म. टा. प्रतिनिधी, पुणे
महापालिकेतील सत्ताधारी भारतीय जनता पक्षाने स्थायी समितीचे विद्यमान अध्यक्ष हेमंत रासने यांच्या हातीच पुन्हा एकदा महापालिकेच्या तिजोरीच्या चाव्या सोपविल्या आहेत. ऐन निवडणुकीच्या वर्षात रासने यांच्यावरच पक्षाने विश्वास दर्शविला असून, महापालिकेच्या इतिहासात सलग दुसऱ्यांदा स्थायी समितीचे अध्यक्ष होणारे रासने हे पहिले अध्यक्ष ठरणार आहेत.
स्थायी समितीच्या अध्यक्षपदासाठी सोमवारी दुपारी अर्ज दाखल करण्यात आले. भाजपकडून रासने यांचा, तर विरोधकांकडून राष्ट्रवादी काँग्रेसचे बंडू तात्या गायकवाड यांचा अर्ज दाखल करण्यात आला आहे. महापालिकेत भाजपची एकहाती सत्ता असल्याने स्थायी समितीच्या अध्यक्षपदासाठी भाजपच्या उमेदवाराची निवड ही औपचारिकता समजली जाते. मात्र, सांगलीतील महापौरपदाच्या निवडणुकीत झालेल्या गोंधळाच्या पार्श्वभूमीवर भाजपकडून पुरेशी खबरदारी घेण्यात येणार आहे. स्थायी समितीच्या अध्यक्षासह शिक्षण समिती अध्यक्षपदासाठीही भाजपने मंजुश्री खर्डेकर, तर उपाध्यक्षपदासाठी कलिंदा पुंडे यांचा उमेदवारी अर्ज दाखल केला. नगरसचिव शिवाजी दौंडकर यांच्याकडे अर्ज दाखल करण्यात आले. या वेळी शहराध्यक्ष जगदीश मुळीक, महापौर मुरलीधर मोहोळ, उपमहापौर सरस्वती शेंडगे, सभागृह नेता गणेश बिडकर आदी उपस्थित होते.
राष्ट्रवादी काँग्रेसच्या सुमन पठारे यांनी विरोधकांकडून शिक्षण समितीच्या अध्यक्षपदासाठी, तर उपाध्यक्षपदासाठी शिवसेनेच्या प्राची आल्हाट यांनी अर्ज दाखल केला आहे. महाविकास आघाडी म्हणून या वेळी विरोधकांनी अर्ज दाखल केले आहेत. स्थायी समिती अध्यक्ष, तसेच शिक्षण समिती अध्यक्ष तसेच उपाध्यक्ष पदाची निवडणूक येत्या शुक्रवारी (५ मार्च) होणार आहे. शिक्षण समितीची निवडणूक सकाळी अकरा वाजता होईल. स्थायी समितीची निवडणूक दुपारी तीन वाजता होणार आहे. या निवडणुकीसाठी पुणे जिल्हा परिषदेचे मुख्य कार्यकारी अधिकारी (सीईओ) आयुष प्रसाद पीठासीन अधिकारी म्हणून काम पाहणार आहेत. महापालिकेच्या नवीन इमारतीमधील स्थायी समितीच्या सभागृहात ही निवडणूक प्रक्रिया पार पडणार आहे.
.
रासने रचणार इतिहास?
स्थायी समितीच्या इतिहासात पहिल्यांदा सलग दोन वेळा अध्यक्षपदी काम करण्याची संधी मिळणारे रासने हे पहिले अध्यक्ष ठरणार आहेत. हे निवडणुकीचे वर्ष असल्याने पुढील वर्षीचा अर्थसंकल्प रासनेच मांडतील, अशी शक्यता कमी आहे. अन्यथा सलग तीन वेळा अर्थसंकल्प मांडण्याचा विक्रमही रासने यांच्या नावे झाला असता. गेल्या वर्षी आणि यंदा असे दोन अर्थसंकल्प रासने यानी सादर केले आहेत. येत्या पाच तारखेला अध्यक्षपदाच्या निवडणुकीत औपचारिकता पार पाडून ते अध्यक्षपदी विराजमान होतील, अशी परिस्थिती आहे.
महापालिकेतील सत्ताधारी भारतीय जनता पक्षाने स्थायी समितीचे विद्यमान अध्यक्ष हेमंत रासने यांच्या हातीच पुन्हा एकदा महापालिकेच्या तिजोरीच्या चाव्या सोपविल्या आहेत. ऐन निवडणुकीच्या वर्षात रासने यांच्यावरच पक्षाने विश्वास दर्शविला असून, महापालिकेच्या इतिहासात सलग दुसऱ्यांदा स्थायी समितीचे अध्यक्ष होणारे रासने हे पहिले अध्यक्ष ठरणार आहेत.
स्थायी समितीच्या अध्यक्षपदासाठी सोमवारी दुपारी अर्ज दाखल करण्यात आले. भाजपकडून रासने यांचा, तर विरोधकांकडून राष्ट्रवादी काँग्रेसचे बंडू तात्या गायकवाड यांचा अर्ज दाखल करण्यात आला आहे. महापालिकेत भाजपची एकहाती सत्ता असल्याने स्थायी समितीच्या अध्यक्षपदासाठी भाजपच्या उमेदवाराची निवड ही औपचारिकता समजली जाते. मात्र, सांगलीतील महापौरपदाच्या निवडणुकीत झालेल्या गोंधळाच्या पार्श्वभूमीवर भाजपकडून पुरेशी खबरदारी घेण्यात येणार आहे. स्थायी समितीच्या अध्यक्षासह शिक्षण समिती अध्यक्षपदासाठीही भाजपने मंजुश्री खर्डेकर, तर उपाध्यक्षपदासाठी कलिंदा पुंडे यांचा उमेदवारी अर्ज दाखल केला. नगरसचिव शिवाजी दौंडकर यांच्याकडे अर्ज दाखल करण्यात आले. या वेळी शहराध्यक्ष जगदीश मुळीक, महापौर मुरलीधर मोहोळ, उपमहापौर सरस्वती शेंडगे, सभागृह नेता गणेश बिडकर आदी उपस्थित होते.
राष्ट्रवादी काँग्रेसच्या सुमन पठारे यांनी विरोधकांकडून शिक्षण समितीच्या अध्यक्षपदासाठी, तर उपाध्यक्षपदासाठी शिवसेनेच्या प्राची आल्हाट यांनी अर्ज दाखल केला आहे. महाविकास आघाडी म्हणून या वेळी विरोधकांनी अर्ज दाखल केले आहेत. स्थायी समिती अध्यक्ष, तसेच शिक्षण समिती अध्यक्ष तसेच उपाध्यक्ष पदाची निवडणूक येत्या शुक्रवारी (५ मार्च) होणार आहे. शिक्षण समितीची निवडणूक सकाळी अकरा वाजता होईल. स्थायी समितीची निवडणूक दुपारी तीन वाजता होणार आहे. या निवडणुकीसाठी पुणे जिल्हा परिषदेचे मुख्य कार्यकारी अधिकारी (सीईओ) आयुष प्रसाद पीठासीन अधिकारी म्हणून काम पाहणार आहेत. महापालिकेच्या नवीन इमारतीमधील स्थायी समितीच्या सभागृहात ही निवडणूक प्रक्रिया पार पडणार आहे.
.
रासने रचणार इतिहास?
स्थायी समितीच्या इतिहासात पहिल्यांदा सलग दोन वेळा अध्यक्षपदी काम करण्याची संधी मिळणारे रासने हे पहिले अध्यक्ष ठरणार आहेत. हे निवडणुकीचे वर्ष असल्याने पुढील वर्षीचा अर्थसंकल्प रासनेच मांडतील, अशी शक्यता कमी आहे. अन्यथा सलग तीन वेळा अर्थसंकल्प मांडण्याचा विक्रमही रासने यांच्या नावे झाला असता. गेल्या वर्षी आणि यंदा असे दोन अर्थसंकल्प रासने यानी सादर केले आहेत. येत्या पाच तारखेला अध्यक्षपदाच्या निवडणुकीत औपचारिकता पार पाडून ते अध्यक्षपदी विराजमान होतील, अशी परिस्थिती आहे.