अर्थमंत्री जेटलींनी दिली मान्यता
म. टा. प्रतिनिधी, पिंपरी
पिंपरी येथील हिंदुस्तान अँटिबायोटिक्स (एचए) कंपनीच्या कर्मचाऱ्यांचा २० महिन्यांचा पगार देण्यास केंद्रीय अर्थमंत्री अरुण जेटली यांनी मान्यता दिली आहे. तसेच कंपनी खासगी उद्योगांशी भागीदारीत (पीपीपी) चालू केली जाणार असल्याची माहिती खासदार श्रीरंग बारणे यांनी दिली.
एचए कंपनीच्या कामगारांच्या समस्येवर तोडगा निघावा यासाठी शरद पवार यांच्या नवी दिल्लीतील निवासस्थानी गुरुवारी शरद पवार, केंद्रीय मंत्री नितीन गडकरी, खासदार श्रीरंग बारणे यांच्यात बैठक झाली. या वेळी खासदार अरविंद सावंत, ‘केमिकल फर्टिलायझर’चे जॉइंट सेक्रेटरी सुधांशू पंत, नगरसेवक व एचए युनियनचे उपाध्यक्ष अरुण बोऱ्हाडे, सुनील पाटसकर व ‘एचए’चे कामगार प्रतिनिधी उपस्थित होते.
याविषयी माहिती देताना खासदार बारणे म्हणाले, ‘गेल्या अनेक दिवसांपासून एचए कंपनीच्या कामगारांचा प्रश्न प्रलंबित होता. त्यासाठी मी केंद्रीय मंत्री नितीन गडकरी, अर्थमंत्री अरुण जेटली यांच्याशी सतत पाठपुरावा करत होतो. शेवटी या कामाला यश आले व अर्थमंत्र्यांनी कामगारांचा २० महिन्यांचा थकीत पगार देण्याचे मान्य केले. त्यासाठी ३० कोटींचा प्रस्तावही त्यांच्याकडे पाठवण्यात आला आहे. तसेच ही कंपनी पुढे पीपीपी तत्त्वावर चालू करण्याचा विचार सरकार करत आहे. त्या संदर्भात मी, गडकरी आणि शरद पवार येत्या काही दिवसांत पुन्हा अर्थमंत्र्यांची भेट घेणार आहोत.’
बोऱ्हाडे म्हणाले, ‘हा कामगारांचा व त्यांच्या सहनशीलतेचा विजय आहे. कारण गेल्या २० महिन्यांपासून कामगारांना पगार नव्हता. त्यामुळे त्यांच्यावर उपासमारीची वेळ आली होती. सरकारचा हा निर्णय म्हणजे आमच्यासाठी खूप आनंदाची गोष्ट आहे व म्हणून आम्ही या निर्णयावर खूप समाधानी आहोत.’
‘एचए’च्या सुमारे ११०० कामगारांचा पगार २० महिन्यांपासून थकला होता. यासाठी कामगारांनी वेळोवेळी उपोषणे, आंदोलने केली होती. त्यामुळे सरकारच्या या निर्णयामुळे म्हणजे कामगारांच्या गोटात आनंदाचे वातावरण आहे.
म. टा. प्रतिनिधी, पिंपरी
पिंपरी येथील हिंदुस्तान अँटिबायोटिक्स (एचए) कंपनीच्या कर्मचाऱ्यांचा २० महिन्यांचा पगार देण्यास केंद्रीय अर्थमंत्री अरुण जेटली यांनी मान्यता दिली आहे. तसेच कंपनी खासगी उद्योगांशी भागीदारीत (पीपीपी) चालू केली जाणार असल्याची माहिती खासदार श्रीरंग बारणे यांनी दिली.
एचए कंपनीच्या कामगारांच्या समस्येवर तोडगा निघावा यासाठी शरद पवार यांच्या नवी दिल्लीतील निवासस्थानी गुरुवारी शरद पवार, केंद्रीय मंत्री नितीन गडकरी, खासदार श्रीरंग बारणे यांच्यात बैठक झाली. या वेळी खासदार अरविंद सावंत, ‘केमिकल फर्टिलायझर’चे जॉइंट सेक्रेटरी सुधांशू पंत, नगरसेवक व एचए युनियनचे उपाध्यक्ष अरुण बोऱ्हाडे, सुनील पाटसकर व ‘एचए’चे कामगार प्रतिनिधी उपस्थित होते.
याविषयी माहिती देताना खासदार बारणे म्हणाले, ‘गेल्या अनेक दिवसांपासून एचए कंपनीच्या कामगारांचा प्रश्न प्रलंबित होता. त्यासाठी मी केंद्रीय मंत्री नितीन गडकरी, अर्थमंत्री अरुण जेटली यांच्याशी सतत पाठपुरावा करत होतो. शेवटी या कामाला यश आले व अर्थमंत्र्यांनी कामगारांचा २० महिन्यांचा थकीत पगार देण्याचे मान्य केले. त्यासाठी ३० कोटींचा प्रस्तावही त्यांच्याकडे पाठवण्यात आला आहे. तसेच ही कंपनी पुढे पीपीपी तत्त्वावर चालू करण्याचा विचार सरकार करत आहे. त्या संदर्भात मी, गडकरी आणि शरद पवार येत्या काही दिवसांत पुन्हा अर्थमंत्र्यांची भेट घेणार आहोत.’
बोऱ्हाडे म्हणाले, ‘हा कामगारांचा व त्यांच्या सहनशीलतेचा विजय आहे. कारण गेल्या २० महिन्यांपासून कामगारांना पगार नव्हता. त्यामुळे त्यांच्यावर उपासमारीची वेळ आली होती. सरकारचा हा निर्णय म्हणजे आमच्यासाठी खूप आनंदाची गोष्ट आहे व म्हणून आम्ही या निर्णयावर खूप समाधानी आहोत.’
‘एचए’च्या सुमारे ११०० कामगारांचा पगार २० महिन्यांपासून थकला होता. यासाठी कामगारांनी वेळोवेळी उपोषणे, आंदोलने केली होती. त्यामुळे सरकारच्या या निर्णयामुळे म्हणजे कामगारांच्या गोटात आनंदाचे वातावरण आहे.