’हॅपी स्ट्रीट’मध्ये थंडीतही आले आनंदाला उधाण
म. टा. प्रतिनिधी, पुणे
झुंबाच्या तालावर थिरकणारी तरुण मंडळी... रस्त्यावर मनसोक्त चित्र काढण्यामध्ये मग्न झालेली लहान मुले..रस्सी खेचसाठी सुरू असलेली स्पर्धा तर, कुठे झेंबेवर ताल धरणारी ज्येष्ठ मंडळी.. वाहनांच्या गर्दीने गजबजलेल्या रस्त्यावर रविवारी सकाळी धमाल सुरू होती. कडाक्याची थंडी असतानाही स्वेटर, कानटोपी, हातमोजे अशी जय्यत तयारी करून नागरिक भल्या सकाळीच ‘हॅपी स्ट्रीट’मध्ये सहभागी झाले होते.
निमित्त होते महाराष्ट्र टाइम्स, टाइम्स ऑफ इंडिया, व्हीजे डेव्हलपर्स यांच्यातर्फे आयोजित ‘हॅपी स्ट्रीट’ या उपक्रमाचे. पुणे पोलिस, वाहतूक पोलिस आणि महापालिकेचे या उपक्रमाला विशेष सहकार्य लाभले आहे. ‘हॅपी स्ट्रीट’ चा या वर्षीचा मोसम सुरू झाल्यापासूनच कोथरूड, कर्वेनगर भागातील नागरिक हॅपी स्ट्रीटची वाट बघत होते. गेल्या रविवारी या उपक्रमाला कोथरूडकरांनी भरघोस प्रतिसाद दिला होता. त्याहीपेक्षा जास्त गर्दी रविवारी पाहायला मिळाली.
एरवी डी. पी रस्ता सकाळी शाळांच्या व्हॅन, पालकांच्या गाड्यांनी गजबजलेला असतो. भाजीविक्रेते, फेरीवाले, फिरायला घराबाहेर पडलेल्या लोकांमुळे या रस्त्यावर सकाळपासूनच वर्दळ असते. मोत्र, रविवारी सकाळी साडेसहापासूनच हॅपी स्ट्रीटसाठी रस्त्याची एक बाजू वाहनांसाठी बंद केल्यामुळे लोकांनी रस्त्यावर धमाल केली. शहरात कडाक्याची थंडी असतानाही लोक स्वेटर, मफलर, शाल घेऊन उत्साहात दाखल झाले होते. चिमुकल्यांसह त्यांचे पालक, ज्येष्ठ नागरिक यांनी कुटुंबासह विविध उपक्रमांचा आनंद घेतला. विविध वयोगटाबरोबरच सहकुटुंब खेळता येतील असे विविध खेळ येथे उपलब्ध होते. झुंबा, जेंबे वादन, रस्सीखेच, संगीत खुर्ची, चॉक आर्ट, पझल या खेळांना नेहमीप्रमाणेच भरपूर गर्दी होती.
लहान मुले आणि तरुणांनी सकाळी व्यायामासाठी उपलब्ध केलेल्या सायकलीवर फेऱ्या मारल्या. शाळा-कॉलेजमधील मुलांचे ग्रुप बॅडमिंटन, डॉजबॉलसाठी बॉल, बुद्धीबळ, स्केटिंगचे साहित्य घेऊन आले होते. मोकळ्या रस्त्यावर बराच वेळे त्यांचे खेळ रंगले होते. लहान मुले रस्त्यावर चित्रे काढण्यात मग्न होती. एरवी गाड्यांमुळे पालक रस्त्यावर मुलांना मोकळेपणाने फिरू देत नाहीत, पण हॅपी स्ट्रीटमुळे मुले निर्धास्त रस्त्यात बसून चित्र काढताना दिसली. विविध प्रकारची कार्टून मुलांनी रेखाटली. रस्सीखेचमध्ये सहकुटुंब स्पर्धा रंगल्या होत्या. तर जेंबे वादनामध्ये लहानांपासून ज्येष्ठ नागरिक उत्साहात सहभागी झाले होते. मित्रमैत्रिणी, नातेवाइक, सोसायट्यांमधील शेजाऱ्यांबरोबर विविध खेळ खेळताना तीन तास कधी संपले हेही कळलेच नाही.
‘लहानपणी रस्सीखेच हा आमच्या मित्रमैत्रिणींचा आवडता खेळ होता. आज तीस वर्षानंतर पुन्हा मी हा खेळ खेळला आणि अजूनही माझ्याकडे ताकद आहे, याची जाणीव झाली. मोठे झालो म्हणून खेळांपासून दूरावलेल्या नागरिकांसाठी हॅपी स्ट्रीट ही एक पर्वणी आहे,’ अशी भावना महेश कुलकर्णी यांनी व्यक्त केली. कॉलेजमध्ये अलीकडे आम्हाला खेळायला वेळच होत नाही आणि सोसायटीच्या मैदानांवर एकत्र येऊन खेळण्याची संधी क्वचितच मिळते. पण, हॅपी स्ट्रीटच्या निमित्ताने गेली दोन वर्षे आम्ही आवर्जून खास रस्त्यावर खेळण्यासाठी एकत्र येत आहोत, अशी प्रतिक्रिया तरुण वर्मा याने व्यक्त केली.
म. टा. प्रतिनिधी, पुणे
झुंबाच्या तालावर थिरकणारी तरुण मंडळी... रस्त्यावर मनसोक्त चित्र काढण्यामध्ये मग्न झालेली लहान मुले..रस्सी खेचसाठी सुरू असलेली स्पर्धा तर, कुठे झेंबेवर ताल धरणारी ज्येष्ठ मंडळी.. वाहनांच्या गर्दीने गजबजलेल्या रस्त्यावर रविवारी सकाळी धमाल सुरू होती. कडाक्याची थंडी असतानाही स्वेटर, कानटोपी, हातमोजे अशी जय्यत तयारी करून नागरिक भल्या सकाळीच ‘हॅपी स्ट्रीट’मध्ये सहभागी झाले होते.
निमित्त होते महाराष्ट्र टाइम्स, टाइम्स ऑफ इंडिया, व्हीजे डेव्हलपर्स यांच्यातर्फे आयोजित ‘हॅपी स्ट्रीट’ या उपक्रमाचे. पुणे पोलिस, वाहतूक पोलिस आणि महापालिकेचे या उपक्रमाला विशेष सहकार्य लाभले आहे. ‘हॅपी स्ट्रीट’ चा या वर्षीचा मोसम सुरू झाल्यापासूनच कोथरूड, कर्वेनगर भागातील नागरिक हॅपी स्ट्रीटची वाट बघत होते. गेल्या रविवारी या उपक्रमाला कोथरूडकरांनी भरघोस प्रतिसाद दिला होता. त्याहीपेक्षा जास्त गर्दी रविवारी पाहायला मिळाली.
एरवी डी. पी रस्ता सकाळी शाळांच्या व्हॅन, पालकांच्या गाड्यांनी गजबजलेला असतो. भाजीविक्रेते, फेरीवाले, फिरायला घराबाहेर पडलेल्या लोकांमुळे या रस्त्यावर सकाळपासूनच वर्दळ असते. मोत्र, रविवारी सकाळी साडेसहापासूनच हॅपी स्ट्रीटसाठी रस्त्याची एक बाजू वाहनांसाठी बंद केल्यामुळे लोकांनी रस्त्यावर धमाल केली. शहरात कडाक्याची थंडी असतानाही लोक स्वेटर, मफलर, शाल घेऊन उत्साहात दाखल झाले होते. चिमुकल्यांसह त्यांचे पालक, ज्येष्ठ नागरिक यांनी कुटुंबासह विविध उपक्रमांचा आनंद घेतला. विविध वयोगटाबरोबरच सहकुटुंब खेळता येतील असे विविध खेळ येथे उपलब्ध होते. झुंबा, जेंबे वादन, रस्सीखेच, संगीत खुर्ची, चॉक आर्ट, पझल या खेळांना नेहमीप्रमाणेच भरपूर गर्दी होती.
लहान मुले आणि तरुणांनी सकाळी व्यायामासाठी उपलब्ध केलेल्या सायकलीवर फेऱ्या मारल्या. शाळा-कॉलेजमधील मुलांचे ग्रुप बॅडमिंटन, डॉजबॉलसाठी बॉल, बुद्धीबळ, स्केटिंगचे साहित्य घेऊन आले होते. मोकळ्या रस्त्यावर बराच वेळे त्यांचे खेळ रंगले होते. लहान मुले रस्त्यावर चित्रे काढण्यात मग्न होती. एरवी गाड्यांमुळे पालक रस्त्यावर मुलांना मोकळेपणाने फिरू देत नाहीत, पण हॅपी स्ट्रीटमुळे मुले निर्धास्त रस्त्यात बसून चित्र काढताना दिसली. विविध प्रकारची कार्टून मुलांनी रेखाटली. रस्सीखेचमध्ये सहकुटुंब स्पर्धा रंगल्या होत्या. तर जेंबे वादनामध्ये लहानांपासून ज्येष्ठ नागरिक उत्साहात सहभागी झाले होते. मित्रमैत्रिणी, नातेवाइक, सोसायट्यांमधील शेजाऱ्यांबरोबर विविध खेळ खेळताना तीन तास कधी संपले हेही कळलेच नाही.
‘लहानपणी रस्सीखेच हा आमच्या मित्रमैत्रिणींचा आवडता खेळ होता. आज तीस वर्षानंतर पुन्हा मी हा खेळ खेळला आणि अजूनही माझ्याकडे ताकद आहे, याची जाणीव झाली. मोठे झालो म्हणून खेळांपासून दूरावलेल्या नागरिकांसाठी हॅपी स्ट्रीट ही एक पर्वणी आहे,’ अशी भावना महेश कुलकर्णी यांनी व्यक्त केली. कॉलेजमध्ये अलीकडे आम्हाला खेळायला वेळच होत नाही आणि सोसायटीच्या मैदानांवर एकत्र येऊन खेळण्याची संधी क्वचितच मिळते. पण, हॅपी स्ट्रीटच्या निमित्ताने गेली दोन वर्षे आम्ही आवर्जून खास रस्त्यावर खेळण्यासाठी एकत्र येत आहोत, अशी प्रतिक्रिया तरुण वर्मा याने व्यक्त केली.