Harsh.Dudhe@timesgroup.com
Tweet : @HarshDudheMT
पुणे : शैक्षणिक क्षेत्रात गेली सहा दशके नावाजलेल्या शासकीय तंत्रनिकेतनाची (गव्हर्न्मेंट पॉलिटेक्निक पुणे - जीपीपी) चतुःशृंगी येथील जागा ताब्यात घेण्याचा पुणे महानगर प्रादेशिक विकास प्राधिकरणाचा (पीएमआरडीए) प्रस्ताव आहे. शिवाजीनगर ते हिंजवडी मेट्रो मार्गाचे स्टेशन उभारण्यासाठी किंवा मुंबईतील वांद्रे-कुर्ला संकुलाच्या धर्तीवर व्यावसायिक दृष्ट्या विकसित करण्यासाठी या जागेचा वापर करण्याचे ‘पीएमआरडीए’ने ठरविले आहे. या प्रस्तावास मान्यता मिळाल्यास पॉलिटेक्निक अन्यत्र स्थलांतरित करण्यात येणार आहे. नव्या पॉलिटेक्निकसाठी कृषी महाविद्यालयाच्या जागेचा विचार सुरू आहे.
‘पीएमआरडीए’च्या वतीने हिंजवडी ते शिवाजीनगर २३.३३ किलोमीटरचा मेट्रोमार्ग उभारण्यात येणार आहे. यासाठी ७९४७ कोटी रुपयांचा खर्च अपेक्षित आहे. या मार्गाचा विकास आराखडा मंजूर झाला असून त्यानुसार येत्या मार्चमध्ये काम सुरू होणार आहे. आरखड्यानुसार मार्गावर एकूण २३ स्टेशन उभारण्यात येणार आहेत. त्यांपैकी आरबीआय, कृषी महाविद्यालय, शिवाजीनगर हे तीन स्टेशन पॉलिटेक्निकच्या परिसरात आहेत. सध्या पॉलिटेक्निक एकूण २८ एकर जागेत आहे. त्या जागेत मेट्रो शॉपिंग कॉम्पलेक्सची मोठी इमारत उभारण्याचा किंवा या जागेच्या व्यावसायिक वापराचा विचार असून, ही जागा मेट्रो प्रकल्पासाठी द्यावी, असे पत्र पीएमआरडीएने पाठविल्याची माहिती सूत्रांनी ‘महाराष्ट्र टाइम्स’ला शनिवारी दिली.
असे झाल्यास पॉलिटेक्निककडे केवळ मैदानालगतचे स्टाफ क्वॉर्टर्स आणि ई-स्क्वेअरच्या बाजूच्या जागेत असणारे दोन इंजिनीअरिंगचे विभाग एवढीच जागा राहणार आहे. अशा परिस्थितीत पॉलिटेक्निक चालविणे अशक्य होईल. त्यानुसार राज्याच्या उच्च व तंत्र शिक्षण विभागाने पॉलिटेक्निक औंध आयटीआयच्या मैदानात उभारण्याबाबत विचार करण्याच्या सूचना दिल्या होत्या. त्यानुसार डीटीईचे सहसंचालक डॉ. डी. आर. नंदनवार यांनी औंध येथील आयटीआयच्या जागेची पाहणी केली होती. ‘आयटीआयमध्ये पुरेशी जागा नसून मैदानात उच्चदाब वीजवाहिनी आहे. त्यामुळे आयटीआयमध्ये नवे पॉलिटेक्निक उभारता येणार नाही. त्या पार्श्वभूमीवर कृषी महाविद्यालयात १० एकर परिसराचा पर्याय पुढे आला,’ असे सूत्रांनी नमूद केले.
कृषी महाविद्यालय मध्यवर्ती असून तेथे मेट्रोचे स्टेशन प्रस्तावित आहे. त्यालगतच येथे पॉलिटेक्निक उभारण्याचा प्रस्ताव डीटीईने पाठविला आहे. ही संपूर्ण इमारत पीएमआरडीए उभारणार असल्याचे डीटीईच्या अधिकाऱ्यांनी सांगितले.
‘प्रस्ताव सरकारकडे’
मेट्रोच्या उभारणीत पॉलिटेक्निकची जागा जाणार आहे. उरलेल्या जागेत पॉलिटेक्निक चालविणे अशक्य आहे. त्यामुळे राज्य सकारच्या सूचनेनुसार औंध आयटीआयमधील जागेची पाहणी केली. मात्र, तेथे पॉलिटेक्निक उभारण्यासाठी पुरेशी जागा उपलब्ध नाही. कृषी महाविद्यालाच्या आवारातील मोकळ्या पॉलिटेक्निक उभारण्यात येऊ शकते, असा प्रस्ताव सरकारला पाठविला आहे. नवीन सुसज्ज इमारत तयार होऊन आमच्या ताब्यात येईपर्यत पॉलिटेक्निक स्थलांतरीत होणार नाही.
- डॉ. डी. आर. नंदनवार, सहसंचालक, डीटीई, पुणे
‘निधीचा अन्य प्रकल्पांसाठी वापर’
‘मेट्रो’साठी बालेवाडीच्या केटरिंग कॉलेजच्या १५ एकर जागेची मागणी केली आहे. तर, माण येथे जागा घेतली आहे. गव्हर्न्मेंट पॉलिटेक्निक आणि कृषी महाविद्यालयातील जागांचा मेट्रोशी संबंध नाही. या जागा व्यावसायिक दृष्ट्या विकसित करून त्यातील निधीचा अन्य प्रकल्पांसाठी वापर करता येईल. कृषी महाविद्यालयाच्या गणेशखिंड रस्त्याला लागून असणाऱ्या जागेची मागणी केली आहे.
किरण गित्ते, आयुक्त, पीएमआरडीए
Tweet : @HarshDudheMT
पुणे : शैक्षणिक क्षेत्रात गेली सहा दशके नावाजलेल्या शासकीय तंत्रनिकेतनाची (गव्हर्न्मेंट पॉलिटेक्निक पुणे - जीपीपी) चतुःशृंगी येथील जागा ताब्यात घेण्याचा पुणे महानगर प्रादेशिक विकास प्राधिकरणाचा (पीएमआरडीए) प्रस्ताव आहे. शिवाजीनगर ते हिंजवडी मेट्रो मार्गाचे स्टेशन उभारण्यासाठी किंवा मुंबईतील वांद्रे-कुर्ला संकुलाच्या धर्तीवर व्यावसायिक दृष्ट्या विकसित करण्यासाठी या जागेचा वापर करण्याचे ‘पीएमआरडीए’ने ठरविले आहे. या प्रस्तावास मान्यता मिळाल्यास पॉलिटेक्निक अन्यत्र स्थलांतरित करण्यात येणार आहे. नव्या पॉलिटेक्निकसाठी कृषी महाविद्यालयाच्या जागेचा विचार सुरू आहे.
‘पीएमआरडीए’च्या वतीने हिंजवडी ते शिवाजीनगर २३.३३ किलोमीटरचा मेट्रोमार्ग उभारण्यात येणार आहे. यासाठी ७९४७ कोटी रुपयांचा खर्च अपेक्षित आहे. या मार्गाचा विकास आराखडा मंजूर झाला असून त्यानुसार येत्या मार्चमध्ये काम सुरू होणार आहे. आरखड्यानुसार मार्गावर एकूण २३ स्टेशन उभारण्यात येणार आहेत. त्यांपैकी आरबीआय, कृषी महाविद्यालय, शिवाजीनगर हे तीन स्टेशन पॉलिटेक्निकच्या परिसरात आहेत. सध्या पॉलिटेक्निक एकूण २८ एकर जागेत आहे. त्या जागेत मेट्रो शॉपिंग कॉम्पलेक्सची मोठी इमारत उभारण्याचा किंवा या जागेच्या व्यावसायिक वापराचा विचार असून, ही जागा मेट्रो प्रकल्पासाठी द्यावी, असे पत्र पीएमआरडीएने पाठविल्याची माहिती सूत्रांनी ‘महाराष्ट्र टाइम्स’ला शनिवारी दिली.
असे झाल्यास पॉलिटेक्निककडे केवळ मैदानालगतचे स्टाफ क्वॉर्टर्स आणि ई-स्क्वेअरच्या बाजूच्या जागेत असणारे दोन इंजिनीअरिंगचे विभाग एवढीच जागा राहणार आहे. अशा परिस्थितीत पॉलिटेक्निक चालविणे अशक्य होईल. त्यानुसार राज्याच्या उच्च व तंत्र शिक्षण विभागाने पॉलिटेक्निक औंध आयटीआयच्या मैदानात उभारण्याबाबत विचार करण्याच्या सूचना दिल्या होत्या. त्यानुसार डीटीईचे सहसंचालक डॉ. डी. आर. नंदनवार यांनी औंध येथील आयटीआयच्या जागेची पाहणी केली होती. ‘आयटीआयमध्ये पुरेशी जागा नसून मैदानात उच्चदाब वीजवाहिनी आहे. त्यामुळे आयटीआयमध्ये नवे पॉलिटेक्निक उभारता येणार नाही. त्या पार्श्वभूमीवर कृषी महाविद्यालयात १० एकर परिसराचा पर्याय पुढे आला,’ असे सूत्रांनी नमूद केले.
कृषी महाविद्यालय मध्यवर्ती असून तेथे मेट्रोचे स्टेशन प्रस्तावित आहे. त्यालगतच येथे पॉलिटेक्निक उभारण्याचा प्रस्ताव डीटीईने पाठविला आहे. ही संपूर्ण इमारत पीएमआरडीए उभारणार असल्याचे डीटीईच्या अधिकाऱ्यांनी सांगितले.
‘प्रस्ताव सरकारकडे’
मेट्रोच्या उभारणीत पॉलिटेक्निकची जागा जाणार आहे. उरलेल्या जागेत पॉलिटेक्निक चालविणे अशक्य आहे. त्यामुळे राज्य सकारच्या सूचनेनुसार औंध आयटीआयमधील जागेची पाहणी केली. मात्र, तेथे पॉलिटेक्निक उभारण्यासाठी पुरेशी जागा उपलब्ध नाही. कृषी महाविद्यालाच्या आवारातील मोकळ्या पॉलिटेक्निक उभारण्यात येऊ शकते, असा प्रस्ताव सरकारला पाठविला आहे. नवीन सुसज्ज इमारत तयार होऊन आमच्या ताब्यात येईपर्यत पॉलिटेक्निक स्थलांतरीत होणार नाही.
- डॉ. डी. आर. नंदनवार, सहसंचालक, डीटीई, पुणे
‘निधीचा अन्य प्रकल्पांसाठी वापर’
‘मेट्रो’साठी बालेवाडीच्या केटरिंग कॉलेजच्या १५ एकर जागेची मागणी केली आहे. तर, माण येथे जागा घेतली आहे. गव्हर्न्मेंट पॉलिटेक्निक आणि कृषी महाविद्यालयातील जागांचा मेट्रोशी संबंध नाही. या जागा व्यावसायिक दृष्ट्या विकसित करून त्यातील निधीचा अन्य प्रकल्पांसाठी वापर करता येईल. कृषी महाविद्यालयाच्या गणेशखिंड रस्त्याला लागून असणाऱ्या जागेची मागणी केली आहे.
किरण गित्ते, आयुक्त, पीएमआरडीए