मटा ऑनलाइन वृत्त। पुणे
अवघ्या तरूणाईला याड लावणाऱ्या 'सैराट' चित्रपटानं आपल्या एका चाहत्याला 'सैराट' बनवत आणखी एक कौतुकाचा विक्रम आपल्या नावे नोंदवला आहे. सैराट चित्रपटानं ज्या हजारो रसिकांना भुरळ घातली त्यात पुण्यातील हनुमंत लोंढे या चाहत्याची सध्या जोरदार चर्चा सुरू आहे. हनुमंत ‘सैराट’चा निस्सीम चाहता असून आत्तापर्यंत त्यानं हा चित्रपट सलग १०५ दिवस १०५ वेळा पाहिला आहे. हनुमंतच्या या ‘सैराट’ वेडापायी सर्वत्र त्याच्या नावाची चर्चा सुरू आहे
मुळचा सोलापूरचा असलेला हनुमंत लोंढे (३६) पोटापाण्याचा प्रश्न सोडवण्यासाठी पुण्यात येऊन लाँड्रीत काम करू लागला. पुण्यात जेव्हा ‘सैराट’ प्रदर्शित झाला, तेव्हा हनुमंतनं ब्लॅकचं तिकिट विकत घेऊन हा चित्रपट पाहिला. त्यावेळी त्याच्या मित्रांनी हनुमंतला वेड्यात काढलं होतं. सैराट पाहिल्यानंतर हनुमंत अक्षरश: चित्रपटाच्या प्रेमात पडला. हनुमंत म्हणतो, की सैराट पाहून मला माझ्या 'त्या' प्रेमाची आठवण झाली. सैराटची कथा ही माझ्या जीवनात घडलेल्या कथेसारखीच मला वाटली, १० वर्षांपूर्वी मी असंच प्रेम करत होतो, परंतु माझ्या बाबतीत थोडसं वेगळं घडलं. पुढे सैराटमध्ये जे काही घडलं ते माझ्या बाबतीत घडलं नाही, असं म्हणत तो आपल्या जुन्या आठवणींना उजाळा देतो.
सैराटनं हनुमंताच्या मनाच्या हळव्या कोपऱ्याला स्पर्श केल्यानं हनुमंत सैराटवरून जणू आपला जीव ओवाळून टाकला आहे. २९ एप्रिल ते ११ ऑगस्ट या काळात सैराट पाहिल्या शिवाय हनुमंताचा दिवस कधीही मावळला नाही. विशेष म्हणजे त्यानं आतापर्यंत पाहिलेल्या चित्रपटाची १०५ तिकीटं स्वत:कडे जपून ठेवली आहेत. इतकंच नव्हे, तर त्यानं आपल्या पाकिटात आपल्या बायकोच्या बाजुला आर्चीचा फोटो देखील लावला आहे.
हनुमंतनं आतापर्यंत या चित्रपटावर तब्बल १० हजार रूपये खर्च केले आहेत. जो पर्यंत ‘सैराट’ चित्रपट गृहात आहे, तो पर्यंत मी तो पाहत राहणार, असा ‘सैराट संकल्प’च हनुमंतनं सोडला आहे. हनुमंतची दिवसाची कमाई आहे ३०० रुपये. त्यातून तो सैराटसाठी १०० रुपये खर्च करतो.
नागराजच्या चित्रपटात काम करण्याची इच्छा आहे!
सुरुवातीच्या काळात लोक मला वेडा म्हणायचे. पण मी वेडा नाही, हा चित्रपट वेड्या लोकांचा नाही, अशी प्रतिक्रिया हनुमंत व्यक्त करतो. इतका चांगला चित्रपट बनवणारे नागराज मंजुळे यांना एकदा भेटून त्यांचं अभिनंदन करायचं आहे अशी इच्छा हनुमंतनं व्यक्त केली आहे. शिवाय आपल्या चित्रपटात छोटासा रोल मिळावा अशी विनंती आपण नागराज यांना करणार असल्याची 'सैराट' इच्छाही या 'याड' लागलेल्या चाहत्यानं व्यक्त केली आहे.
अवघ्या तरूणाईला याड लावणाऱ्या 'सैराट' चित्रपटानं आपल्या एका चाहत्याला 'सैराट' बनवत आणखी एक कौतुकाचा विक्रम आपल्या नावे नोंदवला आहे. सैराट चित्रपटानं ज्या हजारो रसिकांना भुरळ घातली त्यात पुण्यातील हनुमंत लोंढे या चाहत्याची सध्या जोरदार चर्चा सुरू आहे. हनुमंत ‘सैराट’चा निस्सीम चाहता असून आत्तापर्यंत त्यानं हा चित्रपट सलग १०५ दिवस १०५ वेळा पाहिला आहे. हनुमंतच्या या ‘सैराट’ वेडापायी सर्वत्र त्याच्या नावाची चर्चा सुरू आहे
मुळचा सोलापूरचा असलेला हनुमंत लोंढे (३६) पोटापाण्याचा प्रश्न सोडवण्यासाठी पुण्यात येऊन लाँड्रीत काम करू लागला. पुण्यात जेव्हा ‘सैराट’ प्रदर्शित झाला, तेव्हा हनुमंतनं ब्लॅकचं तिकिट विकत घेऊन हा चित्रपट पाहिला. त्यावेळी त्याच्या मित्रांनी हनुमंतला वेड्यात काढलं होतं. सैराट पाहिल्यानंतर हनुमंत अक्षरश: चित्रपटाच्या प्रेमात पडला. हनुमंत म्हणतो, की सैराट पाहून मला माझ्या 'त्या' प्रेमाची आठवण झाली. सैराटची कथा ही माझ्या जीवनात घडलेल्या कथेसारखीच मला वाटली, १० वर्षांपूर्वी मी असंच प्रेम करत होतो, परंतु माझ्या बाबतीत थोडसं वेगळं घडलं. पुढे सैराटमध्ये जे काही घडलं ते माझ्या बाबतीत घडलं नाही, असं म्हणत तो आपल्या जुन्या आठवणींना उजाळा देतो.
सैराटनं हनुमंताच्या मनाच्या हळव्या कोपऱ्याला स्पर्श केल्यानं हनुमंत सैराटवरून जणू आपला जीव ओवाळून टाकला आहे. २९ एप्रिल ते ११ ऑगस्ट या काळात सैराट पाहिल्या शिवाय हनुमंताचा दिवस कधीही मावळला नाही. विशेष म्हणजे त्यानं आतापर्यंत पाहिलेल्या चित्रपटाची १०५ तिकीटं स्वत:कडे जपून ठेवली आहेत. इतकंच नव्हे, तर त्यानं आपल्या पाकिटात आपल्या बायकोच्या बाजुला आर्चीचा फोटो देखील लावला आहे.
हनुमंतनं आतापर्यंत या चित्रपटावर तब्बल १० हजार रूपये खर्च केले आहेत. जो पर्यंत ‘सैराट’ चित्रपट गृहात आहे, तो पर्यंत मी तो पाहत राहणार, असा ‘सैराट संकल्प’च हनुमंतनं सोडला आहे. हनुमंतची दिवसाची कमाई आहे ३०० रुपये. त्यातून तो सैराटसाठी १०० रुपये खर्च करतो.
नागराजच्या चित्रपटात काम करण्याची इच्छा आहे!
सुरुवातीच्या काळात लोक मला वेडा म्हणायचे. पण मी वेडा नाही, हा चित्रपट वेड्या लोकांचा नाही, अशी प्रतिक्रिया हनुमंत व्यक्त करतो. इतका चांगला चित्रपट बनवणारे नागराज मंजुळे यांना एकदा भेटून त्यांचं अभिनंदन करायचं आहे अशी इच्छा हनुमंतनं व्यक्त केली आहे. शिवाय आपल्या चित्रपटात छोटासा रोल मिळावा अशी विनंती आपण नागराज यांना करणार असल्याची 'सैराट' इच्छाही या 'याड' लागलेल्या चाहत्यानं व्यक्त केली आहे.