म. टा. प्रतिनिधी, पुणे सोन्यावर लादण्यात आलेल्या उत्पादन शुल्काविरोधातील सराफ व्यावसायिकांचा बेमुदत बंद सुरूच राहणार आहे. आज, मंगळवारी नवी दिल्लीत सराफ व्यावसायिकांच्या सर्व संघटनांच्या पदाधिकाऱ्यांची बैठक होणार आहे. या बैठकीत बंदची पुढील दिशा ठरविण्यात येणार आहे. दरम्यान, सध्या गुढी पाडव्यालाही दुकाने बंदच ठेवण्याचा निर्णय सराफ व्यावसायिकांनी घेतला आहे. महाराष्ट्र राज्य सराफ सुवर्णकार फेडरेशनच्या कार्यकारिणीची बैठक सोमवारी पुण्यात झाली. फेडरेशनचे अध्यक्ष फत्तेचंद रांका, उपाध्यक्ष प्रेम झांबड आणि राज्यभरातील कार्यकारिणी सदस्य या बैठकीत सहभागी झाले होते. या बैठकीत संपादरम्यान करण्यात आलेल्या निदर्शने व आंदोलनाचा आढावा घेण्यात आला. सोन्यावर लादण्यात आलेले अन्यायकारक उत्पादन शुल्क रद्द करेपर्यंत संप मागे न घेण्याचा निर्धार सराफांनी केला आहे. मंगळवारी दिल्लीत देशभरातील सर्व सराफ संघटनांच्या प्रतिनिधींची बैठक होणार आहे. त्यामध्ये आंदोलनाची दिशा ठरविण्यात येईल. त्यानंतर बुधवारी पुण्यात महाराष्ट्र राज्य फेडरेशनच्या कार्यकारिणीची बैठक होईल. त्यामध्ये दिल्लीतील बैठकीची माहिती दिली जाईल, असे रांका यांनी सांगितले. दरम्यान, ‘उत्पादन शुल्काचा निर्णय रद्द न झाल्यास गुढीपाडवा हा सण साधेपणाने साजरा करण्यात येईल. या दिवशीही दुकाने सुरू करण्यात येऊ नयेत, अशीच सराफ व्यावसायिकांची भावना आहे,’ असेही रांका यांनी सांगितले.
सराफांचा बंद सुरूच राहणार
सोन्यावर लादण्यात आलेल्या उत्पादन शुल्काविरोधातील सराफ व्यावसायिकांचा बेमुदत बंद सुरूच राहणार आहे. आज, मंगळवारी नवी दिल्लीत सराफ व्यावसायिकांच्या सर्व संघटनांच्या पदाधिकाऱ्यांची बैठक होणार आहे. या बैठकीत बंदची पुढील दिशा ठरविण्यात येणार आहे. दरम्यान, सध्या गुढी पाडव्यालाही दुकाने बंदच ठेवण्याचा निर्णय सराफ व्यावसायिकांनी घेतला आहे.
महाराष्ट्र टाइम्स.कॉम 5 Apr 2016, 4:33 am