म. टा. प्रतिनिधी, पुणे
गणरायाच्या आगमनाला अवघे पंधरा दिवस राहिल्याने रविवारी नागरिकांनी सु्ट्टीचा मुहूर्त साधून उत्सवाच्या खरेदीला सुरुवात केली. गणरायाच्या मूर्तीच्या बुकिंगसाठी मध्यवर्ती पुण्यासह उपनगरांतील स्टॉलवर दिवसभर नागरिकांची वर्दळ होती.
करोनाचा प्रादुर्भाव रोखण्यासाठी बाजारपेठांच्या वेळांवर बंधने घालण्यात आली आहेत. आठवडाभर दुकाने सायंकाळी सात वाजता बंद होत आहेत. दर वर्षी ऑफिस सुटल्यानंतर गणपतीच्या मूर्तीचे बुकिंग आणि सजावटीच्या खरेदीसाठी गर्दी केली जात असे. यंदा संध्याकाळी खरेदी करणे शक्य नसल्याने रविवारी सकाळीच अनेक नागरिकांनी मूर्ती बुकिंग आणि इतर खरेदीसाठी बाहेर पडले. पावसानेही उघडीप दिल्यामुळे मूर्तींचे स्टॉल आणि सजावट साहित्याच्या दुकानांमध्ये वर्दळ वाढली होती.
सार्वजनिक ठिकाणी सुरक्षित अंतराच्या नियमांचे पालन व्हावे, यासाठी प्रशासनाने यंदा रस्त्यावरील मूर्तींच्या स्टॉलला बंदी केली आहे. त्यामुळे मूर्ती मर्यादित प्रमाणात उपलब्ध आहेत. उशिरा बुकिंग केल्यास मनपसंत मूर्ती मिळणार नाही, या काळजीने लोकांनी रविवारी स्टॉल गाठले. नागरिकांनी घरीच गणेश मूर्तीचे विसर्जन करावे, असे आवाहन सरकारने केले असल्यामुळे यंदा शाडूच्या मूर्तींना मागणी वाढली आहे. 'मूर्तींचे घरात विसर्जन करायचे आहे, त्यामुळे पर्यावरणपूरकच मूर्ती आहे ना याची विचारणा ग्राहक आवर्जून करीत आहेत. प्रतिकूल परिस्थितीतही कारागिरांनी सुबक मूर्ती साकारल्या आहेत,' अशी माहिती श्री सिझनल्सचे दीपक हंचाटे यांनी दिली.
लॉकडाउनच्या नियमांचे पालन करून पेणसह इतर भागांतून मूर्ती आणण्यासाठी विक्रेत्यांना यंदा खूप उठाठेव करावी लागली आहे. परिणामी मूर्तीच्या किंमतीही वाढविण्यात आल्या आहेत. शाडूच्या, संपूर्ण पर्यावरणपूरक गणेश मूर्ती पाचशे रुपयांपासून पुढे उपलब्ध आहेत.
मूर्ती लवकर घरी नेण्याचे आवाहन
गणेशोत्सवाच्या पूर्वसंध्येला मूर्ती घरी नेण्यासाठी भाविक मोठ्या संख्येने दुकानात गर्दी करतात. यंदा सुरक्षित अंतराचा नियम लक्षात घेऊन विक्रेते ग्राहकांना मूर्ती आठ दिवस आधीच घेऊन जाण्याचे आवाहन करीत आहेत. काही स्टॉलधारकांनी ग्राहकांना घरपोच मूर्ती आणून देण्याची व्यवस्था केली आहे. तसेच, काही विक्रेत्यांनी मूर्तींचे कॅटलॉग केले असून, सोशल मीडियावर प्रसिद्ध केले आहेत. घरी बसूनही गणपतीची मूर्तींची नोंदणी करण्याची सुविधा उपलब्ध करण्यात आली आहे.
पूजा साहित्यही घरपोच
श्रावण महिन्यात अनेक घरात सत्यनारायणाची पूजा करतात. तर काही मंडळी गणेशोत्सवात सत्यनारायणाची पूजा करतात. दुकानात लोकांनी या साहित्यासाठी गर्दी करु नये, यासाठी पूजा साहित्य विक्री करणाऱयांनी सत्यारायण पूजा, गणेशोत्सव पूजेसाठी लागणाऱया साहित्याचे संच तयार केले आहेत. सोशल मीडिया, व्हॉट्स अप ग्रुपवर माहितीपत्रक प्रसिद्ध केली असून ग्राहकांकडून या संचाच्या ऑनलाइन ऑर्डर घेत आहेत. धूप, उदबत्ती, फुलवाती, चंदन पावडर, वस्रमाळ यांसह सर्व प्रकराचे पूजा साहित्य लॉकडाउनमुळे घरपोच उपलब्ध झाले आहे.
गणरायाच्या आगमनाला अवघे पंधरा दिवस राहिल्याने रविवारी नागरिकांनी सु्ट्टीचा मुहूर्त साधून उत्सवाच्या खरेदीला सुरुवात केली. गणरायाच्या मूर्तीच्या बुकिंगसाठी मध्यवर्ती पुण्यासह उपनगरांतील स्टॉलवर दिवसभर नागरिकांची वर्दळ होती.
करोनाचा प्रादुर्भाव रोखण्यासाठी बाजारपेठांच्या वेळांवर बंधने घालण्यात आली आहेत. आठवडाभर दुकाने सायंकाळी सात वाजता बंद होत आहेत. दर वर्षी ऑफिस सुटल्यानंतर गणपतीच्या मूर्तीचे बुकिंग आणि सजावटीच्या खरेदीसाठी गर्दी केली जात असे. यंदा संध्याकाळी खरेदी करणे शक्य नसल्याने रविवारी सकाळीच अनेक नागरिकांनी मूर्ती बुकिंग आणि इतर खरेदीसाठी बाहेर पडले. पावसानेही उघडीप दिल्यामुळे मूर्तींचे स्टॉल आणि सजावट साहित्याच्या दुकानांमध्ये वर्दळ वाढली होती.
सार्वजनिक ठिकाणी सुरक्षित अंतराच्या नियमांचे पालन व्हावे, यासाठी प्रशासनाने यंदा रस्त्यावरील मूर्तींच्या स्टॉलला बंदी केली आहे. त्यामुळे मूर्ती मर्यादित प्रमाणात उपलब्ध आहेत. उशिरा बुकिंग केल्यास मनपसंत मूर्ती मिळणार नाही, या काळजीने लोकांनी रविवारी स्टॉल गाठले. नागरिकांनी घरीच गणेश मूर्तीचे विसर्जन करावे, असे आवाहन सरकारने केले असल्यामुळे यंदा शाडूच्या मूर्तींना मागणी वाढली आहे. 'मूर्तींचे घरात विसर्जन करायचे आहे, त्यामुळे पर्यावरणपूरकच मूर्ती आहे ना याची विचारणा ग्राहक आवर्जून करीत आहेत. प्रतिकूल परिस्थितीतही कारागिरांनी सुबक मूर्ती साकारल्या आहेत,' अशी माहिती श्री सिझनल्सचे दीपक हंचाटे यांनी दिली.
लॉकडाउनच्या नियमांचे पालन करून पेणसह इतर भागांतून मूर्ती आणण्यासाठी विक्रेत्यांना यंदा खूप उठाठेव करावी लागली आहे. परिणामी मूर्तीच्या किंमतीही वाढविण्यात आल्या आहेत. शाडूच्या, संपूर्ण पर्यावरणपूरक गणेश मूर्ती पाचशे रुपयांपासून पुढे उपलब्ध आहेत.
मूर्ती लवकर घरी नेण्याचे आवाहन
गणेशोत्सवाच्या पूर्वसंध्येला मूर्ती घरी नेण्यासाठी भाविक मोठ्या संख्येने दुकानात गर्दी करतात. यंदा सुरक्षित अंतराचा नियम लक्षात घेऊन विक्रेते ग्राहकांना मूर्ती आठ दिवस आधीच घेऊन जाण्याचे आवाहन करीत आहेत. काही स्टॉलधारकांनी ग्राहकांना घरपोच मूर्ती आणून देण्याची व्यवस्था केली आहे. तसेच, काही विक्रेत्यांनी मूर्तींचे कॅटलॉग केले असून, सोशल मीडियावर प्रसिद्ध केले आहेत. घरी बसूनही गणपतीची मूर्तींची नोंदणी करण्याची सुविधा उपलब्ध करण्यात आली आहे.
पूजा साहित्यही घरपोच
श्रावण महिन्यात अनेक घरात सत्यनारायणाची पूजा करतात. तर काही मंडळी गणेशोत्सवात सत्यनारायणाची पूजा करतात. दुकानात लोकांनी या साहित्यासाठी गर्दी करु नये, यासाठी पूजा साहित्य विक्री करणाऱयांनी सत्यारायण पूजा, गणेशोत्सव पूजेसाठी लागणाऱया साहित्याचे संच तयार केले आहेत. सोशल मीडिया, व्हॉट्स अप ग्रुपवर माहितीपत्रक प्रसिद्ध केली असून ग्राहकांकडून या संचाच्या ऑनलाइन ऑर्डर घेत आहेत. धूप, उदबत्ती, फुलवाती, चंदन पावडर, वस्रमाळ यांसह सर्व प्रकराचे पूजा साहित्य लॉकडाउनमुळे घरपोच उपलब्ध झाले आहे.