म. टा. प्रतिनिधी, पुणे
करोना विषाणूच्या संसर्गामुळे जनजीवन ठप्प झाल्याने पडद्यामागच्या कलाकारांच्या रोजीरोटीचा प्रश्न निर्माण झाल्यानंतर या कलावंतांच्या मदतीसाठी अखिल भारतीय मराठी चित्रपट महामंडळ, अखिल भारतीय मराठी नाट्य परिषदेची पुणे शाखा आणि बालगंधर्व परिवार या तीन संस्था मदतीसाठी पुढे आल्या आहे. मदत केंद्रांच्या माध्यमातून कलावंतांना जीवनावश्यक वस्तूंचा संच देण्यात येत आहे.
करोनाचा प्रादुर्भाव रोखण्यासाठी राज्यातील सर्व थिएटर दहा दिवसांपासून बंद आहेत. यामुळे चित्रपट, नाटक, लावणी आणि इतर सांस्कृतिक कार्यक्रमांचे सादरीकरण बंद झाले आहे. तसेच चित्रपट, मालिका, लघुपट, जाहिराती यांचे चित्रीकरण थांबविण्यात आले आहे. सर्वांच्या दृष्टीने हा निर्णय महत्त्वाचा असला तरी पडद्यामागे राबणाऱ्या हातांवर आर्थिक संकट ओढावले आहे. त्यांना जगण्यासाठी बळ देण्याचे काम या तीन संघटना करत आहेत. पडद्यामागच्या कलावंतांसाठी मदत केंद्र सुरू करण्यात आले आहेत. गहू, ज्वारी, बाजरी किंवा पीठ, तांदूळ, रवा, तेल, तीखट, मसाले, साखर, गुळ व कडधान्ये अशा जीवनावश्यक वस्तू व खाद्यपदार्थ देण्यात येत आहेत. दानशूर व्यक्तींनी मदतीसाठी पुढे यावे, असे आवाहन संस्थांतर्फे करण्यात आले आहे.
मदत केंद्र
ब्रह्मा चेंबर्स, माडिवाले कॉलनी, सदाशिव पेठ, टिळक रस्ता (स. १० ते सायं. ६ पर्यंत)
अखिल भारतीय मराठी चित्रपट महामंडळ (कोल्हापूर, मुंबई, नाशिक, औरंगाबाद,
नागपूर, बीड, सातारा व पुणे येथील कार्यालये)
संपर्क क्रमांक
पुणे
गिरीश कोळपकर : ९८९०१८६६७८
विनय जवळगीकर : ९८५०८०१२३७
जितेंद्र वाईकर : ९८६०९४४४५४
शुभम : ८६००८०९४६१
कोल्हापूर
रवींद्र बोरगावकर : ९८९०६४७०९२
मुंबई
विशाल पवार : ९८३३३६०६३३
नाशिक
राहुल जाधव : ९७६३२३२८२१
औरंगाबाद
शुभम त्रिभुवन : ८६५७०९९९९८
नागपूर
पल्लवी शेठ : ९६०४६७३५१९
बीड
प्रमोद रामदासी : ८६६९१७७०३१
सातारा
दीपाली आंबेकर-देशमाने : ७०८३४०९७९९