. यासाठी आमदार विजय काळे व शनिवारवाडा कला महोत्सव समितीने केलेल्या सातत्यपूर्ण प्रयत्नांना यश आले आहे.

आमदार काळे म्हणाले, ‘भारत सरकारच्या माहिती आणि नभोवाणी मंत्रालयाच्या अखत्यारीतील या संस्थेची १९६० मध्ये प्रभात संग‘हालयाच्या जागेवर पुण्यात स्थापना झाली. १९७४ मध्ये दूरचित्रवाणी विभाग दिल्लीतील पुण्यात हलविण्यात आला. चित्रपट आणि दूरचित्रवाणीसाठी आवश्यक तंत्रज्ञ, अभिनेते, दिग्दर्शक घडविण्याचे प्रशिक्षण या संस्थेत दिले जाते. या संस्थेचे कामकाज कसे चालते याबद्दल रसिकांमध्ये उत्सुकता आहे. म्हणूनच शनिवारवाडा कलामहोत्सव समितीच्या माध्यमातून सातत्यपूर्ण पाठपुरावा केला असून, प्रशासनाने वर्षातून दोन दिवस संस्था सर्वांना पाहाण्यासाठी खुली ठेवण्याचे मान्य केले.

काळे पुढे म्हणाले, ‘प्रभात संग‘हालय, चित्रपट निर्मितीचे तंत्रज्ञान, अभिनय, दिग्दर्शन, संपादन, दूरचित्रवाणीचा स्टुडिओ, ध्वनीमुद्रण तंत्रज्ञान याची माहिती पुणेकरांना या निमित्ताने मिळू शकेल. शबाना आझमी, जया बच्चन, जावेद खान, जॉन अब्राहम, कुमार सहानी, मुकेश खन्ना नसिरुद्दीन शहा, रझा मर्दा, ओम पुरी, संजय लीला भन्साळी असे अनेक नामवंत दिग्दर्शक, अभिनेते व तंत्रज्ञ या संस्थेचे माजी विद्यार्थी आहेत.’