म. टा. प्रतिनिधी, पुणे
राष्ट्रपिता महात्मा गांधी यांच्याबद्दल फेसबुकवर अश्लील शेरेबाजी करून आक्षेपार्ह फोटो टाकून बदनामी केल्याप्रकरणी खडक पोलिस ठाण्यात गुन्हा दाखल करण्यात आला आहे.
या बाबत काँग्रेसचे माजी आमदार मोहन जोशी यांनी तक्रार दिली आहे. फेसबुकवर 'मेम्स ऑफ महात्मा', 'गांधी मेमेज', महात्मा मेमेचंद' या पेजवरून महात्मा गांधी यांच्याबद्दल अश्लील लिखाण केलेल्या पोस्ट टाकण्यात आल्या आहेत. तसेच, त्यांचे फोटोही शेअर केले आहेत. हा प्रकार गेल्या अनेक दिवसांपासून सुरू आहे. हे पेज चालविणांऱ्याची माहिती काढून त्यांच्यावर कारवाई करावी, यासाठी खडक पोलिस ठाण्यात तक्रार दिली आहे. हे फेसबुक पेज चालकावर गुन्हा दाखल करण्यात आला आहे.