पुणे: फिल्म अँड टेलिव्हिजन इन्स्टिट्यूट ऑफ इंडियामध्ये (एफटीआयआय) शेवटच्या वर्षात शिकत असलेल्या विद्यार्थ्याचा मृतदेह वसतिगृहात आढळून आला आहे. आज सकाळी नऊच्या सुमारास अश्विन अनुराग शुक्ला (३२ वर्ष) नावाच्या विद्यार्थ्याचा मृतदेह आढळला. अश्विन शुक्ला गोव्याच्या साल्वाडोर डो मुंडोचा रहिवासी आहे. पोलिसांनी या प्रकरणाचा तपास सुरू केला आहे. अश्विननं आत्महत्या केली असावी असा प्राथमिक अंदाज पोलिसांनी वर्तवला आहे.
आज सकाळी नऊ वाजण्याच्या सुमारास पुणे पोलीस कंट्रोल रूमला एफटीआयआयमधून एक कॉल आला. मुलांच्या जुन्या वसतिगृहातील एक खोली आतून बंद असून आत्महत्येचा प्रकार वाटत असल्याची माहिती पोलिसांना मिळाली. त्यानंतर पोलीस घटनास्थळी पोहोचले. तिथे बी ब्लॉक रूम नंबर एस १२च्या दरवाजावरील खिडकीतून पाहिले असता आतमध्ये अश्विन अनुराग शुक्लाचा मृतदेह आढळून आला.
अश्विननं खिडकीला नायलॉनच्या दोरीने गळफास घेऊन आत्महत्या केली. त्याचा मृतदेह कुजलेल्या अवस्थेत दिसून आला. आतून बंद असलेला दरवाजा अग्निशमन दलाच्या मदतीनं उघडून बॉडी हलवण्याचे काम चालू आहे. प्रथमदर्शनी हा प्रकार गळफास घेऊन आत्महत्या केल्याचा दिसून येत आहे. बाजूच्या रूममध्ये राहणाऱ्या मुलांनी मंगळवारी अश्विनला शेवटचं पाहिल्याचं सांगितलं.
आज सकाळी नऊ वाजण्याच्या सुमारास पुणे पोलीस कंट्रोल रूमला एफटीआयआयमधून एक कॉल आला. मुलांच्या जुन्या वसतिगृहातील एक खोली आतून बंद असून आत्महत्येचा प्रकार वाटत असल्याची माहिती पोलिसांना मिळाली. त्यानंतर पोलीस घटनास्थळी पोहोचले. तिथे बी ब्लॉक रूम नंबर एस १२च्या दरवाजावरील खिडकीतून पाहिले असता आतमध्ये अश्विन अनुराग शुक्लाचा मृतदेह आढळून आला.
अश्विननं खिडकीला नायलॉनच्या दोरीने गळफास घेऊन आत्महत्या केली. त्याचा मृतदेह कुजलेल्या अवस्थेत दिसून आला. आतून बंद असलेला दरवाजा अग्निशमन दलाच्या मदतीनं उघडून बॉडी हलवण्याचे काम चालू आहे. प्रथमदर्शनी हा प्रकार गळफास घेऊन आत्महत्या केल्याचा दिसून येत आहे. बाजूच्या रूममध्ये राहणाऱ्या मुलांनी मंगळवारी अश्विनला शेवटचं पाहिल्याचं सांगितलं.