अ‍ॅपशहर

गिरीप्रेमींसाठी इंटरनॅशनलमाउंटन डे फेस्टिव्हल

साहसी खेळात गिर्यारोहणालाही आता मानाचे स्थान मिळू लागले आहे. डोंगरात जाणे ही शारीरिक आणि मानसिक आरोग्यासाठीही किती महत्त्वाची गोष्टी आहे, हे आजच्या पिढीला कळले आहे. हाच विचार अधिकाधिक लोकांपर्यंत पोहोचवण्यासाठी तसेच पर्वत वाचवणे या मोहीमेला हातभार लावण्याच्या हेतूने गार्डियन गिरीप्रेमी इन्स्टिट्यूट ऑफ माउंटेनिअर्सने २ ते ११ डिसेंबर या कालावधीत ‘इंटरनॅशनल माउंटन डे फेस्टिव्हल’ या उपक्रमाचे आयोजन केले आहे. ‘इंटरनॅशनल माउंटन डे’चे औचित्य साधून हा फेस्टिव्हल होत आहे.

Maharashtra Times 28 Nov 2017, 11:34 pm
येत्या २ ते ११ डिसेंबरमध्ये विविध उपक्रम
महाराष्ट्र टाइम्स.कॉम giripremi mountain festival giripremi pune
गिरीप्रेमींसाठी इंटरनॅशनलमाउंटन डे फेस्टिव्हल

म. टा. प्रतिनिधी, पुणे
साहसी खेळात गिर्यारोहणालाही आता मानाचे स्थान मिळू लागले आहे. डोंगरात जाणे ही शारीरिक आणि मानसिक आरोग्यासाठीही किती महत्त्वाची गोष्टी आहे, हे आजच्या पिढीला कळले आहे. हाच विचार अधिकाधिक लोकांपर्यंत पोहोचवण्यासाठी तसेच पर्वत वाचवणे या मोहीमेला हातभार लावण्याच्या हेतूने गार्डियन गिरीप्रेमी इन्स्टिट्यूट ऑफ माउंटेनिअर्सने २ ते ११ डिसेंबर या कालावधीत ‘इंटरनॅशनल माउंटन डे फेस्टिव्हल’ या उपक्रमाचे आयोजन केले आहे. ‘इंटरनॅशनल माउंटन डे’चे औचित्य साधून हा फेस्टिव्हल होत आहे.
‘महाराष्ट्र टाइम्स’ कल्चर क्लब या फेस्टिव्हलचा कल्चरल पार्टनर आहे. या आगळ्या-वेगळ्या फेस्टिव्हलचा श्रीगणेशा २ डिसेंबरला संध्याकाळी सहा वाजता गरवारे कॉलेजमध्ये होणार आहे. या वेळी गिर्यारोहणावरचा विशेष फिल्म शो आयोजिण्यात आला आहे. ३ डिसेंबरला ड्यूक्सनोज ते उंबरखिंड इथे ट्रेकिंगचे आयोजन करण्यात आले असून, हा उपक्रम सशुल्क आणि नावनोंदणी आवश्यक असणारा आहे. ३ डिसेंबरलाच रॉक क्लाइंबिग अर्थातच प्रस्तरारोहण, त्यातले बारकावे, उपकरणे याची माहिती घेण्याची संधी ड्यूक्स नोज (नागफणी, खंडाळा) इथे जाणून घेता येणार आहे. गिरीप्रेमीची टीम रॉक क्लाइंबिंग करणार असून इच्छूकांना ते पाहण्याची संधी मिळणार आहे.
या फेस्टिव्हलमध्ये छायाचित्र स्पर्धेचेही आयोजन करण्यात आले आहे. ४ ते ९ डिसेंबर या कालावधीत ही ऑनलाइन छायाचित्र स्पर्धा होणार आहे.
..
‘माउंटन रन’साठी हवी नोंदणी
१० डिसेंबरला ‘माउंटन रन’ होणार असून गोखलेनगर इथल्या फॉरेस्ट भवनच्या आवारातून सकाळी सहा वाजता हिमालयातल्या शेर्पांच्या उपस्थितीत त्याचा फ्लॅगऑफ होईल. त्यात सहभागी होण्यासाठी नावनोंदणी करणे आवश्यक असणार आहे. ११ डिसेंबरला वर्ल्ड माउंटन डे निमित्त सकाळी ७ वाजता हनुमान टेकडी इथे माउंटन पूजा होऊन या उपक्रमाचा समारोप होणार आहे. ट्रेकिंग वगळता इतर सगळे उपक्रम सर्वांसाठी विनामूल्य खुले असणार आहेत. अधिक माहितीसाठी ९७६६९२७५८५ आणि ९७६९३०२९३४ या क्रमांकावर संपर्क साधावा.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज