म. टा. प्रतिनिधी, पुणे
लोहगाव येथील विमानतळाला संतश्रेष्ठ तुकाराम महाराज यांचे नाव देण्यात यावे, अशी मागणी शिवसेनेच्या वतीने करण्यात आली आहे. संत तुकाराम महाराजांचे आजोळ असणारे लोहगाव हे छत्रपती शिवाजी महाराज आणि तुकाराम महाराज यांच्या भेटीचेही स्थान आहे. हे ठिकाण त्यांच्या नावाने ओळखले जावे, अशी अपेक्षा व्यक्त करण्यात आली. लोहगाव येथील संत तुकाराम महाराज मंदिरात झालेल्या या परिषदेवेळी आनंद गोयल, उदय सामंत, बंडा कराडकर, महादेव बाबर, संजय भोसले, सचिन खांदवे, सोमनाथ खांदवे उपस्थित होते.
..........
फुले दाम्पत्यास भारतरत्न द्या
समाजसुधारक महात्मा फुले आणि पहिल्या भारतीय शिक्षिका सावित्रीबाई फुले या दाम्पत्याला 'भारतरत्न' सन्मान देण्यात यावा, यासाठी फुलेप्रेमींनी महास्वाक्षरी अभियान सुरू केले आहे. सावित्रीबाई फुले राष्ट्रीय जागृती मंचातर्फे हे अभियान राबवण्यात येत आहे. या वेळी आमदार मोहन जोशी, पुष्पा कटारिया, आदित्य रासकर, मंदार जोशी आदी उपस्थित होते.
..........
उपयुक्त वस्तूंचे वाटप
महात्मा फुले आणि डॉ. बाबासाहेब आंबेडकर यांच्या जयंती प्रीत्यर्थ लोकशाहीर अण्णा भाऊ साठे प्रतिष्ठान आणि युनिकेअर हेल्थ सेंटरच्या वतीने दांडेकर पूल परिसरातील विद्यार्थ्यांना 'महामानव', 'धम्मपद', 'अण्णा भाऊ साठे गौरव ग्रंथ', वही-पेन या साहित्याचे वाटप केले. तसेच आरोग्य शिबिराचे आयोजन करण्यात आले. या प्रसंगी राम पालके, आशिष कांटे, तानाजी ताकपेरे, अनिल पाटील उपस्थित होते.
...............