म. टा. प्रतिनिधी, पिंपरी
‘पिंपरी-चिंचवडचा क्रीडा लौकीक वाढविण्याच्या दृष्टीने महापालिका प्रशासनाने कसोशीने प्रयत्न करावेत आणि मल्लखांब, योगा, जिन्मॅस्टिक्स राष्ट्रीय खेळ महापालिकेच्या सर्व शाळेत सुरू करण्याबाबतची कार्यवाही करावी,’ अशा सूचना महापौर नितीन काळजे यांनी प्रशासनाला केल्या आहेत.
महापालिकेच्या क्रीडा आणि क्रीडा प्रबोधिनी विभागाच्या कामकाजाचा आढावा बैठक नेहरूनगर येथील अण्णासाहेब मगर स्टेडियम येथे झाली. त्या वेळी अध्यक्षस्थानावरून ते बोलत होते. सत्तारूढ पक्षनेते एकनाथ पवार, क्रीडा, कला व सांस्कृतिक समितीचे सभापती लक्ष्मण सस्ते, अतिरिक्त आयुक्त अच्युत हांगे, माजी महापौर मंगला कदम, नगरसेविका भीमाताई फुगे, सहायक आयुक्त योगेश कडूसकर, क्रीडा अधिकारी रज्जाक पानसरे उपस्थित होते.
बैठकीत शालेय क्रीडा धोरण, महापौर चषक क्रीडा स्पर्धा नियोजन, क्रीडा प्रबोधिनी कामकाज धोरण, गुणवंत खेळाडूंना क्रीडा शिष्यवृत्ती देणे, राष्ट्रीय-आंतरराष्ट्रीय स्पर्धेत सहभागी खेळाडूंना आर्थिक सहाय्य देणे, महापालिका परिसरातील खेळाडूंना क्रीडा सुविधांचा लाभ देणे, क्रीडा विकासात स्वयंसेवी संस्था व क्रीडा संघटना यांचा सहभाग वाढविणे, अण्णासाहेब मगर स्टेडियम येथे क्रीडा प्रशिक्षण केंद्र सुरू करणे, साहसी क्रीडा प्रकारांना उत्तेजन देणे, क्रीडा दिन व क्रीडा सप्ताह साजरा करणे, क्रीडा साहित्य खरेदी करणे, उद्यानांमध्ये ओपन जिम सुरू करणे, महापालिकेच्या व्यायामशाळा स्वयंसेवी संस्था व क्रीडा संघटना यांना चालविण्यास देण्याबाबतचे धोरण निश्चित करणे, महापालिकेच्या व्यायामशाळांमध्ये अद्यावत व्यायाम साहित्य पुरविणे, अद्ययावत क्रीडा वसतिगृह व विश्रामगृह तयार करणे यासंदर्भात चर्चा झाली.
खेळांची मैदाने व स्टेडियम खेळाडूंना उपलब्ध करून देणे, खेळाडूंचे प्रशिक्षण शिबिर आयोजित करणे, एकूण खेळांची मैदाने व स्टेडियम देखभाल व वापराचे नियोजन करणे, क्रीडा ग्रंथालय व माहिती केंद्राची सद्यस्थिती, क्रीडा स्वरानंद नियतकालिक प्रसिद्ध करणे, खेळाडूंचा आहार व व्यायाम याबाबत मार्गदर्शन व राज्यस्तरीय पुरस्कार, सार्वजनिक संस्था व ट्रस्ट यांना देण्यात येणाऱ्या अनुदानाबाबत धोरण निश्चित करणे या विषयांसह क्रीडा व प्रबोधिनी विभागातील अन्य कामकाजासंदर्भातील विषयांवर तसेच क्रीडा विभागाने करावयाच्या नियोजित कामकाजा संदर्भात सूचना करण्यात आल्या.
काळजे म्हणाले, ‘महापालिकेच्या सर्व शाळांमध्ये जानेवारी ते डिसेंबर दरम्यान किमान २० प्रकारच्या खेळांच्या स्पर्धा घेण्यात याव्यात. विजेत्या स्पर्धकांना स्मृतिचिन्हासह रोख रक्कम बक्षिस स्वरूपात द्यावी. क्रीडा शिष्यवृत्ती व बक्षीस रकमेतही वाढ करावी. पालिकेच्या सर्व शाळांमध्ये मल्लखांब, योगा व जिन्मॅस्टिक्स खेळांचा तातडीने समावेश करावा. कुस्ती, कबड्डी व खो-खो खेळांबाबतच्या महापौर चषक क्रीडा स्पर्धांचे आयोजन करण्यात यावे. त्याबाबतचे वेळापत्रक आगाऊ तयार करून सर्व पदाधिकाऱ्यांना देण्यात यावे. कार्यरत नसलेल्या व्यायामशाळा तातडीने बंद कराव्यात. त्याबाबतचा अहवाल आठ दिवसांत सादर करावा.’
‘पिंपरी-चिंचवडचा क्रीडा लौकीक वाढविण्याच्या दृष्टीने महापालिका प्रशासनाने कसोशीने प्रयत्न करावेत आणि मल्लखांब, योगा, जिन्मॅस्टिक्स राष्ट्रीय खेळ महापालिकेच्या सर्व शाळेत सुरू करण्याबाबतची कार्यवाही करावी,’ अशा सूचना महापौर नितीन काळजे यांनी प्रशासनाला केल्या आहेत.
महापालिकेच्या क्रीडा आणि क्रीडा प्रबोधिनी विभागाच्या कामकाजाचा आढावा बैठक नेहरूनगर येथील अण्णासाहेब मगर स्टेडियम येथे झाली. त्या वेळी अध्यक्षस्थानावरून ते बोलत होते. सत्तारूढ पक्षनेते एकनाथ पवार, क्रीडा, कला व सांस्कृतिक समितीचे सभापती लक्ष्मण सस्ते, अतिरिक्त आयुक्त अच्युत हांगे, माजी महापौर मंगला कदम, नगरसेविका भीमाताई फुगे, सहायक आयुक्त योगेश कडूसकर, क्रीडा अधिकारी रज्जाक पानसरे उपस्थित होते.
बैठकीत शालेय क्रीडा धोरण, महापौर चषक क्रीडा स्पर्धा नियोजन, क्रीडा प्रबोधिनी कामकाज धोरण, गुणवंत खेळाडूंना क्रीडा शिष्यवृत्ती देणे, राष्ट्रीय-आंतरराष्ट्रीय स्पर्धेत सहभागी खेळाडूंना आर्थिक सहाय्य देणे, महापालिका परिसरातील खेळाडूंना क्रीडा सुविधांचा लाभ देणे, क्रीडा विकासात स्वयंसेवी संस्था व क्रीडा संघटना यांचा सहभाग वाढविणे, अण्णासाहेब मगर स्टेडियम येथे क्रीडा प्रशिक्षण केंद्र सुरू करणे, साहसी क्रीडा प्रकारांना उत्तेजन देणे, क्रीडा दिन व क्रीडा सप्ताह साजरा करणे, क्रीडा साहित्य खरेदी करणे, उद्यानांमध्ये ओपन जिम सुरू करणे, महापालिकेच्या व्यायामशाळा स्वयंसेवी संस्था व क्रीडा संघटना यांना चालविण्यास देण्याबाबतचे धोरण निश्चित करणे, महापालिकेच्या व्यायामशाळांमध्ये अद्यावत व्यायाम साहित्य पुरविणे, अद्ययावत क्रीडा वसतिगृह व विश्रामगृह तयार करणे यासंदर्भात चर्चा झाली.
खेळांची मैदाने व स्टेडियम खेळाडूंना उपलब्ध करून देणे, खेळाडूंचे प्रशिक्षण शिबिर आयोजित करणे, एकूण खेळांची मैदाने व स्टेडियम देखभाल व वापराचे नियोजन करणे, क्रीडा ग्रंथालय व माहिती केंद्राची सद्यस्थिती, क्रीडा स्वरानंद नियतकालिक प्रसिद्ध करणे, खेळाडूंचा आहार व व्यायाम याबाबत मार्गदर्शन व राज्यस्तरीय पुरस्कार, सार्वजनिक संस्था व ट्रस्ट यांना देण्यात येणाऱ्या अनुदानाबाबत धोरण निश्चित करणे या विषयांसह क्रीडा व प्रबोधिनी विभागातील अन्य कामकाजासंदर्भातील विषयांवर तसेच क्रीडा विभागाने करावयाच्या नियोजित कामकाजा संदर्भात सूचना करण्यात आल्या.
काळजे म्हणाले, ‘महापालिकेच्या सर्व शाळांमध्ये जानेवारी ते डिसेंबर दरम्यान किमान २० प्रकारच्या खेळांच्या स्पर्धा घेण्यात याव्यात. विजेत्या स्पर्धकांना स्मृतिचिन्हासह रोख रक्कम बक्षिस स्वरूपात द्यावी. क्रीडा शिष्यवृत्ती व बक्षीस रकमेतही वाढ करावी. पालिकेच्या सर्व शाळांमध्ये मल्लखांब, योगा व जिन्मॅस्टिक्स खेळांचा तातडीने समावेश करावा. कुस्ती, कबड्डी व खो-खो खेळांबाबतच्या महापौर चषक क्रीडा स्पर्धांचे आयोजन करण्यात यावे. त्याबाबतचे वेळापत्रक आगाऊ तयार करून सर्व पदाधिकाऱ्यांना देण्यात यावे. कार्यरत नसलेल्या व्यायामशाळा तातडीने बंद कराव्यात. त्याबाबतचा अहवाल आठ दिवसांत सादर करावा.’