पुणे:
समुद्रातील कचऱ्याची समस्या दिवसेंदिवस अधिकाधिक गुंतागुंतीची होत आहे. जगभरातील वैज्ञानिक या समस्येवर उपाय शोधत असताना पुण्यातील हाजीक काझी या १२ वर्षाच्या छोट्या वैज्ञानिकाने यावर उपाय शोधून काढला आहे. समुद्रातील प्लास्टिक आणि इतर कचरा काढण्यासाठी त्याने एका अनोख्या जहाजाच्या मॉडेलची निर्मिती केली आहे.
हाजीकने तयार केलेल्या या जहाजाच्या मॉडेलमुळे जल प्रदूषणाची समस्या सोडवण्याच्या संशोधनात मदत होणार आहे. हाजीकचे हे जहाज जल प्रदूषण तर कमी करणार आहेच शिवाय सागरी जीवन वाचवण्यात महत्त्वाची भूमिका बजावणार आहे.
जल प्रदूषण कमी करण्याच्या दृष्टीने हाजीकने केलेल्या या संशोधनाबाबत सांगताना तो म्हणाला, ' समुद्रातील कचऱ्यामुळे सागरी जीवन कसं धोक्यात येत आहे याविषयी मी काही माहितीपटांमध्ये पाहिले . हे माहितीपट पाहून मी प्रचंड अस्वस्थ झालो. जल प्रदूषणाविषयी आपण काहीतरी केले पाहिजे असे मला वाटले आणि मी विचार करू लागलो. समुद्रातील मासे प्लास्टिक खात आहेत, आपण ते मासे खात आहोत पर्यायाने आपल्या पोटात समुद्रातील प्लास्टिक कचरा साचतो आहे. त्यामुळे मी असे जहाज डिझाइन केलंय जे समुद्रातील कचरा साफ करेल.'
या जहाजाचे नाव त्याने 'ERVIS' असे ठेवले आहे. ' ERVIS' विषयी बोलताना हाजीक सांगतो की, 'हे जहाज समुद्रातील कचरा शोषून घेईल. त्यानंतर या जहाजातील तंत्रज्ञानावारे पाणी, समुद्रातील जीव आणि कचरा असे तीन घटक वेगळे केले जातील. यापैकी पाणी आणि समुद्रातील जीव पुन्हा पाण्यात सोडण्यात येतील आणि राहिलेल्या कचऱ्याचे च भाग करुन त्याची योग्य ती विल्हेवाट लावण्यात येईल. '
हाजीकने आपली ही आगळी वेगळी कल्पना टेडएक्स आणि टेड8 या आंतरराष्ट्रीय व्यासपीठांवर मांडली असून १२ वर्षांचा हाजीक त्याच्या या भन्नाट संशोधनासाठी जगभरातून वाहवा मिळवत आहे.
समुद्रातील कचऱ्याची समस्या दिवसेंदिवस अधिकाधिक गुंतागुंतीची होत आहे. जगभरातील वैज्ञानिक या समस्येवर उपाय शोधत असताना पुण्यातील हाजीक काझी या १२ वर्षाच्या छोट्या वैज्ञानिकाने यावर उपाय शोधून काढला आहे. समुद्रातील प्लास्टिक आणि इतर कचरा काढण्यासाठी त्याने एका अनोख्या जहाजाच्या मॉडेलची निर्मिती केली आहे.
हाजीकने तयार केलेल्या या जहाजाच्या मॉडेलमुळे जल प्रदूषणाची समस्या सोडवण्याच्या संशोधनात मदत होणार आहे. हाजीकचे हे जहाज जल प्रदूषण तर कमी करणार आहेच शिवाय सागरी जीवन वाचवण्यात महत्त्वाची भूमिका बजावणार आहे.
जल प्रदूषण कमी करण्याच्या दृष्टीने हाजीकने केलेल्या या संशोधनाबाबत सांगताना तो म्हणाला, ' समुद्रातील कचऱ्यामुळे सागरी जीवन कसं धोक्यात येत आहे याविषयी मी काही माहितीपटांमध्ये पाहिले . हे माहितीपट पाहून मी प्रचंड अस्वस्थ झालो. जल प्रदूषणाविषयी आपण काहीतरी केले पाहिजे असे मला वाटले आणि मी विचार करू लागलो. समुद्रातील मासे प्लास्टिक खात आहेत, आपण ते मासे खात आहोत पर्यायाने आपल्या पोटात समुद्रातील प्लास्टिक कचरा साचतो आहे. त्यामुळे मी असे जहाज डिझाइन केलंय जे समुद्रातील कचरा साफ करेल.'
या जहाजाचे नाव त्याने 'ERVIS' असे ठेवले आहे. ' ERVIS' विषयी बोलताना हाजीक सांगतो की, 'हे जहाज समुद्रातील कचरा शोषून घेईल. त्यानंतर या जहाजातील तंत्रज्ञानावारे पाणी, समुद्रातील जीव आणि कचरा असे तीन घटक वेगळे केले जातील. यापैकी पाणी आणि समुद्रातील जीव पुन्हा पाण्यात सोडण्यात येतील आणि राहिलेल्या कचऱ्याचे च भाग करुन त्याची योग्य ती विल्हेवाट लावण्यात येईल. '