म. टा. प्रतिनिधी, पुणे
पर्वतीजवळील जनता वसाहत येथे देवीच्या मिरवणुकीत वाद झाल्याच्या कारणावरून मारामारी झाल्याची घटना घडली. तर, वडगाव येथेही पैशाच्या कारणावरून टोळक्याने धुडगूस घातला. याप्रकरणी दत्तवाडी व सिंहगड रोड पोलिस ठाण्यात गुन्हे दाखल करण्यात आले आहेत.
सूरज लोखंडे (वय ३०) यांनी या प्रकरणी तक्रार दिली आहे. लोखंडे, त्यांचे मित्र ऋषिकेश ठोंबरे आणि अन्य काही जण लाखेंडेच्या कार्यालयात बसले होते. त्या वेळी अतीश अनिल झुझम (वय २८), राजू शिवराम गडाम (वय २७) यासह अन्य तिघे तेथे आले. देवीच्या मिरवणुकीमध्ये झालेल्या भांडणाचा राग काढून त्यांनी ठोंबरेला मारहाण केली. लोखंडेने ही भांडणे सोडविण्याचा प्रयत्न केला असता, त्याला शिवीगाळ करून कोयत्याचा धाक दाखवला. याप्रकरणी झुझम, गडामला अटक केली आहे. पुढील तपास उपनिरीक्षक इनामदार करत आहेत.
वडगाव बुद्रुक येथे पैशाच्या देवाण-घेवाणवरून झालेल्या वादात एकाला मारहाण केल्याप्रकरणी सात जणांवर गुन्हा दाखल करून अटक केली आहे. ही घटना रविवारी रात्री स्वराज हॉटेल येथे घडली. रमेश सुरेश कोळी (वय २६), दुर्गा बाबू महाते (वय २९), गणेश कैलास निवंगुणे (वय २७), सचिन बबन कामटे (वय ३२) अशी अटक केलेल्या चौघांची नावे आहेत. गणेश चंद्रकांत दांगट (वय ३५), तुषार शामराव शेलार (वय २८), विकास राजेंद्र चावडी (वय २४, सर्व रा. वडगाव बद्रुक) यांचा शोध सुरू आहे. रमाकांत संखे (वय ६४, रा. नवी मुंबई) यांनी तक्रार तक्रार दिली आहे. पुढील तपास उपनिरीक्षक गिरीष सोनवणे करत आहेत.
पर्वतीजवळील जनता वसाहत येथे देवीच्या मिरवणुकीत वाद झाल्याच्या कारणावरून मारामारी झाल्याची घटना घडली. तर, वडगाव येथेही पैशाच्या कारणावरून टोळक्याने धुडगूस घातला. याप्रकरणी दत्तवाडी व सिंहगड रोड पोलिस ठाण्यात गुन्हे दाखल करण्यात आले आहेत.
सूरज लोखंडे (वय ३०) यांनी या प्रकरणी तक्रार दिली आहे. लोखंडे, त्यांचे मित्र ऋषिकेश ठोंबरे आणि अन्य काही जण लाखेंडेच्या कार्यालयात बसले होते. त्या वेळी अतीश अनिल झुझम (वय २८), राजू शिवराम गडाम (वय २७) यासह अन्य तिघे तेथे आले. देवीच्या मिरवणुकीमध्ये झालेल्या भांडणाचा राग काढून त्यांनी ठोंबरेला मारहाण केली. लोखंडेने ही भांडणे सोडविण्याचा प्रयत्न केला असता, त्याला शिवीगाळ करून कोयत्याचा धाक दाखवला. याप्रकरणी झुझम, गडामला अटक केली आहे. पुढील तपास उपनिरीक्षक इनामदार करत आहेत.
वडगाव बुद्रुक येथे पैशाच्या देवाण-घेवाणवरून झालेल्या वादात एकाला मारहाण केल्याप्रकरणी सात जणांवर गुन्हा दाखल करून अटक केली आहे. ही घटना रविवारी रात्री स्वराज हॉटेल येथे घडली. रमेश सुरेश कोळी (वय २६), दुर्गा बाबू महाते (वय २९), गणेश कैलास निवंगुणे (वय २७), सचिन बबन कामटे (वय ३२) अशी अटक केलेल्या चौघांची नावे आहेत. गणेश चंद्रकांत दांगट (वय ३५), तुषार शामराव शेलार (वय २८), विकास राजेंद्र चावडी (वय २४, सर्व रा. वडगाव बद्रुक) यांचा शोध सुरू आहे. रमाकांत संखे (वय ६४, रा. नवी मुंबई) यांनी तक्रार तक्रार दिली आहे. पुढील तपास उपनिरीक्षक गिरीष सोनवणे करत आहेत.