म. टा. प्रतिनिधी, पुणे
ध्वनीक्षेपकाच्या उभारलेल्या मोठ्या भींती, दूरपर्यंत रस्त्यावर पोहोचणाऱ्या विविध रंगाच्या लेझरचा शो आणि गाण्यांच्या तालावर थिरकरणारी तरुणाई, फटाक्यांची आतषबाजी हे कँटोन्मेंटमधील विसर्जन मिरवणुकीचे वैशिष्ट्ये ठरले. मात्र, भाजपचे नगरसेवक विवेक यादव यांच्यावर झालेल्या गोळीबाराने या मिरवणुकीला गालबोट लागल्याने मिरवणुकीत विघ्न आले.
कँटोन्मेंट भागातील भोपळे चौकातून सुरू झालेली मिरवणूक सुमारे सहा तास चालली. मिरवणुकीत सुमारे ६३ मंडळे रस्त्यावर उतरली होती. बहुतांश मंडळे मिरवणूक मार्गात बदल करून अर्ध्या वाटेतून परतली, तर अनेकांनी मंडळाचे गणपतींचे विसर्जन हौदात केले.
लष्करातील मानाचा पहिला गणपती समजला जाणाऱ्या कामाठीपुरा गणेशोत्सव सार्वजनिक मंडळाच्या मिरवणुकीला भोपळे चौकातून संध्याकाळी पावणेसात वाजता प्रारंभ झाला. मंडळाच्या गणरायाची आरती सहायक पोलिस आयुक्त निलेश मोरे, पोलिस निरीक्षक वसंत कुवंर, वैशाली चांदगुडे आणि मंडळाचे अध्यक्ष प्रसाद केदारी यांच्या हस्ते झाली. त्यानंतर शंभूगर्जना पथकाच्या ढोलवादनाला सुरुवात झाली.
कामाठीपुरा मंडळ रस्त्यावर येण्यापूर्वी सेंट्रल स्ट्रीट चौकात काही मंडळे रस्त्यावर आल्याने अचानक मंडळे रस्त्यावर कशी आली यावरून कार्यकर्ते आणि पोलिसांमध्ये बाचाबाची झाली. कामाठीपुरा मंडळासमोर ‘शंभूगर्जना’च्या लहान मुलांनी सादर केलेल्या ताशा वादनाने लक्ष वेधून घेतले. नंतर पापा वस्ताद (गवळी) मंडळाने गुलालाची उधळण करीत आणि लाल रंगाचे कपडे, फेटे परिधान केल्याने मिरवणुकीत रंगत यायला सुरुवात झाली. त्यानंतर एका पाठोपाठ अनेक मंडळे चौकातून पुढे मार्गस्थ झाली.
हिंद तरुण मंडळाने सादर केलेल्या पारंपरिक नृत्याचे सादरीकरण आणि जिम्नॅस्टिक उपस्थितांचे आकर्षण ठरले. मुलींच्या शिक्षणापासून ते अवयवदानापर्यंत अनेक संदेश देणारे फलक लावले होते. नवमहाराष्ट्र व्यायाम मंडळाने काल्पनिक महालाचा देखावा केला होता. या मंडळाची सर्वाधिक सव्वा टन वजनाची श्रींची मूर्ती होती. सुयोग मित्र मंडळ, १०४ वर्षांचे जुने श्रीपाद तरुण मंडळ, नवयुग तरुण मंडळ यांनी काल्पनिक देखावे सादर केले होते. श्रीमंत साईनाथ मंडळाने गणेश महालाचा देखावा केला होता. रात्री आठनंतर महात्मा गांधी रस्त्यावर डीजेचा दणदणाट सुरू झाला. दस्तूर मेहेर मित्र मंडळाने पर्यावरणपूरक उत्सव साजरा केला. नवयुग मंडळ, नवमहाराष्ट्र व्यायाम मंडळ, अशोक चक्र मंडळ, श्रीकृष्ण मंडळ, शिवतेज मंडळ, ताबूत स्ट्रीट मंडळ, दत्त समाज मंडळ, कॉन्वेंट स्ट्रीट मंडळ, कुंभार बावडी मंडळ या मंडळांनी लेझर शो आणि संगीतावर अधिक भर दिला होता. सेंटर स्ट्रीट पोलिस चौकीसमोर रात्री साडेबारा वाजता सुयोग मित्र मंडळ आल्यानंतर या मिरवणुकीची सांगता झाली.
ध्वनीक्षेपकाच्या उभारलेल्या मोठ्या भींती, दूरपर्यंत रस्त्यावर पोहोचणाऱ्या विविध रंगाच्या लेझरचा शो आणि गाण्यांच्या तालावर थिरकरणारी तरुणाई, फटाक्यांची आतषबाजी हे कँटोन्मेंटमधील विसर्जन मिरवणुकीचे वैशिष्ट्ये ठरले. मात्र, भाजपचे नगरसेवक विवेक यादव यांच्यावर झालेल्या गोळीबाराने या मिरवणुकीला गालबोट लागल्याने मिरवणुकीत विघ्न आले.
कँटोन्मेंट भागातील भोपळे चौकातून सुरू झालेली मिरवणूक सुमारे सहा तास चालली. मिरवणुकीत सुमारे ६३ मंडळे रस्त्यावर उतरली होती. बहुतांश मंडळे मिरवणूक मार्गात बदल करून अर्ध्या वाटेतून परतली, तर अनेकांनी मंडळाचे गणपतींचे विसर्जन हौदात केले.
लष्करातील मानाचा पहिला गणपती समजला जाणाऱ्या कामाठीपुरा गणेशोत्सव सार्वजनिक मंडळाच्या मिरवणुकीला भोपळे चौकातून संध्याकाळी पावणेसात वाजता प्रारंभ झाला. मंडळाच्या गणरायाची आरती सहायक पोलिस आयुक्त निलेश मोरे, पोलिस निरीक्षक वसंत कुवंर, वैशाली चांदगुडे आणि मंडळाचे अध्यक्ष प्रसाद केदारी यांच्या हस्ते झाली. त्यानंतर शंभूगर्जना पथकाच्या ढोलवादनाला सुरुवात झाली.
कामाठीपुरा मंडळ रस्त्यावर येण्यापूर्वी सेंट्रल स्ट्रीट चौकात काही मंडळे रस्त्यावर आल्याने अचानक मंडळे रस्त्यावर कशी आली यावरून कार्यकर्ते आणि पोलिसांमध्ये बाचाबाची झाली. कामाठीपुरा मंडळासमोर ‘शंभूगर्जना’च्या लहान मुलांनी सादर केलेल्या ताशा वादनाने लक्ष वेधून घेतले. नंतर पापा वस्ताद (गवळी) मंडळाने गुलालाची उधळण करीत आणि लाल रंगाचे कपडे, फेटे परिधान केल्याने मिरवणुकीत रंगत यायला सुरुवात झाली. त्यानंतर एका पाठोपाठ अनेक मंडळे चौकातून पुढे मार्गस्थ झाली.
हिंद तरुण मंडळाने सादर केलेल्या पारंपरिक नृत्याचे सादरीकरण आणि जिम्नॅस्टिक उपस्थितांचे आकर्षण ठरले. मुलींच्या शिक्षणापासून ते अवयवदानापर्यंत अनेक संदेश देणारे फलक लावले होते. नवमहाराष्ट्र व्यायाम मंडळाने काल्पनिक महालाचा देखावा केला होता. या मंडळाची सर्वाधिक सव्वा टन वजनाची श्रींची मूर्ती होती. सुयोग मित्र मंडळ, १०४ वर्षांचे जुने श्रीपाद तरुण मंडळ, नवयुग तरुण मंडळ यांनी काल्पनिक देखावे सादर केले होते. श्रीमंत साईनाथ मंडळाने गणेश महालाचा देखावा केला होता. रात्री आठनंतर महात्मा गांधी रस्त्यावर डीजेचा दणदणाट सुरू झाला. दस्तूर मेहेर मित्र मंडळाने पर्यावरणपूरक उत्सव साजरा केला. नवयुग मंडळ, नवमहाराष्ट्र व्यायाम मंडळ, अशोक चक्र मंडळ, श्रीकृष्ण मंडळ, शिवतेज मंडळ, ताबूत स्ट्रीट मंडळ, दत्त समाज मंडळ, कॉन्वेंट स्ट्रीट मंडळ, कुंभार बावडी मंडळ या मंडळांनी लेझर शो आणि संगीतावर अधिक भर दिला होता. सेंटर स्ट्रीट पोलिस चौकीसमोर रात्री साडेबारा वाजता सुयोग मित्र मंडळ आल्यानंतर या मिरवणुकीची सांगता झाली.