म. टा. प्रतिनिधी, हडपसर
सासवड रोडवरील जागोजागी पडलेले खड्डे व रस्त्याची चाळण झाल्याने हा परिसर धुळीने भरून गेला आहे. त्यामुळे या मार्गाने जाणारे हजारो दुचाकीचालक नागरिक हे मणक्याच्या व फुप्फुसाच्या आजाराने हैराण झाले आहेत. या खड्ड्यांमुळे तोल जाऊ कित्येक जणांचा बळी गेला असून शेकडो जण अपघातात अपंग झाले आहेत. असे असूनही रस्त्याची दुरुस्ती आणि चौपदरीकरण केले जात नसल्याने नागरिकांनी संताप व्यक्त केला आहे.
हडपसर-सासवड रस्त्यावरील तुकाईदर्शन, आयबीएम कंपनीसमोर, गंगानगर चौक, भेकराईनगर, विठ्ठल पेट्रोल पंपासमोर, उड्डाणपुलाच्या सुरुवातीपासून ते मंतरवाडी चौक, उरुळी देवाची चौक, वडकी अशा मोठ्या भागातील रस्ते खड्ड्यांनी व्यापले आहेत. त्यामुळे येथील नागरिकांना या खड्ड्यांमुळे वाहतूक कोंडी नित्याचीच झाली आहे. तसेच येथील परिसरातील नागरिकांना शुद्ध हवा मिळत नाही. या रस्त्याच्या त्रासामुळे रोज एक अपघात होत आहे. मागील पाच वर्षांत आतापर्यंत शेकडो अपघात येथे झाले आहेत. यामध्ये अनेक जण मृत्युमुखी पडले, तर शेकडो जखमी झाले आहेत. मात्र, याबाबतचे गांभीर्य अधिकाऱ्यांना व राजकीय मंत्र्यांना दिसून येत नाही. हा रस्ता हडपसर ते जेजुरी असा चौपदरी करण्यास सरकारची मान्यता मिळाली आहे. रस्त्यातील झाडेही बाजूला काढण्यात आली, मात्र रस्त्याचे डांबरीकरण झालेले नाही. त्यामुळे रस्त्यावरील खडी, मातीमुळे हवेत धुळीचे कण वाढून नागरिकांना फुप्फुसाचे आजार वाढले आहेत.
खड्ड्यांमुळे या मार्गावर शेकडो अपघात झाल्याने हडपसर पोलिस ठाणे व हडपसर वाहतूक विभागाने सार्वजनिक बांधकाम विभागाला रस्ता दुरुस्त करण्याबाबत पत्रव्यवहार केला आहे. मात्र, या पत्रांना केराची टोपली दाखविण्यात आली आहे. पाच महिन्यांपूर्वी हा रस्ता राष्ट्रीय महामार्ग विभागाकडे हस्तांतरित करण्यात आल्याने सार्वजनिक बांधकाम विभागाने हे काम करण्यास नकार दिला. यामध्ये चार महिने गेले आहेत. दुसरीकडे पूर्ण कागदपत्र व दफ्तर आपल्याकडे आलेले नाही, असे उत्तर राष्ट्रीय महामार्ग विभागाकडून दिले जाते आहे.
हडपसर मेडिकोज असोसिएशनचे अध्यक्ष डॉ. चंद्रकांत हरपळे यांनी सांगितले, हडपसर-सासवड रस्त्यावर पडलेल्या खड्ड्यांमुळे येथील नागरिकांना शुद्ध हवा मिळत नाही. तसेच या मार्गाने रोज ये-जा करणाऱ्या शेकडो दुचाकीस्वारांना मणक्याच्या, पाठीच्या, फुप्फुसाच्या आजाराने वेढले असल्याचे दिसून येत आहे. त्यामुळे नागरिकांच्या आरोग्यासाठी हा रस्ता त्वरित दुरुस्त होणे गरजेचे आहे.
सासवड रोडवरील जागोजागी पडलेले खड्डे व रस्त्याची चाळण झाल्याने हा परिसर धुळीने भरून गेला आहे. त्यामुळे या मार्गाने जाणारे हजारो दुचाकीचालक नागरिक हे मणक्याच्या व फुप्फुसाच्या आजाराने हैराण झाले आहेत. या खड्ड्यांमुळे तोल जाऊ कित्येक जणांचा बळी गेला असून शेकडो जण अपघातात अपंग झाले आहेत. असे असूनही रस्त्याची दुरुस्ती आणि चौपदरीकरण केले जात नसल्याने नागरिकांनी संताप व्यक्त केला आहे.
हडपसर-सासवड रस्त्यावरील तुकाईदर्शन, आयबीएम कंपनीसमोर, गंगानगर चौक, भेकराईनगर, विठ्ठल पेट्रोल पंपासमोर, उड्डाणपुलाच्या सुरुवातीपासून ते मंतरवाडी चौक, उरुळी देवाची चौक, वडकी अशा मोठ्या भागातील रस्ते खड्ड्यांनी व्यापले आहेत. त्यामुळे येथील नागरिकांना या खड्ड्यांमुळे वाहतूक कोंडी नित्याचीच झाली आहे. तसेच येथील परिसरातील नागरिकांना शुद्ध हवा मिळत नाही. या रस्त्याच्या त्रासामुळे रोज एक अपघात होत आहे. मागील पाच वर्षांत आतापर्यंत शेकडो अपघात येथे झाले आहेत. यामध्ये अनेक जण मृत्युमुखी पडले, तर शेकडो जखमी झाले आहेत. मात्र, याबाबतचे गांभीर्य अधिकाऱ्यांना व राजकीय मंत्र्यांना दिसून येत नाही. हा रस्ता हडपसर ते जेजुरी असा चौपदरी करण्यास सरकारची मान्यता मिळाली आहे. रस्त्यातील झाडेही बाजूला काढण्यात आली, मात्र रस्त्याचे डांबरीकरण झालेले नाही. त्यामुळे रस्त्यावरील खडी, मातीमुळे हवेत धुळीचे कण वाढून नागरिकांना फुप्फुसाचे आजार वाढले आहेत.
खड्ड्यांमुळे या मार्गावर शेकडो अपघात झाल्याने हडपसर पोलिस ठाणे व हडपसर वाहतूक विभागाने सार्वजनिक बांधकाम विभागाला रस्ता दुरुस्त करण्याबाबत पत्रव्यवहार केला आहे. मात्र, या पत्रांना केराची टोपली दाखविण्यात आली आहे. पाच महिन्यांपूर्वी हा रस्ता राष्ट्रीय महामार्ग विभागाकडे हस्तांतरित करण्यात आल्याने सार्वजनिक बांधकाम विभागाने हे काम करण्यास नकार दिला. यामध्ये चार महिने गेले आहेत. दुसरीकडे पूर्ण कागदपत्र व दफ्तर आपल्याकडे आलेले नाही, असे उत्तर राष्ट्रीय महामार्ग विभागाकडून दिले जाते आहे.
हडपसर मेडिकोज असोसिएशनचे अध्यक्ष डॉ. चंद्रकांत हरपळे यांनी सांगितले, हडपसर-सासवड रस्त्यावर पडलेल्या खड्ड्यांमुळे येथील नागरिकांना शुद्ध हवा मिळत नाही. तसेच या मार्गाने रोज ये-जा करणाऱ्या शेकडो दुचाकीस्वारांना मणक्याच्या, पाठीच्या, फुप्फुसाच्या आजाराने वेढले असल्याचे दिसून येत आहे. त्यामुळे नागरिकांच्या आरोग्यासाठी हा रस्ता त्वरित दुरुस्त होणे गरजेचे आहे.